ହ୍ୱାଇଟ୍ ହାଉସରେ ବାଇଡେନଙ୍କୁ ଅପମାନ ! ପୂର୍ବତନ ରାଷ୍ଟ୍ରପତିଙ୍କ ଫଟୋ ବଦଳରେ ରଖିଲେ ଅଟୋପେନ୍

ନୂଆଦିଲ୍ଲୀ ୨୫/୦୯: ଡୋନାଲ୍ଡ ଟ୍ରମ୍ପ ଓ ଜୋ ବାଇଡେନ । ଆମେରିକା ରାଜନୀତିରେ ଦୁଇ ଚର୍ଚ୍ଚିତ ପ୍ରତିନ୍ଦ୍ୱନ୍ଦ୍ୱୀ । ଉଭୟଙ୍କ ମଧ୍ୟରେ ରାଜନୀତିରେ କଡ୍ଡା ଟକ୍କର । ନିର୍ବାଚନ ସମୟରେ ବିଶ୍ୱର ଶକ୍ତିଶାଳୀ ନେତାଙ୍କ ମଧ୍ୟରେ ଚାଲିଥିଲା ପ୍ରତିଯୋଗିତା । ଏହି ଦୁଇ ନେତା ସର୍ବଦା ପରସ୍ପରକୁ ତୀବ୍ର ସମାଲୋଚନା କରିଥାନ୍ତି । ବିଭିନ୍ନ ପ୍ରସଙ୍ଗରେ ସେମାନଙ୍କ ମଧ୍ୟରେ ତିକ୍ତତା ଦେଖିବାକୁ ବି ମିଳିଥାଏ । ନିକଟରେ ଘଟିଥିବା ଏକ ଘଟଣା ଏହି ପ୍ରତିଦ୍ୱନ୍ଦ୍ୱିତାକୁ ଏକ ନୂଆ ମୋଡ଼ ଦେଇଛି । ଯାହା ଆମେରିକାର ରାଜନୀତିକୁ ବେଶ୍ ଚର୍ଚ୍ଚିତ କରିଛି । ହ୍ୱାଇଟ୍ ହାଉସରେ ଘଟିଥିବା ଘଟଣାକୁ ନେଇ ସବୁଠି ଆଲୋଡନ । କାରଣ ଟ୍ରମ୍ପ ପୂର୍ବତନ ରାଷ୍ଟ୍ରପତିଙ୍କ ଫଟୋ ବଦଳରେ ଲଗାଇ ଦେଇଛନ୍ତି 'ଅଟୋପେନ୍'ର ଏକ ଚିତ୍ର । ଯାହାକି ଘୋର ଅପମାନ ବୋଲି ସବୁଠି ଆଲୋଡନ ।

ସୂଚନାଥାଉକି, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ୱାଇଟ ହାଉସରେ ଥିବା ପୂର୍ବତନ ରାଷ୍ଟ୍ରପତିମାନଙ୍କର ଫଟୋ ଗ୍ୟାଲେରୀରେ ଏକ ଅଦ୍ଭୁତ ପରିବର୍ତ୍ତନ ଦେଖିବାକୁ ମିଳିଛି । ସେ ପ୍ରଥମେ ନିଜ ପ୍ରତିଦ୍ୱନ୍ଦ୍ୱୀ ତଥା ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କ ଫଟୋକୁ ସେହି ସ୍ଥାନରୁ ହଟାଇ ଦେଇଥିଲେ । ଏହା ଏକ ପ୍ରକାର ରାଜନୈତିକ ଚାଲ୍ ବୋଲି ଅନେକ ମତ ଦେଇଥିଲେ। ତେବେ, ଟ୍ରମ୍ପଙ୍କ ଏହି ପଦକ୍ଷେପର ଅସଲ କାରଣ ସେତେବେଳେ ସାମ୍ନାକୁ ଆସିଲା, ଯେତେବେଳେ ସେ ବାଇଡେନଙ୍କ ଫଟୋ ସ୍ଥାନରେ ଏକ 'ଅଟୋପେନ୍'ର ଚିତ୍ର ଲଗାଇ ଦେଇଥିଲେ ।

