ଲକ୍ଷ୍ନୌରେ ମର୍ମନ୍ତୁଦ ଦୁର୍ଘଟଣା, ଇ-ରିକ୍ସାକୁ ଧକ୍କା ଦେଲା ଦ୍ରୁତଗାମୀ କାର, ଚାଲିଗଲା ୨ ଜୀବନ

ନୂଆଦିଲ୍ଲୀ ୨୧।୦୯; ଲକ୍ଷ୍ନୌରେ ମର୍ମନ୍ତୁଦ ସଡକ ଦୁର୍ଘଟଣା । ଏକ ଦ୍ରୁତଗାମୀ ଥାର ଏବଂ ଏକ ଇ-ରିକ୍ସା ମଧ୍ୟରେ  ଭୟଙ୍କର ଦୁର୍ଘଟଣା ଘଟିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଇ-ରିକ୍ସାର ଡ୍ରାଇଭର ଗୁରୁତର ଆହତ ହୋଇଛନ୍ତି ଏବଂ ଗାଡ଼ିଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। ଦୁର୍ଘଟଣାରେ ଇ-ରିକ୍ସାରେ ବସିଥିବା ଦୁଇ ଯୁବକଙ୍କ ମୃତ୍ୟୁ ହୋଇଛି। ଅନ୍ୟ ଛଅ ଜଣ ଆହତ ହୋଇ ଟ୍ରମା ସେଣ୍ଟରରେ ଭର୍ତ୍ତି ହୋଇଛନ୍ତି।

ବିଜନୌର ଥାନା ଅଞ୍ଚଳର ବାନିଆ ଚୌରାହା ନିକଟରେ ଏହି ଘଟଣା ଘଟିଛି। ଇ-ରିକ୍ସା ଚାଳକ ଅଶୋକ କୁମାର ପାଲ କହିଛନ୍ତି ଯେ ସେ ଅପରାହ୍ନ ପ୍ରାୟ ୨:୩୦ ସମୟରେ ବିଜନୌରରୁ ଗୌରୀ ଯାଉଥିବା ସମୟରେ ସିଆରପିଏଫ ଗେଟ୍ ନମ୍ବର ୨ର ଗୌତମ ବୁଦ୍ଧ କଲେଜ ନିକଟରେ ଏକ ଦ୍ରୁତଗାମୀ ଥାର କାର ତାଙ୍କ ଇ-ରିକ୍ସାକୁ ଧକ୍କା ଦେଇଥିଲା।

ଗାଡିର ଗତି ଏତେ ତୀବ୍ର ଥିଲା ଯେ ଇ-ରିକ୍ସା ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା ଏବଂ ଅଶୋକ କୁମାର ଗୁରୁତର ଆହତ ହୋଇଥିଲେ। ଦୁର୍ଘଟଣା ପରେ କାର୍ ଚାଳକ ଘଟଣାସ୍ଥଳରୁ ପଳାଇ ଯାଇଥିଲେ।  ଆହତ ଅଶୋକଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଛି। ପୀଡିତଙ୍କ ଅଭିଯୋଗ ଉପରେ ପୋଲିସ ଏକ ମାମଲା ରୁଜୁ କରିଛି ଏବଂ ଫେରାର୍ କାର ଡ୍ରାଇଭରଙ୍କୁ ଖୋଜିବା ଆରମ୍ଭ କରିଛି।