ନୂଆଦିଲ୍ଲୀ: ଆମେରିକା ଦ୍ୱାରା ଚୀନ ସାମଗ୍ରୀ ଉପରେ ନୂଆ କଟକଣା ଜାରି କରାଯାଇଛି । ଏହାର ପ୍ରଭାବ କ'ଣ ରହିବ ? ଭାରତ ଉପରେ ଏହାର କ'ଣ ପ୍ରଭାବ ପଡ଼ିବ ? ରପ୍ତାନକାରୀଙ୍କ ସଂଗଠନ FIEO ଅନୁସାରେ ଚୀନ ପାଖରେ ଇଲେକ୍ଟ୍ରିକ ବାହାନ ପରି ଅନେକ କ୍ଷେତ୍ରରେ ଆବଶ୍ୟକତା ଠାରୁ ଅଧିକ କ୍ଷମତା ଅଛି ଏବଂ ଏଥିପାଇଁ ବେଜିଂ ଏବଂ ୱାଶିଂଟନ ମଧ୍ୟରେ ବଢୁଥିବା ଟ୍ରେଡ୍ ୱାର କାରଣରୁ ଘରୋଇ ବଜାରରେ ସାମଗ୍ରୀର ଡମ୍ପିଂ ବିପଦକୁ ଏଡାଇ ଦିଆଯାଇ ପାରିବ ନାହିଁ । ଏନଡିଟିଭିର ରିପୋର୍ଟ ଅନୁସାରେ ଫେଡରେସନ ଅଫ୍ ଇଣ୍ଡିଆନ୍ ଏକ୍ସପୋର୍ଟର ଅଧ୍ୟକ୍ଷ ଅଶ୍ୱିନୀ କୁମାର କହିଛନ୍ତି ଯେ ଉଦ୍ୟୋଗ ଏବଂ ସରକାରକୁ ଚୀନରୁ ଆମଦାନୀ ଉପରେ କଡ଼ା ନଜର ରଖିବା ଦରକାର ଏବଂ ଯଦି ବୃଦ୍ଧି କିମ୍ୱା ଡମ୍ପିଂ ହୁଏ, ତେବେ ଡାଇରେକ୍ଟୋରେଟ୍ ଜେନେରାଲ୍ ଅଫ୍ ଟ୍ରେଡ୍ ରେମେଡିଜ (ଡିଜିଟିଆର)କୁ ବ୍ୟବସାୟର ସୁରକ୍ଷା ପାଇଁ ଉଚିତ୍ ପଦକ୍ଷେପ ନେବା ଦରକାର । ଡିଜିଟିଆର ବାଣିଜ୍ୟ ମନ୍ତ୍ରଣାଳୟର ଏକ ତଦନ୍ତ ଶାଖା, ଯାବା ଆଣ୍ଟି-ଡମ୍ପିଂ ଶୁଳ୍କ, ସୁରକ୍ଷା ଶୁଳ୍କ ଏବଂ କାଉଣ୍ଟରୱେଲିଂ ଶୁଳ୍କ ସହ ଜଡ଼ିତ ତଦନ୍ତ କରେ । ଏହା ବିଶ୍ୱ ବାଣିଜ୍ୟ ସଂଗଠନର ଏକ ବୁଝାମଣା ଅଧିନରେ ସଦସ୍ୟ ଦେଶଙ୍କୁ ପ୍ରଦାନ କରାଯାଏ ।

ଅଶ୍ୱିନୀ କୁମାର ଗୁରୁବାର ସାମ୍ୱାଦିକଙ୍କୁ କହିଛନ୍ତି, 'ଚୀନ ଅନେକ କ୍ଷେତ୍ରରେ ଆବଶ୍ୟକତାଠାରୁ ଅଧିକ ସାମଗ୍ରୀ ରହିଛି ଏବଂ ଏଭଳି ସ୍ଥଳେ କୌଣସି ମାମଲାରେ ଡମ୍ପିଂର ବିପଦକୁ ଏଡାଇ ଦିଆଯାଇପାରିବ ନାହିଁ । ଖାସକରି ସେତେବେଳେ, ଯେତେବେଳେ ତାଙ୍କ ରପ୍ତାନୀ ପାଇଁ ଏକ ଗୁରୁତ୍ୱପୂର୍ଣ୍ଣ ବଜାର ବନ୍ଦ ହୋଇଯାଇଛି । ଚୀନ ଉପରେ ଅତିରିକ୍ତ ଶୁଳ୍କରେ ପ୍ରଭାବିତ ଉତ୍ପାଦରେ ଭାରତ ପାଖରେ ଫେସମାସ୍କ, ପିପିଇ, ସିରିଞ୍ଜ, ଛୁଞ୍ଚି, ମେଡିକାଲ ଗ୍ଲୋବ୍ସ, ଆଲୁମିନିୟମ ଏବଂ ଲୁହା ଏବଂ ଇସ୍ପାତରେ ସୁଯୋଗ ରହିଛି ।' ସେ କହିଛନ୍ତି, ଚୀନ ମଧ୍ୟ ଆମେରିକୀୟ ରପ୍ତାନୀ ଉପରେ ପାଲଟା କାର୍ଯ୍ୟାନୁଷ୍ଠାନରେ ଭାରତ ପାଇଁ ସୁଯୋଗ ସୃଷ୍ଟି ହୋଇପାରେ ।

FIEO ଅଧ୍ୟକ୍ଷ କହିଛନ୍ତି ଯେ ଲୋହିତ ସାଗର ସଂକଟର ସାମୁଦ୍ରିକ ମାଲ ପରିବହନ ଏବଂ ଆକାଶ ମାର୍ଗରୁ ମାଲ ପରିବହନ ଉଭୟ ଉପରେ ନକାରାତ୍ମକ ପ୍ରଭାବ ପଡୁଛି । ଏହା ଭାରତୀୟ ରପ୍ତାନୀକୁ ପ୍ରଭାବିତ କରୁଛି । ସେ କହିଛନ୍ତି, ସମୁଦ୍ର ଏବଂ ଆକାଶ ମାର୍ଗରୁ ମାଲ୍ ପରିବହନ ଖର୍ଚ୍ଚରେ ବୃଦ୍ଧି ଯୋଗୁଁ ବିଦେଶୀ କ୍ରେତାଙ୍କ ପାଇଁ ଭାରତରୁ ଆମଦାନୀ ଅଧିକ ମହଙ୍ଗା ହେଉଛି । ଫଳରେ ବୈଶ୍ୱିକ ବାଜରରେ ଭାରତର ପ୍ରତିଦ୍ୱନ୍ଦ୍ୱୀତାକୁ କ୍ଷତି ସହିବାକୁ ପଡ଼ୁଛି । ଅଧିକ ମହଙ୍ଗା କାରଣରୁ ଦେଶକୁ କିଛି ଅର୍ଡର ହରାଇବାକୁ ପଡ଼ୁଛି । ଏଥିପାଇଁ ଭାରତ ସରକାର ଏବଂ ରପ୍ତାନକାରୀ ଏହି ପ୍ରଭାବକୁ କମ କରିବା ଉପରେ ରଣନୀତି କରିବା ଦରକାର । ଯେପରି କି ବୈକଳ୍ପିକ ଶିପିଂ ମାର୍ଗର ସନ୍ଧାନ ଏବଂ ଶିପିଂ ଲାଇନ ସହ ଆଲୋଚନା କରିବା ।