ନୂଆଦିଲ୍ଲୀ ୧୦।୧୧; ବଲିଉଡ୍‌ ଅଭିନେତ୍ରୀ ସୋନାକ୍ଷୀ ସିହ୍ନା ତାଙ୍କ ଫିଲ୍ମ "ଜଟାଧାର" ପାଇଁ ଚର୍ଚ୍ଚା ଅଛନ୍ତି। ସୋନାକ୍ଷୀଙ୍କ ବିବାହକୁ ନେଇ ନାନା ଖବର ସାମ୍ନାକୁ ଆସିଥିଲା । ହେଲେ ଏବେ ତାଙ୍କ ସମ୍ପର୍କୀୟ ଭଉଣୀ ଅନେକ ଖୁଲାସା କରିଛନ୍ତି। ତାଙ୍କ ବିବାହ ସମୟରେ ସୋନାକ୍ଷୀ ଏବଂ ତାଙ୍କ ଭାଇମାନଙ୍କ ମଧ୍ୟରେ ଫାଟ ସୃଷ୍ଟି ହୋଇଥିବା ଖବରର ଉପରେ ମଧ୍ୟ ପ୍ରତିକ୍ରିୟା ଦେଇଛନ୍ତି।

ସୋନାକ୍ଷୀ ସିହ୍ନାଙ୍କ ଭାଇମାନଙ୍କ ସହ ଫାଟ?

ଯେତେବେଳେ ପୂଜାଙ୍କୁ ପଚରାଗଲା ଯେ ତାଙ୍କ ବିବାହ ପରେ ସୋନାକ୍ଷୀ ସିହ୍ନା ଏବଂ ତାଙ୍କ ଭାଇମାନଙ୍କ ମଧ୍ୟରେ କୌଣସି ମତଭେଦ ସୃଷ୍ଟି ହୋଇଛି କି, ସେ ସ୍ପଷ୍ଟ ଭାବରେ କହିଥିଲେ, "ମୁଁ ଏଠାରେ ଗସିପ୍‌ କରିବାକୁ ଆସିନାହିଁ। କିନ୍ତୁ ଏତିକି କହିବି ଯେ ଜାହିର ଜଣେ ଭଲ ଓ ବହୁତ ମଜାଳିଆ ବ୍ୟକ୍ତି । ମୁଁ ତାଙ୍କୁ ଆଗରୁ ଭେଟିଛି। ସେ ପ୍ରକୃତରେ ସୋନାକ୍ଷୀଙ୍କ ପାଇଁ ପରଫେକ୍ଟ"।​​​​​​​ପୂଜା ଆହୁରି କହିଥିଲେ ଯେ ଲୋକଙ୍କ ପାଖରେ ବୋଧହୁଏ କିଛି କାମ ନାହିଁ , ସେଥିପାଇଁ ସେମାନେ ଭିତ୍ତିହୀନ ଗୁଜବ ପ୍ରଚାର କରନ୍ତି। ଯଦି ପରିବାରରେ ପ୍ରକୃତରେ କୌଣସି ମତଭେଦ ଥାଆନ୍ତା, ତେବେ ସୋନାକ୍ଷୀ ଏବଂ ତାଙ୍କ ଭାଇ ଲଭ୍ ସିହ୍ନା "ନିକିତା ରୟ" ଫିଲ୍ମରେ ଏକାଠି କାମ କରି ନଥାଆନ୍ତେ। ଏହା ବ୍ୟତୀତ ପରିବାରର ସମସ୍ତ ସଦସ୍ୟ "ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ'ରେ ଏକାଠି ଦେଖାଦେଇ ଥିଲେ। ଯାହା ପ୍ରମାଣ କରୁଛି ଯେ ସେମାନଙ୍କ ମଧ୍ୟରେ ସବୁକିଛି ଠିକ୍‌ ଅଛି।

ଜୁନ୍ ୨୦୨୪ରେ ବିବାହ କରିଥିଲେ

ସୋନାକ୍ଷୀ ସିହ୍ନା ଏବଂ ଅଭିନେତା ଜାହିର ଇକବାଲ ଜୁନ୍ ୨୦୨୪ରେ ମୁମ୍ବାଇରେ ବିବାହ କରିଥିଲେ। ଦୁହେଁ ବହୁତ ଦିନ ଧରି ଡେଟିଂ କରୁଥିଲେ। କିନ୍ତୁ ସେମାନଙ୍କ ବିବାହ ଫଟୋ ପ୍ରକାଶ ପାଇବା ମାତ୍ରେ, ଇଣ୍ଟରନେଟ୍‌ରେ ଗୁଜବ ଖେଳିଯାଇଥିଲା ଯେ ଲଭ୍ ଏବଂ କୁଶ୍ ବିବାହରେ ଖୁସି ନାହାଁନ୍ତି। ପୂଜା କହିଥିଲେ, "ପ୍ରତ୍ୟେକଙ୍କ ନିଜସ୍ୱ କାରଣ ଥାଇପାରେ। ଏହାର ଅର୍ଥ ନୁହେଁ ଯେ ସମ୍ପର୍କ ଖରାପ ହୋଇଯାଇଛି। ପରିବାରର ସମସ୍ତେ ବହୁତ ନିକଟତର । ସେ ସୋନାକ୍ଷୀ ଏବଂ ଜାହିରଙ୍କ ଯୋଡ଼ିକୁ ପ୍ରଶଂସା କରି କହିଥିଲେ ଯେ ସେମାନଙ୍କ ମଧ୍ୟରେ ପ୍ରେମ ଏବଂ ବୁଝାମଣାର ସୁନ୍ଦର କେମେଷ୍ଟ୍ରି ରହିଛି।