ଡିସେମ୍ବର ୬ରେ ହୋଇଥାନ୍ତା ସିରିଜ ବିସ୍ଫୋରଣ, ୩୨ଟି କାର ବ୍ଲାଷ୍ଟରେ ଦୋହଲିଥାନ୍ତା ସାରା ଦେଶ

ନୂଆଦିଲ୍ଲୀ: ବିଲ୍ଡିଂ ନମ୍ବର ୧୭,ରୁମ୍ ନମ୍ବର ୧୩।ଆତଙ୍କୀଙ୍କ ମିଟିଂ ପଏଣ୍ଟ। ବ୍ରାବି ମସଜିଦର ବଦଲା ନେବାକୁ ସାଂଘାତିକ ପ୍ଲାନ। ଟାର୍ଗେଟରେ ଅଯୋଧ୍ୟା ରାମମନ୍ଦିର। ବଡ଼ ଆଟାକ୍ ପାଇଁ ହୋଇଥିଲା ବ୍ଲୁ ପ୍ରିଣ୍ଟ। ।ଡିସେମ୍ବର ୬ରେହୋଇଥାନ୍ତା ସିରିଜ ବିସ୍ଫୋରଣ। ୬ଟି ଫେଜରେ ୩୨ଟି ବିସ୍ଫୋରକ ବୋଝେଇ କାରରେ ବଡ଼ ବିସ୍ଫୋରଣ କରି ସାରା ଦେଶକୁ ଦୋହଲାଇବାକୁ ଯୋଜନା କରିଥିଲେ ଆତଙ୍କବାଦୀ।

ଦିଲ୍ଲୀ ବ୍ଲାଷ୍ଟ ପରେ ଖୋଲୁଛି ଆତଙ୍କୀଙ୍କ ଗୋଟିଏ ପରେ ଗୋଟିଏ ଗୁମର। କେବଳ ଦିଲ୍ଲୀରେ ନୁହେଁ,ଉତ୍ତର ପ୍ରଦେଶର ଅନେକ ସହରରେ ହୋଇଥାନ୍ତା ବିସ୍ଫୋରଣ। ତଦନ୍ତକାରୀ ସଂସ୍ଥାଗୁଡ଼ିକ ଏବେ ସେହି ସ୍ଥାନ ଚିହ୍ନଟ କରିଛନ୍ତି ଯେଉଁଠାରେ ଆତଙ୍କବାଦୀମାନେ ସହରରେ ଆକ୍ରମଣ କରିବାକୁ ଷଡଯନ୍ତ୍ର କରିଥିଲେ। ସବୁ ନେଟଓ୍ୱର୍କର ମେନ୍ ପଏଣ୍ଟ ଥିଲା ଫରିଦାବାଦରଅଲ୍-ଫଲାହ ବିଶ୍ୱବିଦ୍ୟାଳୟରବିଲ୍ଡିଂନମ୍ବର ୧୭। ଏହି ବିଲ୍ଡିଂର ରୁମ୍ ନମ୍ବର ୧୩ ପୁଲୱାମାର ବାସିନ୍ଦା ଡକ୍ଟର ମୁଜାମ୍ମିଲ୍ ଅହମ୍ମଦଙ୍କୁ ଦିଆଯାଇଥିଲା। ତଦନ୍ତରୁ ଜଣାପଡିଛି ଯେ ଏହି ବିଲ୍ଡିଂରୁ ହିଁ କେବଳ ଦିଲ୍ଲୀରେ ନୁହେଁ ବରଂ ଲକ୍ଷ୍ନୌ ଏବଂ ଅଯୋଧ୍ୟା ସମେତ ଉତ୍ତର ପ୍ରଦେଶର ଅନ୍ୟାନ୍ୟ ସହରରେ ମଧ୍ୟ ବୋମା ବିସ୍ଫୋରଣର ଯୋଜନା କରାଯାଇଥିଲା।

ଅଲ-ଫଲାହ ବିଶ୍ୱବିଦ୍ୟାଳୟର ବିଲ୍ଡିଂ ନମ୍ବର ୧୭ରେ ଥିବା ଏହି ରୁମ ବାହାରକୁ ସିନା ସାଧାରଣ ଦେଖାଯାଉଥିଲା କିନ୍ତୁଭିତରଟାପାଲଟି ଯାଇଥିଲାଆତଙ୍କୀ ହବ୍। ପୋଲିସ ଏହି ରୁମରୁ ଅନେକ ଡିଜିଟାଲ୍ ଡିଭାଇସ୍, ପେନ୍ ଡ୍ରାଇଭ୍ ଏବଂ ଲାପଟପ୍ ଜବତ କରିଛି। ଫରେନସିକ୍ ଟିମ୍ ବିସ୍ଫୋରକ ପ୍ରସ୍ତୁତ କରିବାରେ ବ୍ୟବହୃତ ହେଉଥିବା କିଛି ରାସାୟନିକ ପଦାର୍ଥ ମଧ୍ୟ ଜବତ କରିଛି।

