ମୁମ୍ଵାଇ ୦୪।୦୬: ବଲିଉଡ୍ ଅଭିନେତା ବରୁଣ ଧାୱନ । ବିବାହର ୩ ବର୍ଷ ପରେ ସେ ଗୁଡନ୍ୟୁଜ୍ ଦେଇଛନ୍ତି। ବଲିଉଡ ଅଭିନେତା ବରୁଣ ଧାୱନ ଜଣେ ପିତା ହୋଇଛନ୍ତି। ତାଙ୍କ ପତ୍ନୀ ନତାଶା ୩ ଜୁନ୍ ୨୦୨୪ ରେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଏନେଇ ବରୁଣଙ୍କ ପିତା ଡେଭିଡ ଧାୱନ ଏହା ନିଶ୍ଚିତ କରିଛନ୍ତି।
ଜେଜେବାପା ହୋଇଥିବା ଡେଭିଡ ଧାୱନ ନାତୁଣୀ ଏବଂ ବୋହୂଙ୍କୁ ଭେଟିବା ପାଇଁ ଡାକ୍ତରଖାନାରେ ପହଞ୍ଚିଥିଲେ। ଏହି ସମୟ ମଧ୍ୟରେ, ହସ୍ପିଟାଲରୁ ଫେରୁଥିବାବେଳେ ଯେତେବେଳେ ପାପାରାଜି ତାଙ୍କୁ ଏକ ଶିଶୁ କନ୍ୟା ତାଙ୍କ ଘରକୁ ଆସିଛନ୍ତି କି ବୋଲି ପଚାରିଥିଲେ, ସେ କହିଥିଲେ କି- 'ହଁ, ଶିଶୁ କନ୍ୟା..'
୪ ମାସ ପୂର୍ବରୁ, ବରୁଣ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିଥିଲେ। ନତାଶା ୩ ଜୁନ୍ ସକାଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ଏହା ପରେ ସମଗ୍ର ଧାୱନ ପରିବାରକୁ ହିନ୍ଦୁଜା ଡାକ୍ତରଖାନା ବାହାରେ ଦେଖିବାକୁ ମିଳିଥିଲା। ବରୁଣ ଧାୱନଙ୍କୁ ଡାକ୍ତରଖାନା ବାହାରେ ଦେଖିବାକୁ ମିଳିଥିଲା। ସେତେବେଳେ ବରୁଣଙ୍କ ହାତରେ ଏକ ବ୍ୟାଗ ଏବଂ ପାଣି ବୋତଲ ଥିବା ଦେଖିବାକୁ ମିଳିଥିଲା। ହି ସମୟରେ, ପ୍ରକାଶ ପାଇଲା ଯେ ବରୁଣ ବାପା ହୋଇଛନ୍ତି। ଖୁସି ଖବର ଜାଣିବା ପରେ ପ୍ରଶଂସକ ଏବଂ ବନ୍ଧୁମାନଙ୍କ ତରଫରୁ ଅଭିନନ୍ଦନ ଗ୍ରହଣ କରୁଛନ୍ତି।