ନୂଆଦିଲ୍ଲୀ: ଅନଲାଇନ୍ ସ୍କାମ୍ ଏବଂ ସାଇବାର ଫ୍ରଡ୍ ମାମଲାରେ ଦୂରସଂଚାର ବିଭାଗ ବଡ଼ କାର୍ଯ୍ୟାନୁଷ୍ଠାନ ନେଇଛି । ଅନଲାଇନ୍ ଫାଇନାନସିୟାଲ ଫ୍ରଡ୍ ପାଇଁ ବ୍ୟବହାର ହୋଇଥିବା ୨୦ ମୋବାଇଲ୍ ହ୍ୟାଣ୍ଡସେଟକୁ ବ୍ଲକ୍ କରାଯାଇଛି । ସାଇବର୍ କ୍ରିମିନାଲ୍ସ ହ୍ୟାଡସେଟ୍ ଜରିଆରେ ଲୋକଙ୍କ ସହ ଅର୍ଥ ଠକେଇ କରୁଥିଲେ । ହ୍ୟାଣ୍ଡସେଟ୍ ବ୍ଲକ୍ ହେବା ପରେ ଏହି ମୋବାଇଲ୍ ଫୋନକୁ ଉପଯୋଗ କରାଯାଇ ପାରିବ ନାହିଁ । ଦୂରସଂଚାର ବିଭାଗ ନିଜ ଅଫିସିଆଲ୍ ସୋସିଆଲ୍ ମିଡିଆ ହ୍ୟାଣ୍ଡେଲ୍ ଜରିଆରେ ଏହି ସୂଚନା ଦେଇଛି ।
ଦୂରସଂଚାର ବିଭାଗ ନିଜ ଏକ୍ସ ଆକାଉଣ୍ଟରେ କହିଛି ଯେ ୨୦ ମୋବାଇଲକୁ ବ୍ଲକ୍ କରାଯିବା ସହ ଏଥିରେ ସାମିଲ ମୋବାଇଲ୍ ନମ୍ୱରକୁ ମଧ୍ୟ ବ୍ୟାନ କରାଯାଇଛି । ଦୂରସଂଚାର ବିଭାଗର ଏହି ଆକ୍ସନ ନିକଟରେ ସାଇବର୍ ଫ୍ରଡର ଅନେକ ମାମଲା ସାମନାକୁ ଆସିବା ପରେ ହୋଇଛି ।
❌mobile number is disconnected, and 20 associated mobile handsets have been blocked for misuse in cybercrime/Financial Fraud.
— DoT India (@DoT_India) May 7, 2024
If you observe any such incidents, please immediately report suspected fraud to Chakshu 👁️ #SancharSaathi
👉https://t.co/9wMyxZKTZl https://t.co/5Fd4n4PV10
କିଛି ଦିନ ତଳେ ବେଙ୍ଗାଲୁରୁ ସ୍ଥିତ ଜଣେ ମହିଳା ଅଦିତି ଚୋପ୍ରାଙ୍କ ସହ ଠକେଇ ହୋଇଥିଲା । ଏହାପରେ ଦୂରସଂଚାର ବିଭାଗ ଏହି ଠକେଇରେ ସାମିଲ ମୋବାଇଲ୍ ନମ୍ୱର ଏବଂ ହ୍ୟାଣ୍ଡସେଟକୁ ବ୍ଲକ୍ କରାଯାଇଛି । ସାଇବାର ଅପରାଧୀ ଫେକ୍ ଏସଏମଏସ ପଠାଇ, ଆର୍ଥିକ ଠକେଇ କରିଥିଲେ । ଦୂରସଂଚାର ବିଭାଗ ପୀଡିତାଙ୍କୁ ସୋସିଆଲ୍ ମିଡିଆ ପୋଷ୍ଟରେ ଟାଗ୍ ମଧ୍ୟ କରିଛି ।
