T20 World Cup 2026: ସେମି ଫାଇନାଲ୍ ପାଇଁ ୩ ଭେନ୍ୟୁ ସ୍ଥିର, ଦିଲ୍ଲୀ-ମୁମ୍ବାଇକୁ ମିଳିଲାନି ନକଆଉଟ୍ ମ୍ୟାଚ୍

ନୂଆଦିଲ୍ଲୀ: ଆଇସିସି ମହିଳା ବିଶ୍ୱକପ୍ ୨୦୨୫ ସମାପ୍ତ ହେବା ସହିତ ପରବର୍ତ୍ତୀ ଟୁର୍ଣ୍ଣାମେଣ୍ଟ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଭାରତ ଏବଂ ଶ୍ରୀଲଙ୍କାରେ ଖେଳାଯାଇଥିବା ଦିନିକିଆ ବିଶ୍ଵକପ ସୁରୁଖୁରୁରେ ସରିଛି। ଏବେ ଆଇସିସି  ପୁରୁଷ ଟି ୨୦ ବିଶ୍ୱକପ୍ ୨୦୨୬ ଏହି ଦୁଇ ଦେଶରେ ଅନୁଷ୍ଠିତ ହେଉଛି। ଫେବୃଆରୀ-ମାର୍ଚ୍ଚରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ଆୟୋଜନ ସ୍ଥଳର ସଂକ୍ଷିପ୍ତ ତାଲିକା ପ୍ରସ୍ତୁତ ହୋଇଛି।

ଏହି ବିଶ୍ୱକପ୍ ପାଇଁ ଭାରତର ପାଞ୍ଚଟି ସହରକୁ ମନୋନୀତ କରାଯାଇଛି। ଶ୍ରୀଲଙ୍କାର ତିନୋଟି ଷ୍ଟାଡିୟମକୁ ଚୂଡ଼ାନ୍ତ କରାଯାଇଛି। ଏହା ବ୍ୟତୀତ, ସେମି-ଫାଇନାଲ ମ୍ୟାଚ୍ ପାଇଁ ସ୍ଥାନଗୁଡ଼ିର ମଧ୍ୟ ସଂକ୍ଷିପ୍ତ ତାଲିକା କରାଯାଇଛି, ଏଥିରେ ଦୁଇଟି ସ୍ଥାନ ଭାରତ ଏବଂ ଗୋଟିଏ ଶ୍ରୀଲଙ୍କାରେ ରହିଛି। ମୁମ୍ବାଇ ଏବଂ ଦିଲ୍ଲୀକୁ ନକଆଉଟ୍ ମ୍ୟାଚ୍ ଆୟୋଜନର ସୁଯୋଗ ମିଳିନି।

କ୍ରିକବଜ୍ ରିପୋର୍ଟ ଅନୁଯାୟୀ, କୋଲକାତାର ଇଡେନ୍ ଗାର୍ଡେନ୍ସ ଷ୍ଟାଡିୟମ୍ ଏବଂ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍ ଟି-୨୦  ବିଶ୍ୱକପ୍ ସେମିଫାଇନାଲ୍ ପାଇଁ ସଂକ୍ଷିପ୍ତ ତାଲିକାଭୁକ୍ତ ହୋଇଛି। କଲମ୍ବୋର ଏକ ଷ୍ଟାଡିୟମ୍ ମଧ୍ୟ ସେମିଫାଇନାଲ୍ ପାଇଁ ଚୟନ କରାଯାଇଛି। ଏହା ପାକିସ୍ତାନ ପାଇଁ ଏମିତି ବ୍ୟବସ୍ଥା କରାଯାଇଛି। ଶ୍ରୀଲଙ୍କାରେ ପାକିସ୍ତାନ ନିଜର  ସମସ୍ତ ଟୁର୍ଣ୍ଣାମେଣ୍ଟ୍ ମ୍ୟାଚ୍ ଖେଳିବ। ଆଇସିସି ଏବଂ ବିସିସିଆଇ ଏଥିରେ ସହମତି ହୋଇଛନ୍ତି ଯଦି ଶ୍ରୀଲଙ୍କା କିମ୍ବା ପାକିସ୍ତାନ ସେମିଫାଇନାଲରେ ପହଞ୍ଚେ, ତେବେ ସେମାନେ କଲମ୍ବୋରେ ସେମାନଙ୍କର ମ୍ୟାଚ୍ ଖେଳିବେ।

ଏହା ମଧ୍ୟ ସ୍ପଷ୍ଟ ଯେ ଯଦି ପାକିସ୍ତାନ ଓ ଶ୍ରୀଲଙ୍କା କୌଣସି ଦଳ ସେମିଫାଇନାଲରେ ନ ପହ ତେବେ ଉଭୟ ସେମିଫାଇନାଲ କୋଲକାତା ଏବଂ ଅହମ୍ମଦାବାଦରେ ଖେଳାଯିବ। ଫାଇନାଲ ପାଇଁ ଆୟୋଜନ ସ୍ଥାନ ଏପର୍ଯ୍ୟନ୍ତ ସ୍ଥିର ହୋଇନାହିଁ। ଆଶା କରାଯାଉଛି ଯେ ଟାଇଟଲ୍ ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ତଥାପି, ଯଦି ପାକିସ୍ତାନୀ ଦଳ ଫାଇନାଲରେ ପହଞ୍ଚେ, ତେବେ ଫାଇନାଲ୍ ମ୍ୟାଚ୍ କଲୋମ୍ବୋରେ ଖେଳାଯିବ।

ଟି-୨୦ ବିଶ୍ୱକପ୍ ମ୍ୟାଚ୍ ଭାରତର ଦିଲ୍ଲୀ, କୋଲକାତା, ମୁମ୍ବାଇ, ଚେନ୍ନାଇ ଏବଂ ଅହମ୍ମଦାବାଦରେ ଖେଳାଯିବ। ଶ୍ରୀଲଙ୍କାର  କଲମ୍ବୋର ଦୁଇଟି ଷ୍ଟାଡିୟମ ଏବଂ କାଣ୍ଡିର ଗୋଟିଏ ଷ୍ଟାଡିୟମକୁ ଏହି ବିଶ୍ୱକପ୍ ପାଇଁ ଚୟନ କରାଯାଇଛି। ଟୁର୍ଣ୍ଣାମେଣ୍ଟ ୨୦୨୪ ଟି-୨୦ ଫର୍ମାଟରେ ଖେଳାଯିବ। ସମସ୍ତ ୨୦ ଦଳକୁ ଚାରୋଟି ଗ୍ରୁପରେ ବିଭକ୍ତ କରାଯିବ। ପ୍ରତ୍ୟେକ ଗ୍ରୁପର ଶ୍ରେଷ୍ଠ ଦୁଇଟି ଦଳ ସୁପର ୮ ରାଉଣ୍ଡକୁ ଯିବେ ଏବଂ ସେଠାରୁ ଚାରୋଟି ଦଳ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ।