ପାକିସ୍ତାନ , ତୁର୍କୀ ଓ ଚୀନର ନିଦ ଉଡ଼ାଇଲା ଭାରତୀୟ ନୌସେନା ; ଏହି ତିନି ଦେଶ ଏବେ ଚିନ୍ତାରେ

ନୂଆଦିଲ୍ଲୀ : ମେ ମାସରେ ଅପରେସନ ସିନ୍ଦୂର ବେଳେ ଭାରତୀୟ ସେନା ବାହିନୀର ଚାରି ଦିନର ସାମରିକ କାର୍ଯ୍ୟାନୁଷ୍ଠାନ , କେବଳ ପାକିସ୍ତାନ-ତୁର୍କୀ ଓ ଚୀନ ସଂପର୍କର ପର୍ଦ୍ଦାଫାଶ ପୂରା ଦୁନିଆ ସାମ୍ନାରେ କରି ନଥିଲା , ବରଂ ଚାଇନା ଫାଇଟର ଜେଟ୍‌ ଜେ-୧୦ସିଇ ଓ ତୁର୍କୀ ଦ୍ୱାରା ପଠାଯାଇ ଥିବା ଡ୍ରୋନକୁ ବିଫଳ କରାଇ ପାକିସ୍ତାନର ଉଦ୍ଦେଶ୍ୟକୁ ଭଣ୍ଡୁର କରିଦେଇ ଥିଲା। ଏଥିରେ ପୂରା ଦୁନିଆ ସାମ୍ନାରେ ପାକ୍‌ର ସେହି ସହଯୋଗୀମାନେ ଖୁବ୍‌ ଅପମାନିତ ହୋଇଥିଲେ। ଏବେ ଭାରତୀୟ ନୌସେନାର ପଦକ୍ଷେପରେ ଏହି ତିନି ଜଣ ପୁଣି ଚିନ୍ତାରେ। ଏହାର କାରଣ ଭୂମଧ୍ୟ ସାଗରରୁ ନେଇ ଭାରତ-ପ୍ରଶାନ୍ତ ମହାସାଗର ଯାଏ ଭାରତୀୟ ନୌସେନାର ଶକ୍ତି ବୃଦ୍ଧି।

ଉଲ୍ଲେଖନୀୟ ଯେ, ଭାରତୀୟ ନୌସେନା ନିକଟବର୍ତ୍ତୀ ଦିନରେ ଭାରତ ମହାସାଗର ଓ ଭାରତ-ପ୍ରଶାନ୍ତ ମହାସାଗରରେ ଦକ୍ଷିଣ କୋରିଆ , ଅଷ୍ଟ୍ରେଲିଆ , ଫିଲିପାଇନ୍ସ ସହ ମିଳିତ ଯୁଦ୍ଧ ଅଭ୍ୟାସ , ମୁକ୍ତ ମାର୍ଗ ଅଭ୍ୟାସ ଓ ଅନ୍ୟ ସେନା ସହଯୋଗ  ମାଧ୍ୟମରେ ନିକଟରତା ବୃଦ୍ଧି କରିଛି, ଯେଉଁଥିରେ ପୂର୍ବ ପଡୋଶୀ ଦେଶ ଚୀନରେ ଆତଙ୍କ ଖେଳି ଯାଇଛି। ଚୀନ ଏହି ସବୁ ଅଭ୍ୟାସରେ ଅସନ୍ତୁଷ୍ଟ ଅଛି। ସେ ଏହି ଭାରତ-ପ୍ରଶାନ୍ତ ମହାସାଗରରେ ଭାରତର ଦଖଲକୁ ଦର୍ଶାଇଛି।

ଚାଇନା ବିଶ୍ଳେଷକଙ୍କ ଅନୁସାରେ, ଭାରତ , ଦକ୍ଷିଣ କୋରିଆ ଓ ଅଷ୍ଟ୍ରେଲିଆ ମଧ୍ୟରେ ପ୍ରତିରକ୍ଷା ସହଯୋଗ ବୃଦ୍ଧିକୁ ବେଜିଂ ଭାରତ-ପ୍ରଶାନ୍ତ ମହାସାଗର କ୍ଷେତ୍ରରେ ଚୀନକୁ ନିୟନ୍ତ୍ରିତ କରିବାର ଏକ ରଣନୀତିକ ପ୍ରୟାସ ଭାବେ ଦେଖୁଛି। ବିଶ୍ଳେଷକଙ୍କ କହିବାନୁସାରେ ,ଘନିଷ୍ଠ ପ୍ରତିରକ୍ଷା ସମ୍ୱନ୍ଧ ପ୍ରସ୍ତୁତ କରି , ଏହି ଦେଶ ଏହି କ୍ଷେତ୍ରରୁ ଆମେରିକାର ରଣନୀତିକ ପ୍ରତ୍ୟାହାର କାରଣରୁ ସୃଷ୍ଟି ହୋଇଥିବା ଶୂନ୍ୟସ୍ଥାନକୁ ଭରିବା ପାଇଁ ଚେଷ୍ଟା କରୁଛି। ଏହି ଚାଇନା ବିଶ୍ଳେଷକ ଚୀନର ଆଭ୍ୟନ୍ତରୀଣ କ୍ଷେତ୍ରରେ ଭାରତୀୟ ନୌସୈନିକ ଜାହାଜ ସହ୍ୟାଦ୍ରିର ଉପସ୍ଥିତିରେ ପ୍ରତିକ୍ରିୟା ଦେଉ ଥିଲେ।

