ନୂଆଦିଲ୍ଲୀ: ଆଇପିଏଲ୍ ୨୦୨୪ରେ ଶେଷ ମୁକାବିଲା ଖେଳାଯିବ । ଏହି ସିଜିନର ଶେଷ ମୁକାବିଲା ଚେନ୍ନାଇର ଚେପକ୍ ଷ୍ଟାଡିୟମରେ କୋଲକାତା ନାଇଟ୍ ରାଇଡର୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ । ଏହି ମ୍ୟାଚ୍ରେ ସନରାଇଜର୍ସ ପାଖରେ ଇତିହାସ ରଚିବାର ସୁଯୋଗ ରହିବ । ଯଦି ସେ ଏହି ମ୍ୟାଚ୍କୁ ଜିତିବାରେ ସଫଳ ହୁଅନ୍ତି ତେବେ ଆଇପିଏଲ୍ ଇତିହାସରେ ଏପରି କାରନାମା କରିବେ ଯାହା ଏହା ପୂର୍ବରୁ କେବଳ ମୁମ୍ୱାଇ ଇଣ୍ଡିଆନ୍ସ ହିଁ କରିବାରେ ସଫଳ ହୋଇଛି ।
ସନରାଇଜର୍ସ ହାଇଦ୍ରାବାଦକୁ ଚଳିତ ସିଜିନରେ କ୍ୱାଲିଫାୟାର-୧ରେ ପରାଜୟ ସାମନା କରିବାକୁ ପଡ଼ିଥିଲା । ଏହାପରେ କ୍ୱାଲିଫାୟାର-୨ରେ ହାଇଦ୍ରାବାଜ ବାଜି ମାରିଥିଲା ଏବଂ ଫାଇନାଲରେ ନିଜ ସ୍ଥାନ ପକ୍କା କରିଥିଲା । ଯଦି ଏସଆରଏଚ୍ ଫାଇନାଲରେ ବିଜୟ ହାସଲ କରେ ତେବେ ଆଇପିଏଲର ଦ୍ୱିତୀୟ ଟିମ ହେବ ଯିଏ କ୍ୱାଲିଫାୟାର-୧ରେ ହାରିବା ପରେ ବି ଚାମ୍ପିୟନ ହେବ । ଏହା ପୂର୍ବରୁ ମୁମ୍ୱାଇ ଇଣ୍ଡିଆନ୍ସ ହିଁ ଏପରି କରିବାରେ ସଫଳ ହୋଇଥିଲା ।
ସନରାଇଜର୍ସ ହାଇଦ୍ରାବା ଏମଏ ଚିଦାମ୍ୱରମ ଷ୍ଟାଡିୟମରେ ୧୧ ମୁକାବିଲା ଖେଳିଛି ଯେଉଁଥିରୁ ସେ ୮ ମ୍ୟାଚରେ ପରାଜୟ ସାମନା କରିଛି । କେବଳ ୨ଟି ମ୍ୟାଚରେ ବିଜୟୀ ହୋଇଛି । ତେବେ ଚେପକ ଷ୍ଟାଡିୟମରେ ଆଇପିଏଲର ଚଳିତ ସିଜିନର ଦ୍ୱିତୀୟ କ୍ୱାଲିଫାୟାର ଖେଳାଯାଇଥିଲା, ଯେଉଁଥିରେ ସନରାଇଜର୍ସ ହାଇଦ୍ରାବାଦ ଟିମ ବିଜୟ ହାସଲ କରିବାରେ ସଫଳ ହୋଇଥିଲା, କିନ୍ତୁ ଏହା ସତ୍ତ୍ୱେ ବି ଟିମର ରେକର୍ଡ ଏହି ମୈଦାନରେ ଭଲ ନାହିଁ ।
