ନୂଆଦିଲ୍ଲୀ: ବୁଧବାର(ସେପ୍ଟେମ୍ବର ୧୮) ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ବସିଥିବା କେନ୍ଦ୍ର କ୍ୟାବିନେଟ ବୈଠକରେ PM-AASHA ପାଇଁ ୩୫,୦୦୦ କୋଟି ଟଙ୍କା ମଞ୍ଜୁର ହୋଇଛି। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆମ କୃଷକ ଭାଇ ଓ ଭଉଣୀମାନଙ୍କୁ ସୁଲଭ ମୂଲ୍ୟରେ ସାର ଯୋଗାଣ ନିଶ୍ଚିତ କରିବାକୁ ୨୦୨୪ର ରବି ଋତୁ ପାଇଁ ପୁଷ୍ଟିକର ଭିତ୍ତିକ ସବସିଡି ହାର ଅନୁମୋଦନ କରାଯାଇଛି। ଏହି ନିଷ୍ପତ୍ତି ଦ୍ୱାରା ଦେଶରେ ଚାଷ ଖର୍ଚ୍ଚ କମିବ ବୋଲି ପ୍ରଧାନମନ୍ତ୍ରୀ କହିଛନ୍ତି।
ପ୍ରଧାନମନ୍ତ୍ରୀ ମୋଦୀଙ୍କ ନିଷ୍ପତ୍ତିରେ ଡାଲି ଏବଂ ତେଲ ବିହନ ଫସଲର ସର୍ବନିମ୍ନ ମୂଲ୍ୟ ଧାର୍ଯ୍ୟ କରାଯିବ। ଭାରତ ଏହି ଫସଲରେ ଆତ୍ମନିର୍ଭରଶୀଳ ହେବ, କୃଷକଙ୍କ ଆମଦାନୀ ବି ବଢିବ।
ପିଏମ ଆଶା ଯୋଜନା କ’ଣ?
ଏହା PM-ASHA ର ଏକ ସମନ୍ୱିତ ଯୋଜନା। କୃଷକ ଏବଂ ଉପଭୋକ୍ତାଙ୍କ ସେବାକୁ ସୁଗମ କରିବା ପାଇଁ କେନ୍ଦ୍ର ସରକାର ମୂଲ୍ୟ ସହାୟତା ଯୋଜନା (PSS) ଏବଂ ମୂଲ୍ୟ ସ୍ଥିରତା ପାଣ୍ଠି (PSF) ଯୋଜନାକୁ PM ଆଶାରେ ମିଶାଇ ଦେଇଛନ୍ତି। ଏହା କେବଳ କୃଷକମାନଙ୍କୁ ସେମାନଙ୍କ ଉତ୍ପାଦ ପାଇଁ ଉଚିତ ମୂଲ୍ୟ ପାଇବାରେ ସାହାଯ୍ୟ କରିବ ନାହିଁ, ବରଂ ଗ୍ରାହକଙ୍କୁ ମଧ୍ୟ ସୁବିଧା ଯୋଗାଇବ।
କ୍ୟାବିନେଟ୍ର ଅନ୍ୟ ନିଷ୍ପତ୍ତି
ଏହା ସହିତ ଗଣମାଧ୍ୟମ ଏବଂ ମନୋରଞ୍ଜନ ଜଗତ ପାଇଁ ଆଜି କ୍ୟାବିନେଟ ବୈଠକରେ ମଧ୍ୟ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଆନିମେସନ୍, ଭିଜୁଆଲ୍ ଇଫେକ୍ଟସ୍, ଗେମିଂ, କମିକ୍ସ ଏବଂ ଏକ୍ସଟେଣ୍ଡେଡ୍ ରିଅଲିଟି ପାଇଁ ଏକ ନ୍ୟାସନାଲ୍ ସେଣ୍ଟର ଅଫ୍ ଏକ୍ସଲେନ୍ସ ପ୍ରତିଷ୍ଠା ପାଇଁ ଅନୁମୋଦନ ମିଳିଛି। କ୍ରିଏଟର୍ସଙ୍କର ଇକୋ-ସିଷ୍ଟମ ଏକ ବଡ ପ୍ରୋତ୍ସାହନ ମିଳିବ। ଏବଂ ନିଯୁକ୍ତି ସୁଯୋଗ ସୃଷ୍ଟି ହେବ। ସେହିପରି କେନ୍ଦ୍ର କ୍ୟାବିନେଟ ବୈଠକରେ 'ବାୟୋ-ରାଇଡ୍' ଯୋଜନାକୁ ଅନୁମୋଦନ ମିଳିଛି। ଏହା ବାୟୋଟେକ୍ନୋଲୋଜିରେ ଭାରତର ଅଗ୍ରଗତି କରିବ। ସ୍ଥାୟୀ ବିକାଶ, ଆର୍ଥିକ ସହାୟତା ଏବଂ ଦକ୍ଷତା ବିକାଶ ଉପରେ ଧ୍ୟାନ ଦେବ।
ୱାନ୍ ନେସନ ୱାନ ଇଲେକ୍ସନକୁ ମଞ୍ଜୁରୀ
ବୁଧବାର ବସିଥିବା କ୍ୟାବିନେଟ ବୈଠକରେ ଏକାଥରେ ବିଧାନସଭା ଓ ଲୋକସଭା ନିର୍ବାଚନ କରାଇବା ପାଇଁ ଉଚ୍ଚସ୍ତରୀୟ କମିଟି ଦେଇଥିବା ସୁପାରିଶକୁ ଗ୍ରହଣ କରାଯାଇଛି।ପ୍ରଧାନମନ୍ତ୍ରୀ କହିଛନ୍ତି ଯେ ଏହି ପ୍ରୟାସର ନେତୃତ୍ୱ ପାଇଁ ମୁଁ ପୂର୍ବତନ ରାଷ୍ଟ୍ରପତି ରାମ ନାଥ କୋବିନ୍ଦ ଜୀଙ୍କୁ ଅଭିନନ୍ଦନ ଜଣାଉଛି। ଏହି ନିଷ୍ପତ୍ତି ଆମ ଗଣତନ୍ତ୍ରକୁ ଆହୁରି ଜୀବନ୍ତ ଏବଂ ସହଯୋଗୀ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମୋଦୀ କହିଛନ୍ତି।
