ଅପରେସନ ସିନ୍ଦୁରରେ ମସୁଦ ଆଝାରଙ୍କ ପରିବାର ସହିତ କ'ଣ ଘଟିଥିଲା? ସତ କହିଲା ଜୈଶ କମାଣ୍ଡର

ନୂଆଦିଲ୍ଲୀ: ଆତଙ୍କବାଦୀ ମାସୁଦ ଆଝାରର ପରିବାରକୁ ଅପରେସନ ସିନ୍ଦୁର ସମୟରେ ହତ୍ୟା କରାଯାଇଥିଲା। ଅପରେସନ ସିନ୍ଦୁରର କିଛି ମାସ ପରେ ଏହାକୁ ସ୍ପଷ୍ଟ କରିଛନ୍ତି ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ପରିବାର। ଜୈଶର ଟପ୍‌ କମାଣ୍ଡର ମାସୁଦ ଇଲିଆସ୍ କାଶ୍ମୀରୀ ସ୍ୱୀକାର କରିଛି ଯେ ଯେତେବେଳେ ଭାରତ ମେ 7 ତାରିଖରେ ବାହାୱାଲପୁରରେ ଆତଙ୍କବାଦୀ ଶିବିର ଉପରେ ଆକ୍ରମଣ କରିଥିଲା। ସେତେବେଳେ ଆତଙ୍କବାଦୀ ମାସୁଦ ଆଝାରର ପରିବାରକୁ ଖଣ୍ଡ ଖଣ୍ଡ କରି ମାରି ଦିଆଯାଇଥିଲା।

ଜୈଶ କମାଣ୍ଡର ମାସୁଦ ଇଲିଆସ୍ କାଶ୍ମୀରୀ କହିଛି ଯେ ଏହି ଆକ୍ରମଣର ମାସୁଦ ଆଝାରର ପରିବାର ପାଇଁ ବଡ଼ ଝଟକା। ପରିବାରର ଅନେକ ସଦସ୍ୟ ନିହତ ହୋଇଛନ୍ତି। ଜୈଶ କମାଣ୍ଡରଙ୍କ ସ୍ୱୀକାରୋକ୍ତି ସହିତ ଜଡିତ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ, କମାଣ୍ଡର କହୁଥିବା ଦେଖାଯାଉଛି ଯେ, " ମେ 7 ତାରିଖରେ, ମୌଲାନା ମାସୁଦ ଆଝାରର ପରିବାର ସଦସ୍ୟ, ବିଧବା ପତ୍ନୀ, ପୁଅ ଏବଂ ପିଲାମାନଙ୍କୁ ବାହାୱାଲପୁର ଭିତରେ ଖଣ୍ଡ ଖଣ୍ଡ କରି ଚିରି ଦିଆଯାଇଥିଲା।"

ବାହାୱାଲପୁର ହେଉଛି ପାକିସ୍ତାନର ପଞ୍ଜାବ ପ୍ରଦେଶରେ ଅବସ୍ଥିତ ଏକ ସହର। ଏଠାରେ ମର୍କଜ ସୁଭାନ ଆଲ୍ଲାହ ନାମକ ଏକ ମସଜିଦରେ ଜୈଶ-ଏ-ମହମ୍ମଦ (JeM)ର ମୁଖ୍ୟାଳୟ ରହିଛି। ଏହା ପାକିସ୍ତାନ ଭିତରକୁ ପ୍ରବେଶ କରି ଅପରେସନ ସିନ୍ଦୂରର ସବୁଠାରୁ ପ୍ରମୁଖ ଏବଂ ଘାତକ ଆକ୍ରମଣ ଥିଲା। ଭାରତୀୟ ସେନା ଏହି ଅପରେସନ ଅନ୍ତର୍ଗତ ଜୈଶର ମୁଖ୍ୟାଳୟକୁ ଟାର୍ଗେଟ କରିଥିଲା। ଏହି ଆକ୍ରମଣରେ ଆତଙ୍କବାଦୀଙ୍କ ଏହି ସମ୍ପୂର୍ଣ୍ଣ ଘାଟି ଧ୍ୱଂସ ପାଇଯାଇଥିଲା। ଆତଙ୍କବାଦୀ ମସୁଦ ଆଝାରର ପରିବାର ଏହି ଜୈଶ ଘାଟିରେ ରହୁଥିଲେ। ସାଟେଲାଇଟ୍ ଚିତ୍ରରୁ ପ୍ରାପ୍ତ ଚିତ୍ରଗୁଡ଼ିକ ଦର୍ଶାଉଛି ଯେ ଭାରତର ଆକ୍ରମଣରେ ମର୍କଜ୍ ସୁଭାନ ଆଲ୍ଲାହ ଧ୍ୱଂସବିଧ୍ୱଂସ ହୋଇଯାଇଥିଲା।

ଆକ୍ରମଣ ପରେ, ଭାରତୀୟ ସେନା ମୁଖପାତ୍ର କର୍ଣ୍ଣେଲ ସୋଫିଆ କୁରେଶୀ ଏକ ପ୍ରେସ୍ ବ୍ରିଫିଂରେ ସ୍ପଷ୍ଟ କରିଥିଲେ ଯେ ଏହା ଜେଇଏମ୍‌ର ମୁଖ୍ୟାଳୟ ଥିଲା। ଏହି ସ୍ଥାନରୁ ଭାରତ ବିରୁଦ୍ଧରେ ଅନେକ ଆକ୍ରମଣ ଯୋଜନା କରାଯାଇଥିଲା।

୨୨ ଏପ୍ରିଲରେ ଜମ୍ମୁ ଏବଂ କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ଭାରତ ୭ ମେରେ ଅପରେସନ ସିନ୍ଦୂର ଆରମ୍ଭ କରିଥିଲା। ଏହି ଅଭିଯାନ ଅଧୀନରେ ଭାରତ ପାକ୍ ଅଧିକୃତ ଜମ୍ମୁ ଏବଂ କାଶ୍ମୀର ଏବଂ ପାକିସ୍ତାନରେ ଥିବା ଆତଙ୍କବାଦୀ ଶିବିର ଉପରେ ଆକ୍ରମଣ କରିଥିଲା। ଏହି ଆକ୍ରମଣରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ୭ ରୁ ୧୦ ମେ ପର୍ଯ୍ୟନ୍ତ ଚାଲିଥିବା ଏହି ଅପରେସନ୍ ସମୟରେ, ଭାରତ କେବଳ ପାକିସ୍ତାନରେ ଥିବା ଆତଙ୍କବାଦୀ ଶିବିରଗୁଡ଼ିକୁ ଧ୍ୱଂସ କରିନଥିଲା ବରଂ ପାକିସ୍ତାନର ନୁର ଖାନ ଏୟାରବେସ୍, ରହିମ ଖାନ ଏୟାରବେସ୍ ସାମରିକ ଘାଟିକୁ ମଧ୍ୟ ଧ୍ୱଂସ କରିଥିଲା।