ଏଜେନ୍ସିଗୁଡିକ କହିଛନ୍ତି ଯେ ମୁଜାମ୍ମିଲ୍ ଅହମ୍ମଦ ଏବଂ ତାଙ୍କ ସାଥୀ ଡାକ୍ତରମାନେ ବିଶ୍ୱବିଦ୍ୟାଳୟ ପରୀକ୍ଷାଗାରରୁ କେଉଁ ରାସାୟନିକ ପଦାର୍ଥ ବାହାର କରିବେ ତାହା ସ୍ଥିର କରିବା ପାଇଁ ଏଠାରେ ଏକାଠି ହୋଇଥିଲେ। ଯୋଜନା ଥିଲା ବିଶ୍ୱବିଦ୍ୟାଳୟ ପରୀକ୍ଷାଗାରରୁ କମ୍ ପରିମାଣରେ ଆମୋନିୟମ୍ ନାଇଟ୍ରେଟ୍ ଏବଂ ଅକ୍ସାଇଡକୁ ମିଶ୍ରଣ କରିବୋମା ପ୍ରସ୍ତୁତ କରିବା। ବିଶ୍ୱବିଦ୍ୟାଳୟରମେଡିସନ ସାଇନ୍ସ ଲାବେରୋଟୋରିସହିତ ରୁମ୍ ନମ୍ବର ୧୩କୁ ସିଲ୍ କରାଯାଇଛି। କିଛି ବୋତଲ, ଟେଷ୍ଟ ଟ୍ୟୁବ୍ ଏବଂ ରାସାୟନିକ ନମୁନା ଉଦ୍ଧାର କରାଯାଇଛି। ତଦନ୍ତରୁ ଏହା ମଧ୍ୟ ଜଣାପଡିଛି ଯେ ବିସ୍ଫୋରଣ ଘଟାଇଥିବା ଡାକ୍ତର ଉମର ଉନ୍ ନବି ଏବଂ ତାର ସହଯୋଗୀ ଡାକ୍ତର ଶାହିନ ଶାହିଦଙ୍କ ସହାୟତାରେ ଏହି ରାସାୟନିକ ପଦାର୍ଥଗୁଡ଼ିକୁ ଫରିଦାବାଦର ଧୌଜ ଏବଂ ତାଗା ଗ୍ରାମକୁ ପଠାଯାଇଥିଲା। ଏହି ଅଞ୍ଚଳଗୁଡ଼ିକରେ ଆତଙ୍କବାଦୀ ମଡ୍ୟୁଲ୍ ପାଇଁଅସ୍ଥାୟୀଲାବେରୋଟୋରୀକରାଯାଇଥିଲା, ଯେଉଁଠାରେ ବିସ୍ଫୋରକ ପ୍ରସ୍ତୁତ କରାଯାଇଥିଲା ବୋଲି କହିଛି ଏଜେନ୍ସି। ଉତ୍ତର ଭାରତରେ ସିରିଜ୍ ବିସ୍ଫୋରଣ କରିବାକୁ ଏମାନେ ପ୍ରସ୍ତୁତ ହେଉଥିଲା। ଡାକ୍ତରୀ ବୃତ୍ତିର ଆଳ ଦେଖାଇ ସେମାନେ ରାସାୟନିକ ପଦାର୍ଥ, ଡାକ୍ତରୀ ଉପକରଣ ଏବଂ ଡିଜିଟାଲ୍ ଯୋଗାଯୋଗ ବ୍ୟବହାର କରୁଥିଲେ।

