ଶସ୍ତା ହେବ ଛୋଟ କାର ଓ ୩୫୦ ସିସି ବାଇକ୍: କାର ଉପରେ ଦେଢ଼ ଲକ୍ଷ ଟଙ୍କା କମାଇଲା ଟାଟା !  

ନୂଆଦିଲ୍ଲୀ: ଜିଏସ୍‌ଟି ହ୍ରାସ ଘୋଷଣା କରିବା ପରେ ଜନତାଙ୍କୁ ଏହାର ଲାଭ ଦେବାକୁ ଟାଟା ମୋଟର ନିଜ କାର୍‌ଗୁଡ଼ିକର ମୂଲ୍ୟ ହ୍ରାସ କରିବାକୁ ଘୋଷଣା କରିଛି। ଇକୋନୋମିକ୍ସ ଟାଇମ୍ସର ରିପୋର୍ଟ ଅନୁସାରେ, ସେପ୍ଟେମ୍ବର ୨୨ ତାରିଖ ଠାରୁ ଟାଟା ଗାଡ଼ିଗୁଡ଼ିକରେ ୬୫ ହଜାର ଟଙ୍କାରୁ ଦେଢ଼ ଲକ୍ଷ ଟଙ୍କା ପର୍ଯ୍ୟନ୍ତ ମୂଲ୍ୟ କମିଯିବ।

GST ହାରରେ ପରିବର୍ତ୍ତନକୁ ଅନୁମୋଦନ ପରେ କମ୍ପାନୀ ଏହି ନିଷ୍ପତ୍ତି ନେଇଛି। ସେପ୍ଟେମ୍ବର ୩ ତାରିଖରେ GST ପରିଷଦ ଛୋଟ କାର ଉପରେ ଟିକସ ୨୮% ରୁ ୧୮%କୁ ହ୍ରାସ କରିଥିଲା। ଟାଟା ମୋଟର୍ସ କହିଛି ଯେ କମ୍ପାନୀ ଜିଏସଟି ହାରରେ ପରିବର୍ତ୍ତନର ସମ୍ପୂର୍ଣ୍ଣ ଲାଭ ଗ୍ରାହକମାନଙ୍କୁ ଦେବାକୁ ଚାହୁଁଛି। ଜିଏସ୍‌ଟି ହାରରେ ଏହି ପରିବର୍ତ୍ତନ ଯୋଗୁ ଲୋକଙ୍କ ପାଇଁ କାର କିଣିବା ସହଜ ହେବ ଏବଂ ଏହା ଭାରତରେ ଆଧୁନିକ ଯାନର ଚାହିଦା ମଧ୍ୟ ବୃଦ୍ଧି କରିବ ବୋଲି କମ୍ପାନୀ ଆଶା ବ୍ୟକ୍ତ କରିଛି।

GST ପରିବର୍ତ୍ତନ ଯୋଗୁଁ ୩୫୦ ସିସି ପର୍ଯ୍ୟନ୍ତ ଛୋଟ କାର ଏବଂ ବାଇକ୍ ଶସ୍ତା ହେବ।

• ୧,୨୦୦ ସିସି ପର୍ଯ୍ୟନ୍ତ ପେଟ୍ରୋଲ୍ କିମ୍ବା ୧,୫୦୦ ସିସି ପର୍ଯ୍ୟନ୍ତ ଡିଜେଲ୍ ଗାଡ଼ି ଉପରେ GST ୨୮% ରୁ ୧୮% କୁ ହ୍ରାସ କରାଯାଇଛି। ଏଥିରେ ମାରୁତି ସ୍ୱିଫ୍ଟ, ଅଲ୍ଟୋ ଏବଂ ନେକ୍ସନ୍ ଭଳି ଛୋଟ କାର ଶସ୍ତା ହେବ।
• ଏହା ବ୍ୟତୀତ, ହୋଣ୍ଡା ସାଇନ୍, ଆକ୍ଟିଭା ଭଳି ୩୫୦ ସିସି ପର୍ଯ୍ୟନ୍ତ ବାଇକ୍ ମଧ୍ୟ ଶସ୍ତା ହେବ। ବସ୍, ଟ୍ରକ୍ ଏବଂ ଆମ୍ବୁଲାନ୍ସ ଭଳି ବାଣିଜ୍ୟିକ ଯାନ ମଧ୍ୟ ଜିଏସ୍‌ଟି ପରିସରକୁ ଆସିଛି। ଏଗୁଡ଼ିକରେ ମଧ୍ୟରେ ଜିଏସ୍‌ଟି ୨୮% ରୁ ୧୮% କୁ ହ୍ରାସ କରାଯାଇଛି।

ବିଳାସପୂର୍ଣ୍ଣ କାର ଉପରେ GST ୨୮% ରୁ ୪୦% କୁ ବୃଦ୍ଧି କରାଯାଇଛି, କିନ୍ତୁ ଏହା ପରେ ମଧ୍ୟ, Mercedes-Benz, BMW ଏବଂ Audi ଭଳି ବିଳାସପୂର୍ଣ୍ଣ ଯାନଗୁଡ଼ିକ ଟିକିଏ ଶସ୍ତା ହୋଇପାରେ। କାରଣ GST ପୂର୍ବରୁ ଲାଗୁ ହୋଇଥିବା କ୍ଷତିପୂରଣ ସେସ୍ ନୂE ଟିକସ ସ୍ଲାବରେ ଉଚ୍ଛେଦ କରାଯାଇଛି।