କର୍କଟ ରୋଗର ଯନ୍ତ୍ରଣାରେ ଥାଇ କାମ କରୁଥିଲେ ହୀନା, କହିଲେ-ପୂରା ଲାଇଫ୍ ଶେଷ...

ନୂଆଦିଲ୍ଲୀ ୦୬।୧୦; ଟିଭିର ଲୋକପ୍ରିୟ ଅଭିନେତ୍ରୀ ହିନା ଖାନ୍‌ । ପ୍ରାୟତଃ କୌଣସି ନା କୌଣସି କାରଣରୁ ଚର୍ଚ୍ଚାରେ  ଆଆନ୍ତି। ସେ ଦୀର୍ଘ ସମୟ ଧରି କର୍କଟ ରୋଗ ସହିତ ଲଢ଼ୁଛନ୍ତି। ବର୍ତ୍ତମାନ କର୍କଟ ରୋଗ ହିନାଙ୍କ ଜୀବନକୁ ବହୁତ ପରିବର୍ତ୍ତନ କରିଛି। ଇତିମଧ୍ୟରେ ସେ କାମକୁ ମଧ୍ୟ ଫେରିଛନ୍ତି । ବିଗତ କିଛି ଦିନ ହେଲା ତାଙ୍କୁ କଲର୍ସ ଟିଭିର ଶୋ’ ‘ପତି, ପତ୍ନୀ ଔର ପଙ୍ଗା’ରେ ସ୍ୱାମୀ ରକି ଜୟସ୍ୱାଲଙ୍କ ସହ ଦେଖିବାକୁ ମିଳୁଛି ।

ନିକଟରେ ଏକ ସାକ୍ଷାତକାରରେ ହିନା ଇଣ୍ଡଷ୍ଟ୍ରିରେ କର୍କଟ ରୋଗ ସଂପର୍କରେ ଥିବା ଭ୍ରାନ୍ତ ଧାରଣା ଉପରେ ଆଲୋକପାତ କରିଛନ୍ତି । ସେ କହିଛନ୍ତି, ଯେ କର୍କଟ ରୋଗୀମାନେ ଘରେ ରହିବା ଉଚିତ୍ ନୁହେଁ। ଏହା କରିବା ଦ୍ୱାରା ସେମାନଙ୍କର ଜୀବନ ଶେଷ ହୋଇଯାଏ, ଏବଂ ଏହା ସତ୍ୟ। କର୍କଟ ରୋଗୀଙ୍କୁ ଘରେ ବସିବାକୁ ହୋଇଥାଏ । ସେମାନଙ୍କର କିଛି କରିବାର ନାହିଁ । ପ୍ରକୃତରେ କିନ୍ତୁ ତାହା ସତ ନୁହେଁ । ପ୍ରଥମ କିଛି ଦିନ କଷ୍ଟକର ହୋଇଥାଏ । କିନ୍ତୁ ତା’ ପରେ ଜଣେ କାମକୁ ଫେରିପାରିବେ । ଦୃଢ଼ ମନୋବଳ କର୍କଟ ରୋଗୀଙ୍କ ସବୁଠୁ ବଡ଼ ଶକ୍ତି । ତେଣୁ ମାନସିକ ଭାବେ ମଜଭୁତ ରହିବା ଜରୁରି ।

ଯଦି ଆପଣ ଭାବିବେ ଯେ କର୍କଟ କିଛି ନୁହେଁ, ତେବେ ଆପଣ ଏହାକୁ ହରାଇ ଦେଇପାରିବେ । ଏଥିସହ କର୍କଟ ରୋଗୀଙ୍କ ପାଇଁ ପରିବାରର ସମର୍ଥନର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଶରୀରରେ ଶକ୍ତି ଥିବା ଯାଏ ସେ ଅଭିନୟ କରିଚାଲିବେ ବୋଲି ପ୍ରକାଶ କରିଛନ୍ତି ।