ଆଇଏନ୍‌ଏସ୍‌ ଚିଲିକାରେ ପାସିଂ ଆଉଟ୍‌ ପରେଡ, ନୂତନ ଯାତ୍ରା ପାଇଁ ଶୁଭକାମନା

ଭୁବନେଶ୍ୱର ୦୯/୦୧: ୧୬ ସପ୍ତାହର ପ୍ରାରମ୍ଭିକ ତାଲିମ ସମାପ୍ତ । ଗୁରୁବାର INS ଚିଲକାରୁ ୨,୧୭୨ ଜଣ ପ୍ରଶିକ୍ଷାର୍ଥୀ ସଫଳତାର ସହ ପାସ୍ ଆଉଟ୍ ହୋଇଛନ୍ତି । ଯାହା ନୌସେନା ବୃତ୍ତିଗତ ଭାବରେ ସେମାନଙ୍କ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ସପ୍ତମ ବ୍ୟାଚ୍ (୨୦୨୫ ସଂସ୍କରଣର ୨ୟ ବ୍ୟାଚ) ଅଗ୍ନିବୀର ପାସିଂ ଆଉଟ୍ ପରେଡ ଅନୁଷ୍ଠିତ ହୋଇଥିଲା । ଏହି ବ୍ୟାଚରେ ସମୁଦାୟ ୬୭୮ ଅଗ୍ନିବୀରଙ୍କ ମଧ୍ୟରେ ୧୧୩ ଜଣ ମହିଳା ଅଗ୍ନିବୀର, ୨୭୦ ଜଣ ଏସ୍ଏସ୍ଆର୍ ଓ ୨୯୫ ଜଣ ତଟରକ୍ଷୀ ନାବିକ ଦୀର୍ଘ ୧୬ ସପ୍ତାହ ଧରି ଶାରୀରିକ ଓ ମାନସିକ ପ୍ରଶିକ୍ଷଣ ନେଇଥିଲେ ।

ସଫଳତାର ସହ ସୁଦକ୍ଷ ଭାବେ ଦେଶ ସେବା ପାଇଁ ଭାରତୀୟ ନୌସେନାରେ ନୂତନ ଯାତ୍ରା ଆରମ୍ଭ କରିଥିବାରୁ ଏହି ଭବ୍ୟ ସମାରୋହରେ ସେମାନଙ୍କ ଅବଦାନକୁ ସ୍ୱୀକାର କରି ଅଗ୍ନିବୀରଙ୍କ ପିତାମାତା, ଅଭିଭାବକଙ୍କୁ ନୌସେନା ପକ୍ଷରୁ କୃତଜ୍ଞତା ଜଣାଯାଇଛି । ଆଇଏନ୍ଏସ୍ ଚିଲିକା ନୌସେନା କମାଣ୍ଡର ବି ଦୀପକ ଅନୀଲଙ୍କ ତତ୍ତ୍ୱାବଧାନରେ କମାଣ୍ଡିଙ୍ଗ-ଇନ-ମୁଖ୍ୟ ଦକ୍ଷିଣ ନୌସେନା କମାଣ୍ଡର ଭାଇସ୍ ଆଡ଼ମିରାଲ ସମୀର ସକ୍ସେନା, ଏଭିଏସ୍ଏମ୍, ଏନ୍ଏମ୍, ଫ୍ଲାଗ ଅଫିସର ଉକ୍ତ ପରେଡକୁ ନିରୀକ୍ଷଣ କରିବା ସହ ପରିଚାଳନା କରିଥିଲେ ।

ସମାରୋହରେ ସମସ୍ତ ତାଲିମପ୍ରାପ୍ତ ଅଗ୍ନିବୀର ଚିତ୍ତାକର୍ଷକ ପରେଡ୍ ପ୍ରଦର୍ଶନ କରିଥିଲେ । ପରେଡ ସମାରୋହରେ ଉଚ୍ଚ ପଦସ୍ଥ ନୌସେନା ଅଧିକାରୀ, ପୂର୍ବ କମାଣ ପତାକା ଅଧିକାରୀ, ପୂର୍ବତନ ନୌସେନା ଅଧିକାରୀ, କ୍ରୀଡ଼ାବିତ, ଅଗ୍ନିବୀରଙ୍କ ଅଭିଭାବକ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ କୃତୀ ଅଗ୍ନିବୀରଙ୍କୁ ମୁଖ୍ୟ ଅତିଥି ପଦକ ଏବଂ ଟ୍ରଫି ପ୍ରଦାନ କରିଥିଲେ ।

ଶ୍ରେଷ୍ଠ ଅଗ୍ନିବୀର ଏସ୍ଏସ୍ଆର୍ ଶଶି ବି କେଞ୍ଚଭାଗଲ, ଏମ୍ଆର୍ ଯତୀନ ମିଶ୍ର, ନାବିକ ଜିଡି କେଶବ ସୂର୍ଯ୍ୟବଂଶୀ, ଶ୍ରେଷ୍ଠ ମହିଳା ଅଗ୍ନିବୀର ଭାବେ ବିପିନ ରାଉତ ଟ୍ରଫି ଏସ୍ଏସ୍ଆର ଅନିତା ଯାଦବଙ୍କୁ ପ୍ରଦାନ କରାଯାଇଥିଲା । ଏହି ଅବସରରେ ଫ୍ଲାଗ୍ ଅଫିସର କମାଣ୍ଡିଂ-ଇନ୍-ମୁଖ୍ୟ ସାଉଥ୍ ନୌସେନା କମାଣ୍ଡ ଏବଂ କମାଣ୍ଡର ବି ଦୀପକ ଅନୀଲ, ଭିଏସ୍ଏମ୍, କମାଣ୍ଡିଂ ଅଫିସର୍, ଆଇଏନ୍ଏସ୍ ଚିଲିକାଙ୍କ ଉପସ୍ଥିତିରେ ଅଙ୍କୁରର ୨/୨୫ ସଂସ୍କରଣ ଆଇଏନ୍ଏସ୍ ଚିଲିକା ଦ୍ୱିଭାଷୀ ପ୍ରଶିକ୍ଷକଙ୍କ ପତ୍ରିକା ଉନ୍ମୋଚନ କରାଯାଇଥିଲା ।