LIVE TV
News7 Logo
LIVE TV

GDP: ସବୁ ଅନୁମାନ ଫେଲ୍, ଦ୍ୱିତୀୟ ତ୍ରୈମାସରେ ୮.୨% ହାରରେ ବଢିଛି ଦେଶର ଅର୍ଥବ୍ୟବସ୍ଥା

Published By: Prameya-News Bureau - Prameya-News Bureau | November 28, 2025 05:50 PM
NEWS7
share-market-today-stock-rose-new-record-high-sensex-nifty

ନୂଆଦିଲ୍ଲୀ: ଭାରତର ଅର୍ଥବ୍ୟବସ୍ଥା ପୁଣି ଥରେ ଦୁନିଆରେ ନିଜ ଦମ ଦେଖାଇଛି । ଚଳିତ ଆର୍ଥିକ ବର୍ଷର ଦ୍ୱିତୀୟ ମାସରେ ଦେଶର ଜିଡିପି ୮.୨ ପ୍ରତିଶତ ହାରରେ ବୃଦ୍ଧି ପାଇଛି, ଯାହା ଗତ ଛଅ କ୍ୱାର୍ଟରରେ ସବୁଠୁ ଅଧିକ ଅଟେ । ୨୦୨୪-୨୫ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସରେ ଏହା ୫.୬ ପ୍ରତିଶତ ଥିଲା ।ଏହି ଅଭିବୃଦ୍ଧି କେବଳ ଅନୁମାନଠାରୁ ଉପରେ ନୁହେଁ, ବରଂ ଘରୋଇ ଚାହିଦା, ଗ୍ରାମଣୀ ଅର୍ଥବ୍ୟବସ୍ଥା ଓ ସରକାରୀ ଖର୍ଚ୍ଚର ମଜଭୁତିକୁ ପ୍ରତିଫଳିତ କରୁଛି ।

ଗତ ତ୍ରୈମାସରେ ଦେଶର ଜିଡିପି ୭.୮ ପ୍ରତିଶତ ରହିଥିଲା, କିନ୍ତୁ ଦ୍ୱିତୀୟ ତ୍ରୈମାସରେ ଏହା ବଢି ୮.୨ ପ୍ରତିଶତ ହୋଇଛି । ଆର୍ଥିକ ବିଶେଷଜ୍ଞମାନେ ୭.୩ ପ୍ରତିଶତ ଯାଏ ବୃଦ୍ଧି ଅନୁମାନ ଥିଲା । କେନ୍ଦ୍ରୀୟ ବ୍ୟାଙ୍କ ମଧ୍ୟ ୭ ପ୍ରତିଶତର ଅଭିବୃଦ୍ଧି ଅନୁମାନ କରିଥିଲା । ସରକାରଙ୍କ ଦ୍ୱାରା ଜିଏସଟି ସ୍ଲାବ ହ୍ରାସ, ପାର୍ବଣ ପୂର୍ବରୁ ଷ୍ଟକିଂ ବଢାଇବା ଓ ଗ୍ରାମୀଣ କ୍ଷେତ୍ରରେ ପୁଣି ଥରେ ଚାହିଦା ବୃଦ୍ଧି କରିବା ଏହି ଅଭିବୃଦ୍ଧିର ଏକ ପ୍ରମୁଖ କାରଣ ରୂପେ ସାମନାକୁ ଆସିଛି ।