ମେକ୍ସିକୋ ମେୟରଙ୍କୁ ଗୁଳିକରି ହତ୍ୟା କଲେ ବନ୍ଧୁକଧାରୀ , କାର୍ଲୋସ ମାଞ୍ଜୋ ନିଶା କାରବାରକୁ କରୁଥିଲେ ବିରୋଧ

ନୂଆଦିଲ୍ଲୀ -  ମିଚୋଆକନ ରାଜ୍ୟରେ ନିଶା କାରବାର ବିରୋଧରେ ଲଢୁଥିବା ଜଣେ ମେକ୍ସିକୋ ମେୟରଙ୍କୁ , ଶନିବାର (୧ ନଭେମ୍ବର) ଏକ ସାର୍ବଜନୀକ କାର୍ଯ୍ୟକ୍ରମ ବେଳେ ଗୁଳି କରି ହତ୍ୟା କରାଯାଇଛି। ଏନେଇ ଅଧିକାରୀମାନେ ସୂଚନା ଦେଇଛନ୍ତି। କାର୍ଲୋସ ମାଞ୍ଜୋ ଉରୁପନର ଏକ ଚର୍ଚ୍ଚ ବାହାରେ ଡେ ଅଫ୍‌ ଦ ଡେଡ୍‌ର ଏକ ସାଂସ୍କୃତିକ ସମାବେଶରେ ଯୋଗ ଦେଉଥିଲେ,ସେତେବେଳେ ବନ୍ଧୁକଧାରୀମାନେ ତାଙ୍କ ଉପରେ ଗୁଳି ଚଳାଇ ଥିଲେ। ଖବର ଅନୁସାରେ, ଦୁଇଜଣ ସନ୍ଦିଗ୍ଧଙ୍କୁ ଗିରଫ କରାଯାଇଛି, ଯେତେବେଳେ କି ଜଣେ ଆକ୍ରମଣକାରୀର ଘଟଣା ସ୍ଥଳରେ ମୃତ୍ୟୁ ହୋଇଛି।

ମାଞ୍ଜୋ ତାଙ୍କ ରାଜ୍ୟରେ ନିଶା କାରବାରକାରୀଙ୍କୁ ମୁକାବିଲା କରିବା ପାଇଁ ରାଷ୍ଟ୍ରପତି କ୍ଲାଉଡିଆ ସିନବାମଙ୍କୁ ବାରମ୍ବାର ଅଧିକ ସମ୍ବଳ ମାଗି ଥିଲେ। ଏହି ହତ୍ୟାକାଣ୍ଡ ମେକ୍ସିକୋରେ ଗ୍ୟାଙ୍ଗ ହିଂସାର ନିରନ୍ତର ବିପଦକୁ ସ୍ପଷ୍ଟ କରେ, ଯେଉଁଥିରେ ସ୍ଥାନୀୟ ଅଧିକାରୀମାନେ ପ୍ରାୟତଃ ଟାର୍ଗେଟ ହୋଇ ଥାଆନ୍ତି। ସରକାରଙ୍କ ପ୍ରୟାସ ସତ୍ତ୍ୱେ, ସଂଗଠିତ ଅପରାଧ ଦେଶରେ ସାଧାରଣ ସୁରକ୍ଷା ବଜାୟ ରଖିବା ପାଇଁ ଏକ ଗୁରୁତ୍ୱପୂର୍ଣ୍ଣ ସଂଘର୍ଷ ହୋଇ ରହିଛି। ବର୍ଷ ବର୍ଷ ଧରି, ମିଚୋଆକାନ ରାଜ୍ୟ କୃଷି କ୍ଷେତ୍ରରେ ସକ୍ରିୟ ଶକ୍ତିଶାଳୀ ଡ୍ରଗ୍ସ କାର୍ଟେଲ ଗୁଡ଼ିକ ଦ୍ୱାରା ହିଂସାର ଶିକାର ହେଉଛି , ଯାହାକି ଚାଷୀମାନଙ୍କ ଠାରୁ ବଳପୂର୍ବକ ଅର୍ଥ ଆଦାୟ କରିବାକୁ ଚାହାନ୍ତି ।

ସେମାନଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ପୋଷ୍ଟ କରାଯାଇ ଥିବା ଏକ ଭିଡିଓ ଅନୁସାରେ, ମାଞ୍ଜୋ ଉରୁଆପାନରେ ଏକ ମହମବତୀ କାର୍ଯ୍ୟକ୍ରମରେ ଯୋଗ ଦେଇ ଥିଲେ। ରାତି ୮ ଟାର କିଛି ସମୟ ପରେ ତାଙ୍କ ଉପରେ ଆକ୍ରମଣ ହୋଇଥିଲା ଏବଂ ପରେ ସେ ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିଲା। ଅଧିକାରୀମାନେ ଏପର୍ଯ୍ୟନ୍ତ ହତ୍ୟାର ଉଦ୍ଦେଶ୍ୟକୁ ଜାଣି ପାରିନାହାଁନ୍ତି।

