ଉତ୍ତରପ୍ରଦେଶ ୧୨/୫: ଉତ୍ତରପ୍ରଦେଶ ଝାନସୀରେ ଭୟଙ୍କର ଦୁର୍ଘଟଣା । କାରକୁ ଟ୍ରକ ଧକ୍କା ଦେବା ପରେ ଉଭୟ କାର ଓ ଟ୍ରକ ଜଳିଯାଇଛି । କାର ଭିତରେ ଥିବା ବର ଓ ୩ ଜଣ ସଂପର୍କୀୟ ଜୀବନ୍ତ ଦଗ୍ଧ ହୋଇଯାଇଛନ୍ତି । ମୃତ ଯୁବକ ୨୫ ବର୍ଷୀୟ ଆକାଶ । ବନ୍ଧୁବାନ୍ଧବ ଓ ସାଙ୍ଗସାଥୀଙ୍କ ସହ ବାହା ହେବାକୁ ଯାଉଥିଲେ ଆକାଶ ।
କନିଆ ଘରଠାରୁ ୧୦ କିଲୋମିଟର ଦୁରରେ ହଠାତ କାରକୁ ଏକ ଟ୍ରକ ଧକ୍କା ଦେଇଥିଲା । ଦେଖୁ ଦେଖୁ କାର ସହ ଟ୍ରକ ଜଳିବାକୁ ଲାଗିଲା । ନିଆଁର ତେଜ ଏତେ ଭୀଷଣ ଥିଲା ଯେ କାର ଭିତରେ ଥିବା ବର ଆକାଶ,ତାଙ୍କ ଭାଇ, ଭଣଜା ଓ ଡ୍ରାଇଭର ଜଳିଯାଇଥିଲେ । ଦୁର୍ଘଟଣା ପରେ ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ପୋଲିସ ଘଟଣାର ତଦନ୍ତ କରୁଛି ।
