ନୂଆଦିଲ୍ଲୀ ୨୪/୧୧: ୱିଙ୍ଗ କମାଣ୍ଡର ନମାଂଶ ସିଆଲଙ୍କୁ ଆମେରିକାର F-16 ଡେମୋ ଟିମ୍ ଜଣାଇଲା ସମ୍ମାନ । ବାତିଲ କଲା ହେବାକୁ ଥିବା ଏୟାର ଶୋ । ଭାରତୀୟ ବାୟୁସେନାର ୱିଙ୍ଗ କମାଣ୍ଡର ନମାଂଶ ସିଆଲ ଦୁବାଇ ଏୟାର ଶୋ ୨୦୨୫ ସମୟରେ ସହିଦ ହୋଇଥିଲେ । ୩୭ ବର୍ଷୀୟ ଭାରତୀୟ ୱିଙ୍ଗ କମାଣ୍ଡରଙ୍କ ସହିଦ ହେବା ପରେ, ଆମେରିକା ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। ଆମେରିକାର F-୧୬ ପ୍ରଦର୍ଶନ ଦଳ ନଭେମ୍ବର ୨୧ ତାରିଖରେ ଦୁବାଇ ଏୟାର ଶୋରେ ଏହାର ଶେଷ ପ୍ରଦର୍ଶନକୁ ବାତିଲ କରିଛି ।

ଟିମ୍ କମାଣ୍ଡରଙ୍କ ଅନୁଯାୟୀ, ଏହି ନିଷ୍ପତ୍ତି ୱିଙ୍ଗ କମାଣ୍ଡର ନମାଂଶ ସିଆଲଙ୍କ ସମ୍ମାନାର୍ଥେ ନିଆଯାଇଛି। ଏତେ ବଡ଼ ଅଘଟଣ ପରେ ବି କିପରି ଏପରି କରାଯାୁଛି ବୋଲି ଆମେରିକୀୟ ପାଇଲଟ୍ ଆୟୋଜକଙ୍କୁ କଡ଼ା ସମାଲୋଚନା କରିଛନ୍ତି । ଆମେରିକା ବାୟୁସେନାର F-୧୬ ଭାଇପର ଡେମୋନଷ୍ଟ୍ରେସନ୍ ଟିମ୍ର କମାଣ୍ଡର ମେଜର ଟେଲର ଫାମା ହେଷ୍ଟର ଏକ ଭାବପ୍ରବଣ ଇନଷ୍ଟାଗ୍ରାମ୍ ପୋଷ୍ଟ କରି କହିଛନ୍ତି ଯେ ଦୁର୍ଘଟଣା ସତ୍ତ୍ୱେ ଏୟାରଶୋ ଉଡ଼ାଣ କାର୍ଯ୍ୟକ୍ରମ ଜାରି ରଖିବା ପାଇଁ ଆୟୋଜକଙ୍କ ନିଷ୍ପତ୍ତି ଆଶ୍ଚର୍ଯ୍ୟଜନକ।

ଆମେରିକା ବାୟୁସେନା ଟିମ୍ କମାଣ୍ଡର ଏକ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, "ପାଇଲଟ୍ ନମାଂଶ, ତାଙ୍କ ସାଥୀ ଓ ତାଙ୍କ ପରିବାର ପ୍ରତି ସମ୍ମାନ ଜଣାଇ ଦଳ ଅନ୍ୟ ଅନେକଙ୍କ ସହିତ ଏୟାର ଶୋ’ରେ ସେମାନଙ୍କର ଶେଷ ପ୍ରଦର୍ଶନ ବାତିଲ କରିବାକୁ ନିଷ୍ପତ୍ତି ନେଇଛି।"ହେଷ୍ଟର ବର୍ଣ୍ଣନା କରିଛନ୍ତି ଯେ କିପରି, ତେଜସ୍ ଦୁର୍ଘଟଣାର ତୁରନ୍ତ ପରେ ମଧ୍ୟ, ଦୁବାଇ ୱାର୍ଲ୍ଡ ସେଣ୍ଟ୍ରାଲରେ ସବୁକିଛି ପୂର୍ବପରି ଚାଲିଥିଲା । ସ୍ପିକରରେ ଜୋରରେ ରକ୍ ଆଣ୍ଡ୍ ରୋଲ୍ ସଂଗୀତ ବାଜୁଥିଲା । ଭିଡ଼ ସେମାନଙ୍କ ମୋବାଇଲ୍ ଫୋନ୍ରେ ପରବର୍ତ୍ତୀ ପ୍ରଦର୍ଶନ ରେକର୍ଡ କରୁଥିଲା ।

​​​​​​​

ସବୁକିଛି ପୂର୍ବ ପରି ସ୍ୱାଭାବିକ ଥିଲା। ସେ ଲେଖିଛନ୍ତି, "ଆମେ ସମସ୍ତେ, ଏକାଠି ହେଉ କି ଅଲଗା, ଦୂରରୁ ନୀରବରେ ଦୁର୍ଘଟଣାର ପରବର୍ତ୍ତୀ ଘଟଣା ଦେଖୁଥିଲୁ । ଏକ ଖାଲି ପାର୍କିଂ ସ୍ଥାନ ନିକଟରେ ର୍ୟାମ୍ପରେ ଠିଆ ହୋଇଥିବା ଭାରତୀୟ ରକ୍ଷଣାବେକ୍ଷଣ କର୍ମଚାରୀ, ଭୂମିରେ ପଡ଼ିଥିବା ବିମାନ ସିଡ଼ି ଓ ପାଇଲଟ୍ଙ୍କ ଜିନିଷପତ୍ର ତାଙ୍କ ଭଡା କାରରେ ଏବେ ବି ଥିଲା। ଯେତେବେଳେ ନିଆଁ ଲିଭିଗଲା ଓ ଏୟାରଶୋ ଆୟୋଜକମାନେ ମୋତେ ଜଣାଇଲେ ଯେ ଜାରି ରହିବ ଶୋ' । ତେବେ ମୁଁ ଆମର ପ୍ରଦର୍ଶନ ବାତିଲ କରିବାକୁ ନିଷ୍ପତ୍ତି ନେଇଥିଲି।