କଟକ ରିଙ୍ଗ୍‌ରୋଡ୍ ପାଇଁ ପ୍ରକ୍ରିୟା ଆରମ୍ଭ, ନଦୀରେ ଅଧିକ ପାଣି ଥିବାରୁ କାମ ବିଳମ୍ବ ହୋଇଛି : ଗୃହରେ ପୂର୍ତ୍ତ ମନ୍ତ୍ରୀଙ୍କ ଉତ୍ତର

ଭୁବନେଶ୍ବର ୨୯।୧୧: ୨୦୨୬ ମସିହା ଜୁନ୍ ସୁଦ୍ଧା ଶେଷ ହେବ କଟକ ଚଣ୍ଡୀ ମନ୍ଦିର କାମ । ଏ ନେଇ ସମୀକ୍ଷା ହୋଇଛି । ଲକ୍ଷ୍ୟ ଅନୁସାରେ କାମ ଚାଲିଛି । ସେହିପରି କଟକ ରିଙ୍ଗ୍‌ରୋଡ୍ ପାଇଁ ପ୍ରକ୍ରିୟା ଆରମ୍ଭ ହୋଇଛି । ଏକ ଦୁର୍ଘଟଣା ଓ ଅଧିକ ବର୍ଷା କାରଣରୁ ନଦୀରେ ଅଧିକ ପାଣି ଥିବାରୁ କାମ ବିଳମ୍ବ ହୋଇଛି । କିନ୍ତୁ ନିର୍ଦ୍ଧାରିତ ଲକ୍ଷ୍ୟ ଅନୁସାରେ କାମ ସରିବ । କଟକ ତ୍ରିଶୁଳିଆ ଠାରେ ଦ୍ଵିତୀୟ ବ୍ରିଜ୍ ନିର୍ମାଣ ନେଇ ବି ପ୍ରକ୍ରିୟା ଆରମ୍ଭ ହୋଇଛି ।

କଟକ ବାରବାଟୀ ବିଧାୟିକା ସୋଫିଆ ଫିର୍ଦ୍ଦୋସଙ୍କ ପ୍ରଶ୍ନରେ ଏହି ଉତ୍ତର ରଖିଛନ୍ତି ପୂର୍ତ୍ତ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଶ୍ରେଣୀବଦ୍ଧତା, ଡିପିଆର ଓ ସମନ୍ୱୟ ଅଭାବରୁ କାମ ବିଳମ୍ବ ହେଉଥିବା ନେଇ ଉଦବେଗ ପ୍ରକାଶ କରିଥିଲେ ବିଧାୟିକା ।