ତଦନ୍ତରୁ ଏହା ମଧ୍ୟ ଜଣାପଡ଼ିଛି ଯେ ଶାହିନ ଦୁଇ ମାସ ପୂର୍ବରୁ ଲକ୍ଷ୍ନୌ ଆସିଥିଲେ, ଯେଉଁଠାରେ ସେ ଅନେକ ସନ୍ଦିଗ୍ଧ ବ୍ୟକ୍ତିଙ୍କୁ ଭେଟିଥିଲେ। ଯେଉଁମାନଙ୍କୁ ଭେଟିଥିଲେ ସେମାନେ ସମସ୍ତେ ଅଯୋଧ୍ୟା ଯାଇଥିଲେ। ତଦନ୍ତ ଅଯୋଧ୍ୟାରେ ତାଙ୍କୁ କିଏ ଭେଟିଥିଲେ ଏବଂ ସେ ସେଠାରେ କେଉଁ ଉଦ୍ଦେଶ୍ୟରେ ଯାଇଥିଲେ ତାହା ଏବେ ପ୍ରଶ୍ନର ବିଷୟ।

ଦିଲ୍ଲୀ ବିସ୍ଫୋରଣ ପରେ, ତଦନ୍ତ ଏବେ ୟୁପିର ଅନେକ ସହର ପର୍ଯ୍ୟନ୍ତ ପହଞ୍ଚିଛି। ସହାରନପୁର, ଲକ୍ଷ୍ନୌ, କାନପୁର ଏବଂ ଅଯୋଧ୍ୟା। ଏଜେନ୍ସିଗୁଡ଼ିକ ପ୍ରତ୍ୟେକ ସ୍ଥାନରେ ଲିଙ୍କର ତଦନ୍ତ କରୁଛନ୍ତି। ଏଜେନ୍ସିଗୁଡ଼ିକ ସନ୍ଦେହ କରୁଛନ୍ତି ଯେ ଏହି ସମ୍ପୂର୍ଣ୍ଣ ମଡ୍ୟୁଲ୍ ଜୈଶ-ଏ-ମହମ୍ମଦ ଦ୍ୱାରା ହୋଇଛି। ଏହା ପଛରେ ବଡ଼ କାରଣ ରହିଛି।

ପ୍ରଭୁ ଶ୍ରୀରାମଙ୍କ ଜନ୍ମଭୂମି ସ୍ଥାନରେ ନିର୍ମିତ ୧୬ଶ ଶତାବ୍ଦୀର ବିବାଦୀୟ ବାବ୍ରୀ ଢ଼ାଞ୍ଚାକୁ୬ଡିସେମ୍ବର୧୯୯୨ରେ ଭାଙ୍ଗି ଦିଆଯାଇଥିଲା। ସୁପ୍ରିମକୋର୍ଟରେ ଲମ୍ବା ଲଢ଼େଇ ପରେ ସେହି ସ୍ଥାନରେ ଶ୍ରୀରାମ ମନ୍ଦିର ନିର୍ମାଣ କରାଯାଇଥିଲା। ବାବ୍ରୀ ଢ଼ାଞ୍ଚାର ଧ୍ୱଂସ ଏବଂ ପ୍ରଭୁ ଶୀରାମ ମନ୍ଦିରର ପ୍ରାଣ ପ୍ରତିଷ୍ଠା ପରେ ଲଗାତାର ଧମକ ଏବଂ ପ୍ରତିଶୋଧ ନେବାକୁ ଆହ୍ୱାନ ଦେଇଆସୁଛିଜୈଶ-ଏ-ମହମ୍ମଦ। ଜୈଶ ମୁଖ୍ୟ ମାସୁଦ ଆଝାର ତାଙ୍କ ସାପ୍ତାହିକ ସ୍ତମ୍ଭଗୁଡ଼ିକରେ ଅଯୋଧ୍ୟାକୁ ଟାର୍ଗେଟ କରିବାକୁ ଚେତାବନୀ ଦେଇଛି। ଏବେ ଦିଲ୍ଲୀ ବିସ୍ଫୋରଣ ପରେ ଆତଙ୍କୀଙ୍କ ଅଯୋଧ୍ୟା ପ୍ଲାନର ଖୁଲାସା କରିଛି ତଦନ୍ତକାରୀ ସଂସ୍ଥା।

ଆତଙ୍କୀ ତାର ଲକ୍ଷ୍ୟ ପୂରଣ କରିବା ପାଇଁ କାହାକୁ ବି ବ୍ୟବହାର କରିପାରେ। ଟଙ୍କା…ହନିଟ୍ରାପ ଭଳି ଲୋଭରେ ବଶୀଭୂତ କରାଇପାରେ। କିନ୍ତୁ ଶିକ୍ଷାନୁଷ୍ଠାନ ଏବଂ ଡାକ୍ତରଙ୍କୁ ବ୍ୟବହାର କରି ଏଭଳି ଆତଙ୍କ ରଚିବା ବୋଧହୁଏ ଇତିହାସରେ ପ୍ରଥମ।