ପ୍ରତିରକ୍ଷା ମନ୍ତ୍ରଣାଳୟର ଏକ ବିବୃତ୍ତିରେ କୁହଯାଇଛି ଯେ, ସହ୍ୟାଦ୍ରି ୧୩ ଅକ୍ଟୋବରରେ ହିଁ ଦକ୍ଷିଣ କୋରିଆର ବୁସାନ ନୌସୈନିକ ବନ୍ଦରରେ ପହଞ୍ଚି ସାରିଛି। ବିବୃତ୍ତିରେ ଏହା ମଧ୍ୟ କୁହାଯାଇଛି, ଦକ୍ଷିଣ ଚୀନ ସାଗର ଓ ଭାରତ-ପ୍ରଶାନ୍ତ କ୍ଷେତ୍ରରେ ଚାଲିଥିବା ପରିଚାଳନା ମୁତୟନ ଅନୁସାରେ , ଭାରତୀୟ ନୌସେନାର ଜାହାଜ ସହ୍ୟାଦ୍ରି ୧୩ ଅକ୍ଟୋବର ୨୦୨୫ରେ ଦକ୍ଷିଣ କୋରିଆର ବୁସାନ ନୌସୈନିକ ବନ୍ଦରରେ ଭାରତୀୟ ନୌସେନା ଓ ଦକ୍ଷିଣ କୋରିଆ ଗଣରାଜ୍ୟ ନୌସେନା ମଧ୍ୟରେ ପ୍ରଥମେ ଦ୍ୱିପାକ୍ଷୀୟ ଅଭ୍ୟାସରେ ଅଂଶ ଗ୍ରହଣ କରିବାକୁ ପହଞ୍ଚି ଯାଇଛି। ଏହି ଯାତ୍ରା ବେଳେ, ସହ୍ୟାଦ୍ରି ଜାହାଜ ଚାଳକ ଦେଶ ଦ୍ୱିପାକ୍ଷୀୟ ଅଭ୍ୟାସରେ ଅଂଶ ଗ୍ରହଣ କରିବେ।

ସହ୍ୟାଦ୍ରି କଣ ?

କହି ରଖୁଛୁ କି , ସହ୍ୟାଦ୍ରି ଭାରତ ଦ୍ୱାରା ଡିଜାଇନ୍‌ କରାଯାଇ ଥିବା ଏକ ଶିବାଳିକ-ଶ୍ରେଣୀର ମିସାଇଲ ଗାଇଡେଡ୍‌ ଷ୍ଟିଲଥ୍‌ ଫ୍ରିଗେଟ୍‌ , ଯାହାକୁ ୨୦୧୨ରେ ନୌସେନାରେ ସ୍ଥାନିତ କରାଯାଇ ଥିଲା। ପ୍ରତିରକ୍ଷା ମନ୍ତ୍ରଣାଳୟର ବିବୃତ୍ତି ଭାରତୀୟ ନୌସେନାର ଯୋଜନାରେ ଭାରତ-ପ୍ରଶାନ୍ତ ମହାସାଗର ଓ ଦକ୍ଷିଣ ଚୀନ ସାଗରର ମହତ୍ତ୍ୱ ବୃଦ୍ଧିକୁ ଦର୍ଶାଇ ଥାଏ। ଏହା ବ୍ୟତୀତ ଏହି ମାସର ଆରମ୍ଭରେ ୯ ଅକ୍ଟୋବରରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅଷ୍ଟ୍ରେଲିଆ ଗସ୍ତରେ ନିଜର ସମକକ୍ଷ ରିଚର୍ଡ ମାର୍ଲେସଙ୍କ ସହ ଅନେକ ଦ୍ୱିପାକ୍ଷୀୟ ଚୁକ୍ତି ଉପରେ ଦସ୍ତଖତ କରିଥିଲେ ଏବଂ ଭାରତ-ପ୍ରଶାନ୍ତ ମହାସାଗରରେ କ୍ଷେତ୍ରୀୟ ପାର୍ଟନରସିପ୍‌ ଓ ସହଯୋଗ ବୃଦ୍ଧି କରିବାକୁ ଆଲୋଚନା କରିଥିଲେ।