ଏସିଆ କପ୍‌ରେ ପୁଣି ରାଇବଲେରୀ ଓ୍ୱାର୍: ଫାଇନାଲରେ ଭାରତ-ପାକ୍ ଫାଇଟ୍

ନୂଆଦିଲ୍ଲୀ ୨୬/୦୯: ପୁଣି ଜମିବ ରାଇବଲେରୀ ଓ୍ୱାର । ରବିବାର, ପୁଣି ମୈଦାନରେ ଚାଲିବ ଭାରତ-ପାକିସ୍ତାନ ମୁକାବିଲା । ଏସିଆ କପ୍‌ ଫାଇନାଲ୍‌ରେ ହେବ ହେବିଓ୍ୱେଟ ମୁକାବିଲା ।  ଟ୍ରଫି ପାଇଁ ଟକ୍କର କରିବେ ଦୁଇ ପଡ଼ୋଶୀ ଶତ୍ରୁରାଷ୍ଟ୍ର । ଗୁରୁବାର ସେମିଫାଇନାଲ୍‌ ସଦୃଶ ମୁକାବିଲାରେ ବାଂଲାଦେଶକୁ ୧୧ ରନ୍‌ରେ ହରାଇ ଫାଇନାଲରେ ନିଜର ସ୍ଥାନ ପକ୍କା କରିଛି  ପାକିସ୍ତାନ । ଫଳରେ ଦେଶବାସୀଙ୍କ ଯାହା ଆଶା ଥିଲା ତାହା ଫୁଲଫିଲ୍ ହୋଇଛି ।

ଅର୍ଥାତ୍ ଶୁକ୍ରବାରର ଭାରତ-ଶ୍ରୀଲଙ୍କା ଶେଷ ସୁପର୍‌-୪ ମୁକାବିଲା ଗୁରୁତ୍ୱ ହରାଇଛି । ଏହି ରୋମାଞ୍ଚକର ବିଜୟ ପରେ, ଦମ୍ଭ ଦେଖାଇଛନ୍ତି ପାକ୍ ଅଧିନାୟକ ସଲମାନ ଅଲି ଆଗା । ବିସ୍ଫୋରକ ବୟାନ ଦେଇ କହିଛନ୍ତି ଯେ ତାଙ୍କ ଦଳ ଯେକୌଣସି ପ୍ରତିଦ୍ୱନ୍ଦ୍ୱୀକୁ, ଏପରିକି ଭାରତକୁ ମଧ୍ୟ ପରାସ୍ତ କରିବାର କ୍ଷମତା ରଖିଛି । ଏସିଆ କପ୍ ଫାଇନାଲ୍ ଏବେ ସେପ୍ଟେମ୍ବର ୨୮ ତାରିଖରେ ହେବାକୁ ଯାଉଛି, ଯାହା ଭାରତ ଏବଂ ପାକିସ୍ତାନ ମଧ୍ୟରେ ଏକ ମହାନ ମୁକାବିଲା ।

​​​​​​​

Pakistan's never-say-never attitude earns them a spot in the Final! 😍

Defending a modest target, 🇵🇰 were at their best with the ball & in the field, standing up on the big stage claiming a thumping win!#PAKvBAN #DPWorldAsiaCup2025 #ACC pic.twitter.com/uqALRLxjOU

— AsianCricketCouncil (@ACCMedia1) September 25, 2025

ସାମଗ୍ରିକ ଭାବରେ, ପାକିସ୍ତାନ ଓ ଭାରତ ଏସିଆ କପ୍ ୨୦୨୫ ଟାଇଟଲ୍ ପାଇଁ ଏହି ଟୁର୍ଣ୍ଣାମେଣ୍ଟରେ ତୃତୀୟ ଥର ପାଇଁ ପରସ୍ପରର ସାମ୍ନା କରିବେ । ସଲମାନ ମ୍ୟାଚ୍ ପରେ କହିଥିଲେ, "ଯଦି ଆମେ ଏହିପରି ମ୍ୟାଚ୍ ଜିତିବୁ । କାରଣ ଏହାର ଅର୍ଥ ହେଉଛି ତୁମେ ଏକ ସ୍ୱତନ୍ତ୍ର ଦଳ । ସମସ୍ତେ ଚମତ୍କାର ପ୍ରଦର୍ଶନ କରିଛନ୍ତି । ଆମର ବ୍ୟାଟିଂରେ କିଛି ଉନ୍ନତି ଆବଶ୍ୟକ, କିନ୍ତୁ ଆମେ ଏହା ଉପରେ କାମ କରିବୁ ।

ଏହି ସମୟରେ, ଲିଟନ୍ ଦାସଙ୍କ ସ୍ଥାନରେ ଅଧିନାୟକତ୍ୱ କରୁଥିବା ବାଂଲାଦେଶର ଷ୍ଟାଣ୍ଡ-ଇନ୍ ଅଧିନାୟକ ଜାକେର ଅଲି ଖରାପ ବ୍ୟାଟିଂକୁ ଦାୟୀ କରିଛନ୍ତି । ସେ କହିଛନ୍ତି, "ଗତ ଦୁଇଟି ମ୍ୟାଚ୍‌ରେ ଆମର ବ୍ୟାଟିଂ ଆମକୁ ନିରାଶ କରିଛି । ବୋଲିଂ ୟୁନିଟ୍ ଭଲ ପ୍ରଦର୍ଶନ କରିଥିଲା, କିନ୍ତୁ ବ୍ୟାଟ୍ସମ୍ୟାନଙ୍କ ସମର୍ଥନର ଅଭାବ ଥିଲା।