ମଧ୍ୟପ୍ରଦେଶ ପୋଲିସର ଆକ୍ସନ, କଫ୍‌ ସିରପ୍ ନିର୍ମାତା କମ୍ପାନୀ 'ଶ୍ରୀସନ୍ ମେଡିକାଲ୍ସ' ମାଲିକ ଗିରଫ

ଚେନ୍ନାଇ ୦୯/୧୦: ମଧ୍ୟପ୍ରଦେଶ ପୋଲିସକୁ ସଫଳତା । ଘାତକ "କୋଲଡ୍ରିଫ୍" କଫ ସିରପ୍ ମାମଲାରେ ଏକ ବଡ଼ ସଫଳତା ମିଳିଛି । ମଧ୍ୟପ୍ରଦେଶ ପୋଲିସର ଆକ୍ସନରେ ଧରାପଡିଛି  କଫ୍‌ ସିରପ୍ କଂପାନୀ ମାଲିକ । କଫ୍‌ ସିରପ୍ ନିର୍ମାତା କଂପାନୀ 'ଶ୍ରୀସନ୍ ମେଡିକାଲ୍ସ' ମାଲିକ ଗିରଫ । ମାଲିକ ଜି. ରଙ୍ଗନାଥନଙ୍କୁ ଚେନ୍ନାଇରୁ ଗିରଫ କଲା ପୋଲିସ । ରଙ୍ଗନାଥନଙ୍କୁ ହେପାଜତକୁ ନେଇ ପୋଲିସର ପଚରାଉଚରା କରୁଛି ।

କଫ୍‌ ସିରପ୍ ପିଇ ମଧ୍ୟପ୍ରଦେଶରେ ୨୦ ଶିଶୁଙ୍କ ମୃତ୍ୟୁ ହୋଇଛି । ପୂର୍ବରୁ, ମଧ୍ୟପ୍ରଦେଶ ପୋଲିସ ଏହି ଗମ୍ଭୀର ମାମଲାକୁ ଦୃଷ୍ଟିରେ ରଖି ଶ୍ରୀସାନ ଔଷଧ କମ୍ପାନୀର ପଳାତକ ମାଲିକଙ୍କ ଉପରେ ପୁରସ୍କାର ଘୋଷଣା କରିଥିଲା। ଅଭିଯୁକ୍ତଙ୍କୁ ଗିରଫ କରିବାରେ ସାହାଯ୍ୟ କରୁଥିବା ଯେକୌଣସି ବ୍ୟକ୍ତିଙ୍କୁ ₹୨୦,୦୦୦ ଟଙ୍କା ପୁରସ୍କାର ଘୋଷଣା କରିଥିଲା।

ଏହା ସହିତ, କମ୍ପାନୀର ପଳାତକ ମାଲିକମାନଙ୍କୁ ଶୀଘ୍ର ଗିରଫ କରିବା ପାଇଁ ଏକ ସ୍ୱତନ୍ତ୍ର SIT ଦଳ ମଧ୍ୟ ଗଠନ କରାଯାଇଥିଲା । ଯାହାର ପରିଣାମସ୍ୱରୂପ ରଙ୍ଗନାଥନଙ୍କୁ ଗିରଫ କରାଯାଇଥିଲା। ମଧ୍ୟପ୍ରଦେଶ ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ ନରେନ୍ଦ୍ର ଶିବାଜୀ ପଟେଲ ବୁଧବାର କହିଛନ୍ତି ଯେ ରାଜ୍ୟରେ ୨୦ ଜଣ ଶିଶୁ ଦୂଷିତ କଫ ସିରପ ଖାଇ ମୃତ୍ୟୁବରଣ କରିଛନ୍ତି ଏବଂ ଏହି ଗୁରୁତର ଅବହେଳା ପାଇଁ ତାମିଲନାଡୁ ସରକାର ଦାୟୀ।

ପଟେଲ କହିଛନ୍ତି, "ରାଜ୍ୟ ବାହାରକୁ ପଠାଯାଉଥିବା ଔଷଧର ପରୀକ୍ଷା କରିବା ତାମିଲନାଡୁ ସରକାରଙ୍କ ଦାୟିତ୍ୱ ଥିଲା। ମଧ୍ୟ ପ୍ରଦେଶ ସରକାର ମଧ୍ୟ ରାଜ୍ୟକୁ ଆସୁଥିବା ଔଷଧର ଅନିୟମିତ ପରୀକ୍ଷା କରନ୍ତି, କିନ୍ତୁ ଏହି ସିରପଟି ସେହି ନମୁନାରେ ଭୁଲବଶତଃ ହଜି ଯାଇଥିଲା।"