ଅଭିନେତା ବିଜୟଙ୍କ ରାଲିରେ ଦଳଚକଟା, ୩୧ ଜଣଙ୍କ ମୃତ୍ୟୁ; ଅନେକ ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ: ତାମିଲନାଡ଼ୁର କରୁର୍‌ରେ ବଡ଼ ଧରଣର ଅଘଟଣ ଘଟିଛି । ଅଭିନେତାରୁ ନେତା ହୋଇଥିବା ବିଜୟଙ୍କ ରାଲରେ ଦଳାଚକଟା ଯୋଗୁ ଅନେକଙ୍କ ମୃତ୍ୟୁ ହୋଇଥିବା ଖବର ସାମନାକୁ ଆସିଛି । ମୃତ୍ୟୁ ସଂଖ୍ୟା ୩୧ ହୋଇଥିବା ବେଳେ, ମୃତକଙ୍କ ମଧ୍ୟରେ ୬ ପିଲା ମଧ୍ୟ ଥିବା କୁହାଯାଉଛି । ଏହା ବ୍ୟତୀତ ରାଲିକୁ ଆସିଥିବା ଅନେକ ସମର୍ଥକ ବେହୋସ୍ ହୋଇଛନ୍ତି । ଟିଭିକେ ମୁଖ୍ୟ ବିଜୟ କରୁର୍‌ରେ ଏହି ରାଲି ବାହାର କରିଥିଲେ । ସୂଚନା ଅନୁସାରେ ବହୁ ସଂଖ୍ୟାରେ ଲୋକମାନେ ଏଥିରେ ସାମିଲ ହୋଇଥିଲା । ଭିଡ଼ ଏତେ ଅଧିକ ଥିଲା ଯେ ସେଠାରେ ସ୍ଥିତି ନିୟନ୍ତ୍ରଣ ବାହାରକୁ ଚାଲି ଯାଇଥିଲା । ଅଧାରୁ ରାଲିକୁ ବନ୍ଦ କରି ବିଜୟଙ୍କୁ ସେହି ସ୍ଥାନ ଛାଡ଼ିବାକୁ ପଡ଼ିଛି । ରାଲିକୁ ଆସିଥିବା ଲୋକଙ୍କୁ ହଟାଇବା ପାଇଁ ପୋଲିସ ଲାଠି ଚାର୍ଜ କରିଛି । ସେପଟେ ଏହି ଘଟଣା ଉପରେ ମୁଖ୍ୟମନ୍ତ୍ରୀ ଏମକେ.ଷ୍ଟାଲିନ ଚିନ୍ତା ପ୍ରକାଶ କରିଛନ୍ତି ।

VIDEO | TVK leader Vijay pauses speech in Karur, distributes water to people, arranges for ambulance for those in the crowd feeling suffocated.

(Full video available on PTI Videos - https://t.co/n147TvrpG7) pic.twitter.com/uCBNuilCBZ

— Press Trust of India (@PTI_News) September 27, 2025

କରୁର ଦଳାଚକଟା ଉପରେ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ୍ ଚିନ୍ତା ପ୍ରକାଶ କରିଛନ୍ତି । ଜନସାଧାରଣଙ୍କୁ ଡାକ୍ତର ଏବଂ ପୋଲିସକୁ ସହଯୋଗ କରିବାକୁ ନିବେଦନ କରିଛନ୍ତି । ସେ କରୁରରେ ସ୍ଥିତିକୁ ନିୟନ୍ତ୍ରଣକୁ ଫେରାଇ ଆଣିବା ପାଇଁ ଉପଯୁକ୍ତ ପଦକ୍ଷେପ ନେବାକୁ ଉଚ୍ଚ ପୋଲିସ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ଷ୍ଟାଲିନ ରବିବାର କରୁର ଗସ୍ତ କରିବେ ବୋଲି ଅନୁମାନ କରାଯାଉଛି ।

