ରାଷ୍ଟ୍ରପତିଙ୍କ ଛାଇ ପରି ରୁହନ୍ତି ଏହି ମେଜର, କିପରି ହାସଲ କଲେ ଏହି ପଦ ? କେତେ ପାଆନ୍ତି ଦରମା...

​​​​​​​ନୂଆଦିଲ୍ଲୀ ୨୯।୦୯: ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମୁ । ତାଙ୍କ ସହ ସବୁବେଳେ ରହିଥାନ୍ତି ଭାରତୀୟ ସେନା ପୋଷାକ ପିନ୍ଧିଥିବା ଜଣେ ବ୍ୟକ୍ତି । କେତେବେଳେ ସେ ରାଷ୍ଟ୍ରପତିଙ୍କ ସହ ମଞ୍ଚରେ ସାମିଲ ହୋଇଥାନ୍ତି ତ କେତେବେଳେ ତାଙ୍କ ପଛରେ ଠିଆ ହୁଅନ୍ତି, ଆଉ କେତେବେଳେ ସରକାରୀ ଗସ୍ତରେ ତାଙ୍କ ସହିତ ଯାଆନ୍ତି । ସମସ୍ତଙ୍କ ମନରେ ପ୍ରଶ୍ନ ଆସୁଥିବ କିଏ ଏହି ବ୍ୟକ୍ତି ?

ଏହି ବ୍ୟକ୍ତିଙ୍କ ନାଁ ହେଉଛି ମେଜର ରିଷଭ ସିଂହ ସମ୍ଭ୍ୟାଲ । ସେ ଭାରତୀୟ ସେନାର ପାରାସ୍ପେଶାଲ୍ ଫୋର୍ସେସ କମାଣ୍ଡୋ । ସେ ହେଉଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଏଡିସି। ମେଜର ରିଷଭ ସିଂହ ସମ୍ଭ୍ୟାଲ ଜମ୍ମୁର ଏକ ଡୋଗ୍ରା ରାଜପୁତ ପରିବାରରୁ ଆସିଛନ୍ତି । ସେ ଭାରତୀୟ ସେନାର ଜଣେ ସାହସୀ ଅଧିକାରୀ । ସେ ୨୦୨୧ ଗଣତନ୍ତ୍ର ଦିବସ ପରେଡରେ ଜାଟ ରେଜିମେଣ୍ଟର କ୍ୟାପଟେନ ଭାବରେ ଏକ କଣ୍ଟିଜେଣ୍ଟର ନେତୃତ୍ୱ ନେବା ସମୟରେ ସ୍ୱୀକୃତି ପାଇଥିଲେ ।

ତାଙ୍କ ନେତୃତ୍ୱରେ ଥିବା କଣ୍ଟିଜେଣ୍ଟକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ "ସର୍ବୋତ୍ତମ ମାର୍ଚ୍ଚିଂ କଣ୍ଟିଜେଣ୍ଟ ଟ୍ରଫି" ପ୍ରଦାନ କରିଥିଲେ । ସେବେଠାରୁ ତାଙ୍କ ନାଁ ସାରା ଦେଶରେ ଆଲୋଚନାର ବିଷୟ ପାଲଟିଛି । ତାଙ୍କର ସଠିକତା, ଶୃଙ୍ଖଳା ଏବଂ ନେତୃତ୍ୱ ଦକ୍ଷତାକୁ ପ୍ରଶଂସା କରାଯାଇଥିଲା। ବର୍ତ୍ତମାନ ସେ ରାଷ୍ଟ୍ରପତିଙ୍କ ଏଡିସି ଭାବରେ କାର୍ଯ୍ୟ କରୁଛନ୍ତି।

ADC ଏକ ଅତ୍ୟନ୍ତ ଦାୟିତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏମାନେ ରାଷ୍ଟ୍ରପତିଙ୍କ କାର୍ଯ୍ୟସୂଚୀ ପରିଚାଳନା କରନ୍ତି । ଯାତ୍ରା ପ୍ରସ୍ତୁତି ତଦାରଖ, ସୁରକ୍ଷା ବ୍ୟବସ୍ଥା ତଦାରଖ କରନ୍ତି ଏବଂ ବିଭିନ୍ନ ବିଭାଗ ସହିତ ସମନ୍ୱୟ ରଖନ୍ତି । ସରଳ ଭାଷାରେ କହିବାକୁ ଗଲେ ରାଷ୍ଟ୍ରପତିଙ୍କ ସରକାରୀ କର୍ତ୍ତବ୍ୟଗୁଡ଼ିକର ସୁଗମ ଏବଂ ସୁରକ୍ଷିତ ପୁରା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥାନ୍ତି ।

