କଳା ନା ହଳଦିଆ କିସ୍‌ମିସ୍‌, ସ୍ବାସ୍ଥ୍ୟ ପାଇଁ କେଉଁଟି ଭଲ ? ଜାଣନ୍ତୁ...

ନୂଆଦିଲ୍ଲୀ ୨୪।୦୯: ସ୍ୱାସ୍ଥ୍ୟ ପାଇଁ ଲାଭଦାୟକ କିସମିସ୍ । ଏଥିରେ ଫାଇବର, ଆଇରନ୍, ପୋଟାସିୟମ୍ ଏବଂ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଥାଏ। ବଜାରରେ ୨ ପ୍ରକାରର କିସମିସ୍ ମିଳିଥାଏ ।  ଗୋଟିଏ କଳା ଏବଂ ଅନ୍ୟଟି ହଳଦିଆ। କିନ୍ତୁ ଅନେକଙ୍କ ମନରେ ପ୍ରଶ୍ନ ଆସିବା ସ୍ବାଭାବିକ କେଉଁଟି ଅଧିକ ଲାଭଦାୟକ? ଆସନ୍ତୁ ଜାଣିବା...

ଏକ ଅଧ୍ୟୟନ ଅନୁସାରେ, କିସମିସ୍ ଖରାପ କୋଲେଷ୍ଟ୍ରଲ୍ ହ୍ରାସ କରେ । ରକ୍ତଚାପକୁ ଉନ୍ନତ କରେ ଏବଂ ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରେ । ଜର୍ଣ୍ଣାଲ୍ ଅଫ୍ ନ୍ୟୁଟ୍ରିସନ୍ ଆଣ୍ଡ୍ ହେଲ୍ଥରେ ପ୍ରକାଶିତ ଏହି ଅଧ୍ୟୟନରେ କୁହାଯାଇଛି ଯେ କିସମିସ୍ ହୃଦୟ ପାଇଁ ବହୁତ ଲାଭଦାୟକ । ଏମାନଙ୍କର କାର୍ଯ୍ୟ ଭିନ୍ନ କିନ୍ତୁ ଉଭୟ କିସମିସ୍ ହୃଦୟ ପାଇଁ ଭଲ । କଳା କିସମିସ୍ ଆଣ୍ଟିଅକ୍ସିଡାଣ୍ଟ ଏବଂ ଆଇରନରେ ଭରପୂର ହୋଇଥାଏ । କିନ୍ତୁ ହଳଦିଆ କିସମିସ୍ ନରମ ଏବଂ ଅଧିକ ସ୍ୱାଦିଷ୍ଟ।

କଳା କିସମିସ୍ ଖରାରେ ଶୁଖାଯାଏ । ଯାହା ଫଳରେ ଏଥିରେ ଅଧିକ ଆଇରନ୍ ଏବଂ ଏନ୍ଥୋସାୟାନିନ୍ ଥାଏ। କଳା ରଙ୍ଗ ଏହାର ଉଚ୍ଚ ଆଣ୍ଟିଅକ୍ସିଡାଣ୍ଟ ସ୍ତର ଯୋଗୁଁ ହୋଇଥାଏ। ଅନ୍ୟପକ୍ଷରେ ହଳଦିଆ କିସମିସକୁ ସଲଫର ଡାଇଅକ୍ସାଇଡ ସହିତ ପ୍ରକ୍ରିୟାକରଣ କରାଯାଏ । ଯାହା ଦ୍ୱାରା ଏହା ଦୀର୍ଘ ସମୟ ଧରି ରହିଥାଏ। ଏହି କାରଣରୁ ହଳଦିଆ କିସମିସ ମିଠା ଏବଂ ନରମ ହୋଇଥାଏ। ତଥାପି କଳା କିସମିସରେ ଅଧିକ ପୁଷ୍ଟିକର ଥାଏ।

କଳା କିସମିସରେ ଆଇରନ୍ ଭରପୂର ଥାଏ । ଯାହା ହିମୋଗ୍ଲୋବିନ୍ ସ୍ତରକୁ ସପୋର୍ଟ କରେ । ଏଥିରେ ଥିବା ଆଣ୍ଟିଅକ୍ସିଡାଣ୍ଟ ଅକ୍ସିଡେଟିଭ୍ ଚାପକୁ ହ୍ରାସ କରେ । ହଳଦିଆ କିସମିସରେ କଳା କିସମିସ ତୁଳନାରେ କମ୍ ଆଣ୍ଟିଅକ୍ସିଡାଣ୍ଟ ଥାଏ, ଯଦିଓ ଏହା ନ୍ୟାଚୁରାଲ୍ ଶୁଗାର ହୋଇଥାଏ ।

ଉଭୟ ପ୍ରକାରର କିସମିସରେ ଫାଇବର ଭରପୂର ମାତ୍ରାରେ ରହିଥାଏ । ଜର୍ଣ୍ଣାଲ୍ ଅଫ୍ ନ୍ୟୁଟ୍ରିସନ୍ ଆଣ୍ଡ୍ ହେଲ୍ଥ ଅନୁଯାୟୀ, କିସମିସ ଖାଇବା ପେଟ ପାଇଁ ଭଲ । ଏହା ଅନ୍ତନଳୀରେ ଭଲ ବ୍ୟାକ୍ଟେରିଆ ବୃଦ୍ଧି କରିବାରେ ସାହାଯ୍ୟ କରେ । କଳା କିସମିସରେ ଅଦ୍ରବଣୀୟ ଫାଇବର ଥାଏ, ଯାହା କୋଷ୍ଠକାଠିନ୍ୟରୁ ମୁକ୍ତି ଦିଏ।

ହଳଦିଆ କିସମିସରେ ଦ୍ରବଣୀୟ ଫାଇବର ଥାଏ, ଯାହା ପାଚନକୁ ଉନ୍ନତ କରେ ଏବଂ ରକ୍ତ ଶର୍କରାକୁ ନିୟନ୍ତ୍ରଣ କରେ। ପାଚନକୁ ଉନ୍ନତ କରିବା ପାଇଁ, ଉଭୟ କିସମିସକୁ ଏକାଠି ଖାଇବା ଉଚିତ।

ବହୁତ ପରିମାଣରେ କିସମିସ ଖାଇବା ଦ୍ୱାରା ଶର୍କରା ସ୍ତର ଏବଂ ମେଦବହୁଳତା ବୃଦ୍ଧି ପାଇପାରେ। ସଲଫାଇଟ୍ରେ ଅସୁବିଧା ଲୋକମାନେ କିସମିସ ଖାଇବାରୁ ଦୂରେଇ ରହିବା ଉଚିତ । ଅଧିକ ପରିମାଣରେ କିସମିସ ଖାଇବା ଦ୍ୱାରା କ୍ୟାଭିଟି ହୋଇପାରେ।