ନୂଆଦିଲ୍ଲୀ: ଆମେରିକା ହେଉ କିମ୍ବା ଅନ୍ୟ କେଉଁ ଦେଶ ଚୀନ ବିକାଶ ସ୍ପିଡ୍କୁ କେହି ରୋକିପାରିବ ନାହିଁ। ଅନ୍ୟ ଦେଶମାନେ ଯାହା ଚିନ୍ତା କରୁଛନ୍ତି ଚୀନ ତାହା କାମରେ କରି ଦେଖାଇ ଦେଉଛି। ଆଉ ଭାରତ କଥା ତ ଛାଡ଼ନ୍ତୁ। ଭାରତ ଏବେ ବି ଚୀନ ଠାରୁ ବହୁ ପଛରେ ରହିଛି। ଚୀନକୁ ଟକ୍କର ଦେବାକୁ ହେଲେ ଭାରତକୁ କେଜାଣେ ଆହୁରି କେତେ ବର୍ଷ ସମୟ ଲାଗିବ। କାରଣ ଟେକ୍ନୋଲୋଜୀ ଦୁନିଆରେ ଚୀନ ପୁଣି ଏକ ନୂଆ କାମ କରି ଦେଖାଇଛି, ଯାହା ପୂର୍ବରୁ କେହି କରିପାରି ନାହାନ୍ତି।
ଚୀନ୍ ୨୦ ଏପ୍ରିଲ୍ ୨୦୨୫ରେ ହେବେଇ ପ୍ରଦେଶର ସୁନାନ୍ କାଉଣ୍ଟିରେ ଏକ ୧୦ଜି ବ୍ରଡବ୍ୟାଣ୍ଡ ନେଟୱାର୍କ ଲଞ୍ଚ କରିଛି। ଏଠାରେ "G" ଜେନେରେସନ୍ ନୁହେଁ ଏହାର ଅର୍ଥ ଗିଗାବିଟ୍। ଏହା ବିଶ୍ୱର ପ୍ରଥମ କମର୍ସିଆଲ୍ ୱାୟର୍ଡ ବ୍ରଡବ୍ୟାଣ୍ଡ ନେଟୱାର୍କ, ଯାହା ପ୍ରତି ସେକେଣ୍ଡରେ ୧୦ ଗିଗାବିଟ୍ (Gbps) ପର୍ଯ୍ୟନ୍ତ ସ୍ପିଡ୍ ଦେବ। ଏହା 5G କିମ୍ବା 6G ପରି ୱୟାରଲେସ୍ ମୋବାଇଲ୍ ନେଟୱାର୍କ ସହ ଜଡ଼ିତ ନୁହେଁ, ଏହା ଆଡ୍ଭାନ୍ସଡ ଫାଇବର-ଅପ୍ଟିକ୍ ଟେକ୍ନୋଲୋଜୀ ୫୦ଜି ପ୍ୟାସିଭ୍ ଅପ୍ଟିକାଲ୍ ନେଟୱାର୍କ (50G-PON) ବ୍ୟବହାର କରେ। ହୁୱେଇ ଏବଂ ଚୀନ ୟୁନିକମ୍ ଏହି ଦୁଇ କମ୍ପାନୀ ମିଶି ଏହି ନେଟୱାର୍କ ଲଞ୍ଚ୍ କରିଛନ୍ତି।
୨୦ ସେକେଣ୍ଡ ମଧ୍ୟରେ ଡାଉନଲୋଡ୍ ହେବ ୨୦ଜିବି ସାଇଜର 4K ସିନେମା