ମେଜର ରିଷଭ ସିଂହ କେବଳ ଜଣେ ସାଧାରଣ ଅଧିକାରୀ ନୁହଁନ୍ତି, ବରଂ ସେ ଭାରତୀୟ ସେନାର 4 ପାରା ସ୍ପେଶାଲ୍ ଫୋର୍ସର ଜଣେ ଅଧିକାରୀ। ଏହି ୟୁନିଟ୍ ଭାରତୀୟ ସେନାର ସବୁଠାରୁ ଚ୍ୟାଲେଞ୍ଜିଂ ଏବଂ ସାହସିକ ୟୁନିଟ୍ ମଧ୍ୟରୁ ଗୋଟିଏ ବୋଲି ବିବେଚନା କରାଯାଏ। ସେମାନଙ୍କୁ କଠୋର ତାଲିମ ଏବଂ କଠୋର ମାନଦଣ୍ଡ ମାଧ୍ୟମରେ ଚୟନ କରାଯାଏ। ତେଣୁ ରାଷ୍ଟ୍ରପତିଙ୍କ ପାଇଁ ADC ଭାବରେ ତାଙ୍କର ନିଯୁକ୍ତି ଗର୍ବର ବିଷୟ ।

ମେଜର ରିଷଭ ସିଂହ ସମ୍ବାଲଙ୍କର ସୋସିଆଲ ମିଡିଆ ଆକାଉଣ୍ଟ ନାହିଁ । କିନ୍ତୁ ତାଙ୍କର ଫଟୋ ପ୍ରାୟତଃ ଭାଇରାଲ ହୋଇଥାଏ । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହିତ ତାଙ୍କର ଉପସ୍ଥିତି ଏବଂ ତାଙ୍କର ନମ୍ର ବ୍ୟକ୍ତିତ୍ୱକୁ ବହୁତ ପସନ୍ଦ କରାଯାଏ । ତାଙ୍କ ନାଁରେ ଅନେକ ଫ୍ୟାନ ପେଜ୍ ଏବଂ ଆକାଉଣ୍ଟ ସୃଷ୍ଟି ହୋଇଛି । ଯେଉଁଠାରେ ତାଙ୍କର ଫଟୋ ଏବଂ ଭିଡିଓଗୁଡ଼ିକ ବାରମ୍ବାର ସେୟାର କରାଯାଏ । ଏବେ ପ୍ରଶ୍ନ ଆସୁଛି ଗୁରୁତ୍ୱପୂର୍ଣ୍ଣ ଦାୟିତ୍ୱ ସତ୍ତ୍ୱେ ମେଜର ରିଷଭ ସିଂହ ସମ୍ଭ୍ୟାଲଙ୍କ ଦରମା କେତେ ?

ଭାରତୀୟ ସେନାରେ ଜଣେ ମେଜର-ରାଙ୍କ ଅଧିକାରୀଙ୍କ ଦରମା ପ୍ରତି ମାସରେ ୬୯ ହଜାର ୪୦୦ରୁ ୨ ଲକ୍ଷ ୭ହଜାର ୨୦୦ ଟଙ୍କା  ପର୍ଯ୍ୟନ୍ତ ହୋଇଥାଏ। ଏହାସହିତ ସେ ଭତ୍ତା, ରାସନ, ଆବାସ ସବୁଧା ଏବଂ ଅନ୍ୟାନ୍ୟ ସାମରିକ ସୁବିଧା ପାଇଥାନ୍ତି । ଏହାର ଅର୍ଥ ହେଉଛି ତାଙ୍କର ମୋଟ ପ୍ୟାକେଜ୍ କେବଳ ପ୍ରଭାବଶାଳୀ ନୁହେଁ ବରଂ ସମ୍ମାନ ଏବଂ ପ୍ରତିଷ୍ଠାରେ ପରିପୂର୍ଣ୍ଣ।