The Presidential Walk of Fame has arrived on the West Wing Colonnade

Wait for it… 🖊️👀 pic.twitter.com/ApWfdxfFQa

— Margo Martin (@MargoMartin47) September 24, 2025

ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଥିଲା । 'ଅଟୋପେନ୍' ହେଉଛି ଏକ ବ୍ୟଙ୍ଗାତ୍ମକ ଚରିତ୍ର । ଯାହା ସାଧାରଣତଃ ରାଜନୀତି ଓ ସମାଜରେ ଥିବା ଅସଙ୍ଗତିକୁ ଥଟ୍ଟା କରିବା ପାଇଁ ବ୍ୟବହୃତ ହୁଏ । ଟ୍ରମ୍ପଙ୍କ ଏହି କାର୍ଯ୍ୟ ବାଇଡେନଙ୍କୁ ଲକ୍ଷ୍ୟ କରି ଏକ ତୀବ୍ର ବ୍ୟଙ୍ଗ ଥିଲା । ଏହା ମାଧ୍ୟମରେ ସେ ବାଇଡେନଙ୍କ ରାଜନୈତିକ କ୍ଷମତା ଓ ନିଷ୍ପତ୍ତି ନେବାର ଶୈଳୀକୁ ପ୍ରଶ୍ନ କରିଥିଲେ । ଅନେକ ସମୟରେ ବାଇଡେନଙ୍କୁ ତାଙ୍କ ବାର୍ଦ୍ଧକ୍ୟ ଓ ତାଙ୍କ କାର୍ଯ୍ୟକଳାପକୁ ନେଇ ସମାଲୋଚନା କରାଯାଇଥାଏ । ଟ୍ରମ୍ପଙ୍କ ଏହି ପଦକ୍ଷେପ ତାଙ୍କର ସେହି ସମାଲୋଚନାକୁ ଆହୁରି ତୀବ୍ର କରିଥିଲା ।

ହ୍ୱାଇଟ ହାଉସରେ ଏପରି ଏକ ଘଟଣା ଘଟିବା ସାଧାରଣ କଥା ନୁହେଁ । ରାଷ୍ଟ୍ରପତି ଭବନରେ ପୂର୍ବତନ ରାଷ୍ଟ୍ରପତିମାନଙ୍କର ଫଟୋ ଗ୍ୟାଲେରୀ ଆମେରିକାର ଗଣତାନ୍ତ୍ରିକ ପରମ୍ପରା ଏବଂ ଇତିହାସର ଏକ ଗୁରୁତ୍ୱପୂର୍ଣ୍ଣ ଅଂଶ। ଏପରି ସ୍ଥାନରେ ଏକ ବ୍ୟଙ୍ଗାତ୍ମକ ଚିତ୍ର ଲଗାଇବା ଦ୍ୱାରା ଟ୍ରମ୍ପ କେବଳ ବାଇଡେନଙ୍କୁ ଅପମାନିତ କରି ନାହାନ୍ତି, ବରଂ ହ୍ୱାଇଟ ହାଉସର ମର୍ଯ୍ୟାଦାକୁ ମଧ୍ୟ କ୍ଷୁର୍ଣ୍ଣ କରିଛନ୍ତି ବୋଲି ଅନେକ ସମାଲୋଚକ ମତ ଦେଇଛନ୍ତି ।

ଏହି ଘଟଣା ପରେ ଆମେରିକାର ରାଜନୈତିକ ମହଲରେ ବେଶ୍ ଚର୍ଚ୍ଚା ସୃଷ୍ଟି ହୋଇଛି। ଡେମୋକ୍ରାଟିକ୍ ପାର୍ଟିର ସଦସ୍ୟମାନେ ଟ୍ରମ୍ପଙ୍କ ଏହି କାର୍ଯ୍ୟକୁ ତୀବ୍ର ନିନ୍ଦା କରିଛନ୍ତି। ସେମାନେ ଏହାକୁ ଅପ୍ରତ୍ୟାଶିତ ଏବଂ ନିମ୍ନ ସ୍ତରର ରାଜନୀତି ବୋଲି ଅଭିହିତ କରିଛନ୍ତି। ଅନ୍ୟପକ୍ଷରେ, ରିପବ୍ଲିକାନ୍ ପାର୍ଟିର କିଛି ସଦସ୍ୟ ଟ୍ରମ୍ପଙ୍କ ଏହି ପଦକ୍ଷେପକୁ ତାଙ୍କର ସାହସ ଏବଂ ସ୍ୱତନ୍ତ୍ର ଶୈଳୀ ଭାବରେ ଦେଖିଛନ୍ତି । ଏହି ଘଟଣା କେବଳ ଏକ ଫଟୋ ପରିବର୍ତ୍ତନ ମାତ୍ର ନୁହେଁ, ଏହା ଟ୍ରମ୍ପ ଏବଂ ବାଇଡେନଙ୍କ ମଧ୍ୟରେ ଥିବା ତୀବ୍ର ରାଜନୈତିକ ଶତ୍ରୁତା ଏବଂ ପରସ୍ପର ପ୍ରତି ଥିବା ଘୃଣାକୁ ସ୍ପଷ୍ଟ ଭାବରେ ଦର୍ଶାଉଛି ।