ପୁରୀ ୩୦।୦୮ : ପୁଣି ବ୍ରାଉନସୁଗାର ଜବତ । ପୁରୀରୁ ବ୍ରାଉନ୍ ସୁଗାର ଜବତ ସହ ଜଣେ ବେପାରୀଙ୍କୁ ବାନ୍ଧିଛି ପୋଲିସ । ପୁରୀ ଜିଲ୍ଲା ଚନ୍ଦନପୁର ଥାନା ଭାଇଲପୁର ଜଗନ୍ନାଥ ରୋଡ୍ରୁ ଧରାପଡିଛି ଧଳାଜହର ବେପାରୀ ।
କୌଣସି ସୁତ୍ରରୁ ଖବର ପାଇ ଚନ୍ଦନପୁର ଥାନା ଜଗନ୍ନାଥ ରୋଡ୍ରେ ଚଢାଉ କରିଥିଲା ପୋଲିସ । ଏହି ଚଢାଉ ସମୟରେ ଧଳାଜହର ବେପାରୀଙ୍କୁ ବାନ୍ଧିଥିଲା ପୋଲିସ । ଏହାସହ ବେପାରୀ ନିକଟରୁ ୧୫୭ ଗ୍ରାମର ବ୍ରାଉନସୁଗାର ଜବତ ହୋଇଛି । ଏପିରିକି ବେପାରୀ ନିକଟରୁ ଏକ ଲକ୍ଷ ୬୩ ହଜାର ୫୨୦ ଜବତ ହୋଇଛି । ଏହି ଧଳାଜହର କାରବାରରେ ମୋଟ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ଚନ୍ଦନପୁର ଥାନା ପୋଲିସ । ଅଭିଯୁକ୍ତଙ୍କ ଠାରୁ ମୋଟର ସାଇକେଲ, ତିନୋଟି ମୋବାଇଲ ଫୋନ୍, ଛୁରୀ ଜବତ। ଗିରଫ ତିନି ଅଭିଯୁକ୍ତ ହେଉଛନ୍ତି ଚନ୍ଦନପୁର ଥାନା ଅଞ୍ଚଳର ପ୍ରଦୀପ କୁମାର ପଣ୍ଡା, ଲିଟୁ ପ୍ରଧାନ, ନିରଞ୍ଜନ ପରିଡ଼ା। ପୁରୀ ଏସ୍ପି ପ୍ରତୀକ ସିଂ ପ୍ରେସମିଟ ଜରିଆରେ ଏହି ସୂଚନା ଦେଇଛନ୍ତି ।
