ନିଶା ବେପାର ବେଳେ ମାଫିଆକୁ ମାଡ଼ିବସିଲା ପୋଲିସ, ୩୦ଗ୍ରାମ ବ୍ରାଉନସୁଗାର ଜବତ

ଖୋର୍ଦ୍ଧା ୩୦।୧୧: ଖୋର୍ଦ୍ଧାରେ ନିଶା ମାଫିଆଙ୍କ ଉପରେ ପୋଲିସର କଡା ଆଭିମୁଖ୍ୟ । ଜିଲ୍ଲାରେ ନିଶା ମାଫିଆଙ୍କୁ ତଡିପାର କରିବା ପାଇଁ ଏସପିଙ୍କ ନିର୍ଦ୍ଦେଶରେ ଆଦର୍ଶ ଥାନା ଅନ୍ତର୍ଗତ ଗୁରୁଜଙ୍ଗ ମହୋତ୍ସବ ପଡିଆରେ ଜଣେ ନିଶା ମାଫିଆକୁ ବେପାର କରୁଥିବା ସମୟରେ ଗିରଫ କରି ୩୦ଗ୍ରାମ ବ୍ରାଉନ ସୁଗାର ଜବତ କରିଛନ୍ତି । ଏଥି ସହିତ ଅଭିଯୁକ୍ତଙ୍କ ଠାରୁ ବୁଲେଟ୍, ମୋବାଇଲ, ୧୫୦୦ ଟଙ୍କା ଜବତ ହୋଇଛି । ଖୋର୍ଦ୍ଧା ଜିଲ୍ଲାରେ ବିଭିନ୍ନ ଥାନା ଅଞ୍ଚଳରେ ବ୍ରାଉନସୁଗାର କାରବାରରେ ନୂଆ ନୂଆ ଯୁବକ ମାନେ ନିୟୋଜିତ ହେଉଛନ୍ତି । ସେ ସମ୍ପର୍କରେ ପୋଲିସର ଅନୁସନ୍ଧାନ ଜାରି ରଖି ବିଭିନ୍ନ ସ୍ଥାନରେ ଚଢାଉ କରାଯାଉଛି ।