ଦୁବାଇ ୦୨/୦୫: ସୁନାର ସହର ଦୁବାଇରେ ପ୍ରବଳ ବର୍ଷା ଏବଂ ଝଡ ତୋଫାନ । ଫଳରେ ପୁଣିଥରେ ଅସ୍ତବ୍ୟସ୍ତ ହୋଇପଡିଛି ଜନଜୀବନ । ବଜ୍ରପାତ ସହିତ ପ୍ରବଳ ବର୍ଷା ହୋଇଛି । ଏହାକୁ ନେଇ ଆଲର୍ଟରେ ପ୍ରଶାସନ । ଝାରି ହୋଇଛି ସତର୍କ ସୂଚନା ଜାରି । ଏକାଧିକ ବିମାନ ଉଡାଣ ବାତିଲ କରାଯାଇଛି । ବସ୍ ସେବା ମଧ୍ୟ ପ୍ରଭାବିତ ହୋଇଛି ।
ଅଫିସ ଯାଉଥିବା ଲୋକଙ୍କୁ ଘରୁ ବାହାରକୁ ନ ଯିବାକୁ ପରାମର୍ଶ ଦିଆଯାଇଛି । ଏଥିସହ, କମ୍ପାନୀଗୁଡିକ ଘରୁ କାମ କରିବାକୁ ଅନୁରୋଧ କରାଯାଇଛି । ରିପୋର୍ଟ ଅନୁଯାୟୀ, ଆସନ୍ତା ୪୮ ଘଣ୍ଟା ପାଇଁ ଦୁବାଇରେ ପ୍ରବଳ ବର୍ଷା ଓ ଝଡ ହେବାର ପୂର୍ବାନୁମାନ କରାଯାଇଛି । ସମସ୍ତ କ୍ଷେତ୍ରରେ ଆଲର୍ଟ ରହିବାକୁ ଜାରି କରାଯାଇଛି । ପାର୍କ ଏବଂ ବେଳାଭୂମି ବନ୍ଦ ରହିଛି । ତୁରନ୍ତ ପ୍ରଭାବ ସହିତ ଅନେକ ବିମାନ ବାତିଲ କରାଯାଇଛି । ରାସ୍ତାରେ ଯାତାୟତ ବି ବାଧାପ୍ରାପ୍ତ ହୋଇଛି ।
ସୂଚନା ଥାଉକି, ଗୁରୁବାର ମଧ୍ୟରାତ୍ରିରୁ ୟୁଏଇରେ ପ୍ରବଳ ବର୍ଷା ହୋଇଛି ବୋଲି ପାଣିପାଗ ବିଭାଗ କହିଛି । ବର୍ଷା ସହିତ ଗୁରୁବାର ଦିନ ଦୁବାଇରେ ବଜ୍ରପାତ ମଧ୍ୟ ଘଟିଛି। ଆସନ୍ତା 48 ଘଣ୍ଟା ପାଇଁ ଏକ ପ୍ରମୁଖ ସତର୍କ ସୂଚନା ଜାରି କରାଯାଇଛି । ଜନସାଧାରଣଙ୍କୁ ସତର୍କତା ଅବଲମ୍ବନ କରିବାକୁ କୁହାଯାଇଛି। ଅନ୍ଲାଇନ୍ରେ ଚାଲିଛି ପିଲାଙ୍କର ପାଠପଢା । ଗଣମାଧ୍ୟମ ରିପୋର୍ଟ ଅନୁଯାୟୀ, ଦୁବାଇକୁ ଆସୁଥିବା ୫ ଟି ବିମାନକୁ ଡାଇଭର୍ଟ କରାଯାଇଥିବାବେଳେ ୯ ଟି ପହଞ୍ଚିବା ଏବଂ ୪ ଟି ବିମାନ ଉଡ଼ାଣ ବାତିଲ କରାଯାଇଛି ।
ସ୍ଥାନୀୟ ଗଣମାଧ୍ୟମ କହିଛି ଯେ ଦୁବାଇର ଲୋକମାନେ ଗୁରୁବାର ସକାଳ ୩ ଟାରେ ପ୍ରବଳ ପବନ ଏବଂ ବଜ୍ରପାତରେ ଜାଗ୍ରତ ହୋଇଥିଲେ। ଦେଶର ଅଧିକାଂଶ ଭାଗରେ ବର୍ଷା ମେଘ ଆଚ୍ଛାଦନ କରି ସୂଚାଇ ଦେଇଛି ଯେ ପାଣିପାଗ ବିଭାଗ ଏକ ସତର୍କ ସୂଚନା ଜାରି କରିଛି । ମେ ୩ ତାରିଖ ପର୍ଯ୍ୟନ୍ତ ଦେଶରେ ବର୍ଷା ହେବାର ସମ୍ଭାବନା ରହିଛି ।
