‘ ମୋତେ ଚାପୁଡ଼ା ମାରିଲେ , ଇସ୍ତଫା ଦେବାକୁ ବାଧ୍ୟ କଲେ ‘ ; ଆମ୍ୱେଦକର କଲେଜ ପ୍ରଫେସରଙ୍କ ପ୍ରତିକ୍ରିୟା

ନୂଆଦିଲ୍ଲୀ - ଦିଲ୍ଲୀ ବିଶ୍ୱବିଦ୍ୟାଳୟର ଜଣେ ଅଧ୍ୟାପକଙ୍କୁ ଗୁରୁବାର ଦିନ , ଦିଲ୍ଲୀ ବିଶ୍ୱବିଦ୍ୟାଳୟର ଛାତ୍ର ସଂଘ (ଡିୟୁଏସୟୁ))ର ସଂଯୁକ୍ତ ସଚିବ ଦୀପିକା ଝା ଓ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି)ର ଅନ୍ୟ ସଦସ୍ୟମାନ ପାରପିଟି କରିଥିବା ଅଭିଯୋଗ ହୋଇଛି। ଉକ୍ତ ଘଟଣାର ଭିଡ଼ିଓ ଅନଲାଇନ୍‌ ସାମ୍ନାକୁ ଆସିଛି, ଯେଉଁଥିରେ ପୁଲିସ ଉପସ୍ଥିତିରେ ଡା. ଭୀମ ରାଓ ଆମ୍ୱେଦକର କଲେଜ ଭିତରେ ଷ୍ଟୁଡେଣ୍ଟଙ୍କ ଏକ ଗ୍ରୁପ୍ ଜଣେ ଶିକ୍ଷକଙ୍କ ଉପରେ ଆକ୍ରମଣ କରୁଥିବାର ଦେଖାଯାଉଛି। ଏବେ ଏହି ମାମଲାରେ ଡ. ଭୀମ ରାଓ ଆମ୍ୱଦକର କଲେଜ୍‌ର ପ୍ରଫେସର ସୁଜିତ କୁମାରଙ୍କ ବୟାନ ସାମ୍ନାକୁ ଆସିଛି।

ସେ ଶୁକ୍ରବାର ଦାବି କରିଥିଲେ ଯେ, ଦିଲ୍ଲୀ ବିଶ୍ୱବିଦ୍ୟାଳୟର ଛାତ୍ର ସଂଘ (ଡିୟୁଏସୟୁ)ର ସଂଯୁକ୍ତ ସଚିବ ଦୀପିକା ଝା ତାଙ୍କୁ ଚାପୁଡ଼ା ମାରି ଥିଲେ ଏବଂ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି)ର ସଦସ୍ୟମାନେ ଗୁରୁବାର ଦିଲ୍ଲୀ ପୁଲିସ କର୍ମଚାରୀଙ୍କ ଉପସ୍ଥିତିରେ ପ୍ରିନ୍ସିପାଲଙ୍କ କାର୍ଯ୍ୟାଳୟ ଭିତରେ ତାଙ୍କ ଉପରେ ଆକ୍ରମଣ କରିଥିଲେ। କଲେଜ୍‌ର ଅନୁଶାସନ ସମିତିର ସଂଯୋଜକ ସୁଜିତ କୁମାର ଅଭିଯୋଗ କରିଥିଲେ ଯେ, ଏହି ଆକ୍ରମଣ ନିକଟରେ ଷ୍ଟୁଡେଣ୍ଟ ଗ୍ରୁପ୍‌ର ମଧ୍ୟରେ ହୋଇଥିବା ଝଗଡ଼ାକୁ ନେଇ ଆଲୋଚନା ପାଇଁ ଡକାଯାଇଥିବା ବୈଠକ ବେଳେ ହୋଇ ଥିଲା।