ଏହି ଗୁଳିକାଣ୍ଡ ମିଚୋଆକାନ୍ ଚାଷୀ ପ୍ରତିନିଧି ବର୍ଣ୍ଣାର୍ଡୋ ବ୍ରାଭୋଙ୍କୁ ଗୁଳି କରି ହତ୍ୟା କରାଯିବାର କିଛି ଦିନ ପରେ ଘଟିଥିଲା। ସେ ପ୍ରାୟତଃ ଅପରାଧ ଦଳ ଦ୍ୱାରା ଜୋରଜବରଦସ୍ତ ଆଦାୟ ବିରୁଦ୍ଧରେ ନିଜର  ସ୍ୱର ଉଠାଉ ଥିଲେ। ଗତ ମାସରେ, କେନ୍ଦ୍ରୀୟ ମେକ୍ସିକୋରେ ପିସାଫ୍ଲୋରେସର ମେୟରଙ୍କୁ ସଶସ୍ତ୍ର ଆକ୍ରମଣକାରୀମାନେ ଗୁଳି କରି ହତ୍ୟା କରିଥିଲେ। ଜୁନ୍ ମାସରେ, ଦକ୍ଷିଣ ମେକ୍ସିକୋର ଜଣେ ମେୟରଙ୍କ କାର୍ଯ୍ୟାଳୟରେ ସଶସ୍ତ୍ର ଲୋକମାନେ ପ୍ରବେଶ କରି ତାଙ୍କୁ ଏବଂ ଜଣେ କର୍ମଚାରୀଙ୍କୁ ହତ୍ୟା କରିଥିଲେ। ତାପରଦିନ, ଦେଶର ପଶ୍ଚିମରେ ଆଉ ଜଣେ ମେୟର ତାଙ୍କ ସ୍ୱାମୀଙ୍କ ସହିତ ମୃତ ଅବସ୍ଥାରେ ମିଳି ଥିଲେ।

ସେପ୍ଟେମ୍ବର ୨୦୨୪ରେ ମେୟର ହୋଇଥିବା ମାଞ୍ଜୋ ଅନେକ ସମୟରେ ବୁଲେଟପ୍ରୁଫ୍ ଜ୍ୟାକେଟ ପିନ୍ଧି ରାସ୍ତାରେ ସୁରକ୍ଷା ପାଟ୍ରୋଲିଂରେ ଯୋଗ ଦେଇ ଥିଲେ। ଜୁନ୍ ମାସରେ ସୋସିଆଲ ମିଡ଼ିଆରେ ନିଜର ଏମିତି ଏକ ଗସ୍ତର ଭିଡ଼ିଓ ସେୟାର କରି , ସେ ସଂଘୀୟ ସରକାରୀଙ୍କୁ ହିଂସାତ୍ମକ ଅପରାଧକୁ ମୁକାବିଲା କରିବା ପାଇଁ ଅଧିକ ପ୍ରୟାସ କରିବାକୁ ଆହ୍ୱାନ କରିଥିଲେ।

ଦେଶରେ ସଂଗଠିତ ଅପରାଧ ମୁକାବିଲା କରିବାରେ ଶୀନବାଉମଙ୍କ ଆଭିମୁଖ୍ୟକୁ ମଧ୍ୟ ମେୟର ସମାଲୋଚନା କରିଥିଲେ ଏବଂ ସଂଘୀୟ କର୍ତ୍ତୃପକ୍ଷଙ୍କଠାରୁ ଅତିରିକ୍ତ ସାହାଯ୍ୟ ଦାବି କରିଥିଲେ। ସେ ଭିଡିଓ ମଧ୍ୟ ପୋଷ୍ଟ କରି କହିଥିଲେ ଯେ, ସେ ତାଙ୍କ ଜୀବନ ପ୍ରତି ଭୟଭୀତ ଅ। ଗତ ବର୍ଷ, ଉରୁଆପାନରେ ମାଞ୍ଜୋଙ୍କ ସାକ୍ଷାତକାର ନେବାର କିଛି ସମୟ ପୂର୍ବରୁ ଜଣେ ସାମ୍ବାଦିକଙ୍କୁ ଗୁଳି କରି ହତ୍ୟା କରାଯାଇଥିଲା।