ମୁମ୍ଵାଇ ୨୭।୦୭: ବଲିଉଡ ସର୍କଲରେ ଅର୍ଜୁନ କପୁର ଏବଂ ମଲାଇକା ଆରୋରାଙ୍କ ବ୍ରେକଅପ୍ ହେବାର ଖବର ଆସିଛି। ଅର୍ଜୁନ ଏବଂ ମଲାଇକା ଏହା ବିଷୟରେ କଦାପି ଆଲୋଚନା କରିନାହାଁନ୍ତି। କିନ୍ତୁ ଯଦି ରିପୋର୍ଟକୁ ବିଶ୍ୱାସ କରାଯାଏ ତେବେ ଉଭୟ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ବ୍ରେକଅପ୍ ଖବର ମଧ୍ୟରେ ଅର୍ଜୁନ ଏବଂ ମଲାଇକା ଏକ ଇଭେଣ୍ଟରେ ପରସ୍ପର ମଧ୍ୟରେ ସାମ୍ନା ସାମ୍ନି ହୋଇଥିଲେ, କିନ୍ତୁ ଉଭୟଙ୍କ ମଧ୍ୟରେ କୌଣସି ପ୍ରକାରର କଥାବାର୍ତ୍ତା ହୋଇନଥିଲା।
ଅର୍ଜୁନ ଏବଂ ମଲାଇକା ନିକଟରେ କୁନାଲ ରାୱଲଙ୍କ ଫ୍ୟାଶନ ସୋ’ରେ ଯୋଗ ଦେଇଥିଲେ। ଏହି ସମୟ ମଧ୍ୟରେ ଉଭୟ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଏହି ଇଭେଣ୍ଟରେ ଦୁହେଁ ଅନେକ ଥର ମୁହାଁମୁହିଁ ହୋଇଥିଲେ, କିନ୍ତୁ ଅର୍ଜୁନ ଏବଂ ମଲାଇକା ପରସ୍ପରଠାରୁ ଦୂରତା ବଜାୟ ରଖିଥିଲେ। ଏହି ଇଭେଣ୍ଟରେ, ମଲାଇକା ଏବଂ ଅର୍ଜୁନ ଅନ୍ୟ ସମସ୍ତ ଅତିଥିଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା, କିନ୍ତୁ ଦୁହେଁ ପରସ୍ପରକୁ ଅଣଦେଖା କରିବା କରିଥିବାର ନଜର ଆସିଥିଲେ।
ଉଭୟଙ୍କ ଏହି ବ୍ୟବହାର ଦେଖିବା ପରେ, ଏହା ନିଶ୍ଚିତ ଯେ ଦୁହିଁଙ୍କ ବ୍ରେକଅପ୍ କନଫର୍ମ । ଏହି ଇଭେଣ୍ଟରେ ଅର୍ଜୁନ କପୁର ଏକ କଳା ଶେରୱାନିରେ ସମ୍ପୂର୍ଣ୍ଣ ସୁନ୍ଦର ଦେଖାଯାଉଥିବାବେଳେ ମଲାଇକା ମଧ୍ୟ କଳା ରଙ୍ଗର ପୋଷାକ ପିନ୍ଧିଥିଲେ। ଉଭୟ ଇଭେଣ୍ଟରେ ବହୁତ ଭଲ ଦେଖାଯାଉଥିଲେ।
ଏହା ପୂର୍ବରୁ ଜୁଲାଇ ୧୨ ରେ ଅନନ୍ତ ଏବଂ ରାଧିକାଙ୍କ ବିବାହରେ ପ୍ରଶଂସକମାନେ ଆଶା କରୁଥିଲେ ଯେ ଅର୍ଜୁନଙ୍କ ସହ ସେମାନେ ମଧ୍ୟ ମଲାଇକା ଆରୋରାଙ୍କୁ ଦେଖିବେ, କିନ୍ତୁ ତାହା ହୋଇ ନଥିଲା। ପୂରା ବିବାହରେ ଅର୍ଜୁନ ଏକାକୀ ନଜର ଆସିଥିଲେ। ମଲାଇକା ବିବାହରେ ଅନୁପସ୍ଥିତ ରହିଥିଲେ।