ସୁଜିତ କୁମାର କହିଛନ୍ତି  ଗତକାଲି ଆମ କଲେଜରେ ନୂତନ ଛାତ୍ରଛାତ୍ରୀଙ୍କ ଏକ ଉତ୍ସବ ଅନୁଷ୍ଠି ହୋଇ ଥିଲା। ପ୍ରିନ୍ସିପାଲ କୁଳପତିଙ୍କ କାର୍ଯ୍ୟାଳୟ ଯାଉଥିଲେ ଏବଂ ସେ ମୋତେ କାର୍ଯ୍ୟଭାର ପ୍ରଦାନ କରିଥିଲେ। ଉତ୍ସବ ବେଳେ , କିଛି ଛାତ୍ରଛାତ୍ରୀ କଲେଜ୍‌ର ନିର୍ବାଚିତ ଅଧ୍ୟକ୍ଷଙ୍କୁ ମାଡ଼ ମାରି ଥିଲେ। ଅଭିଯୋଗ କରିବାରୁ , ମୁଁ ତାଙ୍କୁ ବୁଝାଇବାକୁ  ଚେଷ୍ଟା କରିଥିଲି , କିନ୍ତୁ ସେ ମୋ ସାମ୍ନାରେ ପୁଣି ଥରେ ଝଗଡ଼ା ଆରମ୍ଭ କରିଦେଲେ। ରାକେଶ ଯାଦବ ନାମକ ଜଣେ ଅଧ୍ୟାପକ ଏବିଭିପି ସହ ଜଡ଼ିତ ଛାତ୍ରଛାତ୍ରୀଙ୍କ ପକ୍ଷ ନେବା ଆରମ୍ଭ କରିଦେଲେ। ମୋତେ ଅନେକ ଛାତ୍ର ଘେରି ଯାଇଥିଲେ , ପୁଲିସ ଆସି ମୋତେ ରକ୍ଷା କରିଥିଲା। ସେ ଆହୁରି କହିଛନ୍ତି , ପ୍ରିନ୍ସିପାଲଙ୍କ ଅଫିସରେ ସେ ମୋ ଉପରେ ଇସ୍ତଫା ଦେବାକୁ ଚାପ ପକାଇଲେ ଏବଂ ମୁଁ ଇସ୍ତଫା ଦେଇଦେଲି। ଏହାପରେ ଦୀପିକା ନାମକ ଜଣେ ଛାତ୍ରୀ ଆସିଲେ ଏବଂ ସେ ମୋତେ ଚାପୁଡ଼ା ମାରିଲେ , ଯାହାକି ଭିଡ଼ିଓ କ୍ଲିପ୍‌ରେ ନଜର ଆସୁଛି।

ଦିଲ୍ଲୀ ବିଶ୍ୱବିଦ୍ୟାଳୟ ବି. ଆର ଆମ୍ୱେଦକର କଲେଜ୍‌ରେ ଦିଲ୍ଲୀ ବିଶ୍ୱବିଦ୍ୟାଳୟ ଛାତ୍ର ସଂଘ (ଡିୟୁଏସୟୁ)ର ସଂଯୁକ୍ତ ସଚିବ ଦୀପିକା ଝା’ ଙ୍କ ଦ୍ୱାରା ଜଣେ ଅଧ୍ୟାପକଙ୍କ ଉପରେ ଶାରୀରିକ ଆକ୍ରମଣର ଘଟଣାର ତଦନ୍ତ ପାଇଁ ଏକ ତଦନ୍ତ କମିଟି ଗଠନ କରାଯାଇଛି। ଏହି ୬ସଦସ୍ୟ ବିଶିଷ୍ଟ ସମିତିର ଅଧ୍ୟକ୍ଷତା ପ୍ରୋ. ନୀତା ସହଗଲ (ପ୍ରାଣି ବିଜ୍ଞାନ ବିଭାଗ) କରିବେ। ଉକ୍ତ କମିଟି ମାମଲାର ଯାଞ୍ଚ କରିବା ସହ ଖୁବ୍‌ ଶୀଘ୍ର ନିଜର ତଥ୍ୟାତ୍ମକ ରିପୋର୍ଟ ପ୍ରସ୍ତୁତ କରିବ।