ଏଥିରେ ୩ ମିଲିସେକେଣ୍ଡ ଲାଟେନ୍ସି ସହିତ ୯,୮୩୪ ଏମବିପିଏସ ଡାଉନଲୋଡ୍ ସ୍ପିଡ୍ ଏବଂ ୧,୦୦୮ ଏମ୍ବିପିଏସ୍ ଅପଲୋଡ୍ ସ୍ପିଡ୍ ମିଳିବ। ସରଳ ଭାଷାରେ ବୁଝିବାକୁ ଗଲେ ପ୍ରାୟ ୨୦ ଜିବି ଆକାରର ଏକ 4K ଚଳଚ୍ଚିତ୍ର ଡାଉନଲୋଡ୍ କରିବାକୁ ମାତ୍ର ୨୦ ସେକେଣ୍ଡରୁ ବି କମ ସମୟ ଲାଗିବ। ସାଧାରଣତଃ ୨୦ ଜିବି ଆକାରରେ କଣ୍ଟେଣ୍ଟ ଡାଉନଲୋଡ କରିବାକୁ ୧ Gbps ସଂଯୋଗରେ ପ୍ରାୟ ୭-୧୦ ମିନିଟ୍ ସମୟ ଲାଗେ। ହେଲେ ନୂଆ ୧୦ଜି ବ୍ରଡବ୍ୟାଣ୍ଡ ନେଟୱାର୍କ ସହିତ, ଏହା ୨୦ ସେକେଣ୍ଡରୁ କମ୍ ସମୟ ନେବ।
ରିମୋଟ ସର୍ଜରି ଏବଂ ଏଆଇ-ଚାଳିତ ସ୍ମାର୍ଟ ହୋମଗୁଡ଼ିକ ପାଇଁ ଉପଯୋଗୀ
୧୦ଜି ନେଟୱାର୍କଗୁଡ଼ିକ ଡାଟା-ଇଣ୍ଟେନସିଭ୍, ଲୋ-ଲାଟେନ୍ସୀ ଆପ୍ଲିକେସନଗୁଡ଼ିକୁ ସପୋର୍ଟ କରିବା ପାଇଁ ଡିଜାଇନ୍ କରାଯାଇଛି। ଏହା ସିମଲେସ୍ କ୍ଲାଉଡ୍ ଗେମିଂ, ରିମୋଟ୍ ସର୍ଜରୀ ଏବଂ ଏଆଇ-ଚାଳିତ ସ୍ମାର୍ଟ ହୋମ୍ ପାଇଁ ଉପଯୋଗୀ ହେବ। ଏହା ବ୍ୟତୀତ, ଏହା ସ୍ମାର୍ଟ ସିଟି, ଟେଲିମେଡିସିନ୍, ରିମୋଟ ଏଜୁକେସନ ଏବଂ ସ୍ମାର୍ଟ କୃଷିକୁ ମଧ୍ୟ ସପୋର୍ଟ କରିବ। ଉଦାହରଣ ସ୍ୱରୂପ, ଏହା ସ୍ୱୟଂଚାଳିତ ଡ୍ରାଇଭିଂ ସିଷ୍ଟମ ପାଇଁ ରିୟଲ ଟାଇମ ଡାଟା ପ୍ରୋସେସିଂ ସମ୍ଭାଳିପାରିବ। ଏହା ଚୀନର ଯୋଜନାର ଏକ ଅଂଶ।
ୟୁଏଇ ଏବଂ କତାର ଭଳି ଦେଶଗୁଡ଼ିକୁ ବ୍ରଡବ୍ୟାଣ୍ଡ ସ୍ପିଡ ପଛରେ ପକାଇଲା ଚୀନ୍
୧୦ଜି ବ୍ରଡବ୍ୟାଣ୍ଡ ନେଟୱାର୍କର ଶୁଭାରମ୍ଭ ଚୀନକୁ ବିଶ୍ୱ ବ୍ରଡବ୍ୟାଣ୍ଡ ଟେକ୍ନୋଲୋଜୀରେ ଲିଡର ବନାଇ ଦେଇଛି। କାରଣ ଚୀନ ୟୁଏଇ ଏବଂ କତାର ଭଳି ଦେଶର ବର୍ତ୍ତମାନର କମର୍ସିଆଲ ବ୍ରଡବ୍ୟାଣ୍ଡ ସ୍ପିଡକୁ ପାର୍ କରିଛି। ଯେଉଁଠାରେ ହାରାହାରି ସ୍ପିଡ ଯଥାକ୍ରମେ ୫୪୩ Mbps ଏବଂ ୫୨୧ Mbps ରହିଛି। ସୁନାନ୍ କାଉଣ୍ଟି ଏବଂ ଜିଓଙ୍ଗଆନ୍ରେ ପ୍ରାରମ୍ଭିକ ଲଞ୍ଚ୍ ଚୀନ୍ର ଏକ ବ୍ୟାପକ ଜାତୀୟ ରଣନୀତିର ଅଂଶ। ଚୀନ୍ ଏହାକୁ ୧୬୮ଟି ସ୍ଥାନରେ ବିସ୍ତାର କରିବାକୁ ଚାହୁଁଛି।
ଚୀନର ବ୍ରଡବ୍ୟାଣ୍ଡ ସ୍ପିଡ୍ ଭାରତ ତୁଳନାରେ ୧୦୦ ଗୁଣ ଦ୍ରୁତ
ଭାରତର ବ୍ରଡବ୍ୟାଣ୍ଡ ଇନଫ୍ରାଷ୍ଟ୍ରକଚର ମୁଖ୍ୟତଃ ଫାଇବର-ଅପ୍ଟିକ୍ (FTTH), DSL, କେବୁଲ୍ ଏବଂ 5G ଫିକ୍ସଡ୍ ୱାୟାରଲେସ୍ ଆକ୍ସେସ୍ (FWA) ଭଳି ଓୟାରଲେସ ଟେକ୍ନୋଲୋଜୀ ଉପରେ ନିର୍ଭର କରେ। ସବୁ ଦ୍ରୁତ ଦ୍ରୁତ ରିୟଲ ୱାର୍ଲ୍ଡ ଏକ୍ସାଇଡେଟଲା ଭଲି ପ୍ରୋଭାଇଡର୍ସ ଦିଅନ୍ତି। ଏଥିରେ, ଦିଲ୍ଲୀରେ ହାରାହାରି ଡାଉନଲୋଡ୍ ସ୍ପିଡ୍ ୭୭.୨ ଏମବିପିଏସ୍ ଏବଂ ଅପଲୋଡ୍ ସ୍ପିଡ୍ ୫୪.୭ ଏମବିପିଏସ୍।
କିଛି ପ୍ରୋଭାଇଡର୍ସ, ଯେପରିକି ଜିଓ ଫାଇବର ଏବଂ ଏୟାରଟେଲ ଏକ୍ସଟ୍ରିମ ଫାଇବର, ୧ଜିବିପିଏସ୍ ପର୍ଯ୍ୟନ୍ତ ଯୋଜନାର ବିଜ୍ଞାପନ କରନ୍ତି, କିନ୍ତୁ ଇନଫ୍ରାଷ୍ଟ୍ରକ୍ଚରର ବାଧା ଯୋଗୁ ରିୟଲ-ୱାଲ୍ଡ ସ୍ପିଡ୍ ପ୍ରାୟତଃ କମ୍ ଥାଏ। ୨୦୨୫ ମାର୍ଚ୍ଚରେ ଭାରତର ହାରାହାରି ଫିକ୍ସ୍ଡ ବ୍ରଡବ୍ୟାଣ୍ଡ ସ୍ପିଡ୍ ଡାଉନଲୋଡ୍ ପାଇଁ ୫୮.୬୨ ଏମବିପିଏସ ଏବଂ ଅପଲୋଡ୍ ପାଇଁ ୫୦.୪୨ ଏମବିପିଏସ ଥିଲା। ଏହା ବିଶ୍ୱରେ ୮୭ତମ ସ୍ଥାନରେ ଥିଲା। ଚୀନର ୧୦ଜି ନେଟୱାର୍କ ଭାରତର ରିୟର-ୱାର୍ଲ୍ଡ ବ୍ରଡବ୍ୟାଣ୍ଡ ସ୍ପିଡ୍ (୯,୮୩୪ ଏମବପିଏସ ବନାମ ୭୭.୨ Mbps) ତୁଳନାରେ ୧୦୦ ଗୁଣ ଅଧିକ ସ୍ପିଡ୍ ଦେଉଛି।