ମୁଖ୍ୟମନ୍ତ୍ରୀ ଏମକେ ଷ୍ଟାଲିନ କହିଛନ୍ତି ଯେ ବିଜୟଙ୍କ ରାଲିରେ ଦଳାଚକଟା ଏବଂ ଅନେକ ଲୋକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ରିପୋର୍ଟ ମିଳିଛି । କରୁର ପ୍ରଶାସନ ପକ୍ଷରୁ ମିଳିଥିବା ସୂଚନା ଚିନ୍ତାଜନକ । ସ୍ୱାସ୍ଥ୍ୟ ମନ୍ତ୍ରୀ ସୁବ୍ରମଣ୍ୟମ ଏବଂ ଜିଲ୍ଲା କଲେକ୍ଟରଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇବାକୁ କୁହାଯାଇଛଇ । ମନ୍ତ୍ରୀ ଅନବିଲ ମହେଶଙ୍କୁ ମଧ୍ୟ ସହାୟତା ଯୋଗାଇବାକୁ ନିର୍ଦ୍ଦେଶ ଦିଆଯାଇଛି । କରୁରରେ ସ୍ୱାଭାବିକତା ଫେରାଇ ଆଣିବା ପାଇଁ ସେ ଉଚ୍ଚ ପୋଲିସ ଅଧିକାରୀମାନଙ୍କୁ ଉପଯୁକ୍ତ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି । ମୁଖ୍ୟମନ୍ତ୍ରୀ ଷ୍ଟାଲିନ କରୁରରେ ସାଧାରଣ ଲୋକଙ୍କୁ ଡାକ୍ତର ଏବଂ ପୋଲିସ ସହିତ ସହଯୋଗ କରିବାକୁ ନିବେଦନ କରିଛନ୍ତି ।

ପ୍ରଧାନମନ୍ତ୍ରୀ ମୋଦୀ ଏକ୍ସରେ ଲେଖିଛନ୍ତି, "ତାମିଲନାଡୁର କରୁରରେ ଏକ ରାଜନୈତିକ ରାଲି ସମୟରେ ଘଟିଥିବା ଦୁର୍ଭାଗ୍ୟଜନକ ଘଟଣା ଅତ୍ୟନ୍ତ ଦୁଃଖଦ । ଯେଉଁମାନେ ନିଜ ପ୍ରିୟଜନଙ୍କୁ ହରାଇଛନ୍ତି ସେମାନଙ୍କ ପରିବାର ସହିତ ମୋର ସମବେଦନା । ଏହି କଷ୍ଟକର ସମୟରେ ମୁଁ ସେମାନଙ୍କୁ ଶକ୍ତି ପ୍ରଦାନ ପାଇଁ କାମନା କରୁଛି । ଆହତ ସମସ୍ତ ଲୋକଙ୍କ ଶୀଘ୍ର ଆରୋଗ୍ୟ କାମନା କରୁଛି।"​​​​​​​

The unfortunate incident during a political rally in Karur, Tamil Nadu, is deeply saddening. My thoughts are with the families who have lost their loved ones. Wishing strength to them in this difficult time. Praying for a swift recovery to all those injured.

— Narendra Modi (@narendramodi) September 27, 2025

ତାମିଲନାଡୁ ବିରୋଧୀ ଦଳ ନେତା ଏବଂ ଏଆଇଏଡିଏମକେ ସାଧାରଣ ସମ୍ପାଦକ ପଲାନିସ୍ୱାମୀ କହିଛନ୍ତି ଯେ କରୁରରେ ଟିଭିକେର ନିର୍ବାଚନ ରାଲି ସମୟରେ ଦଳାଚକଟା ଯୋଗୁ ୨୯ରୁ ଅଧିକ ଲୋକଙ୍କ ମୃତ୍ୟୁ ଘଟିଛି ଏବଂ ଅନେକ ଲୋକ ବେହୋସ ହୋଇଯାଇଛନ୍ତି । ସେ କହିଛନ୍ତି, "ଏହି ଘଟଣା ଆଶ୍ଚର୍ଯ୍ୟଜନକ ଏବଂ ଦୁଃଖଦ । ମୁଁ ପ୍ରାଣ ହରାଇଥିବା ଲୋକଙ୍କ ପରିବାର ପ୍ରତି ଗଭୀର ସମବେଦନା ଏବଂ ସମବେଦନା ଜଣାଉଛି,"।