ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣ ଶୁକ୍ରବାର ସ୍ୱାତି ମାଲିୱାଲ ମାମଲାରେ ସାମ୍ୱାଦିକ ସମ୍ମିଳନୀ କରି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ୍ କରିଛନ୍ତି । ନିର୍ମଳା ସୀତାରମଣ କହିଛନ୍ତି ଯେ ପୂରା ମାମଲାରେ ଏବେ ସୁଦ୍ଧା କାହିଁକି ଆକ୍ସନ ନିଆଯାଇ ନାହିଁ ? ସେ କହିଛନ୍ତି ଯେ ଜଣେ ମହିଳାଙ୍କ ସହ ଯେପରି ଭାବେ ଦୁର୍ବ୍ୟବହାର କରାଗଲା, ତାହା ଆଦୌ ଗ୍ରହଣୀୟ ନୁହେଁ । ସେ ଏହି ମାମଲାକୁ ମହିଳା ସୁରକ୍ଷାର ବଡ଼ ଘଟଣା ବୋଲି କହିଛନ୍ତି ।
ନିର୍ମଳା ସୀତାରମଣ ସାମ୍ୱାଦିକ ସମ୍ମିଳନୀ କରି ପ୍ରଶ୍ନ ଉଠାଇଛନ୍ତି ଯେ ଏହି ମାମଲାରେ ବିଭବ କୁମାରଙ୍କ ଉପରେ ଅଙ୍ଗୁଳି ଉଠୁଛି । ପୀଡିତା ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷ ରହିସାରିଛନ୍ତି, ତାଙ୍କ ସହ ଘଟଣା ଘଟୁଛି କିନ୍ତୁ ଏବେ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ହେଉ ନାହିଁ ।
मेरे साथ जो हुआ वो बहुत बुरा था। मेरे साथ हुई घटना पर मैंने पुलिस को अपना स्टेटमेंट दिया है। मुझे आशा है कि उचित कार्यवाही होगी। पिछले दिन मेरे लिए बहुत कठिन रहे हैं। जिन लोगों ने प्रार्थना की उनका धन्यवाद करती हूँ। जिन लोगों ने Character Assassination करने की कोशिश की, ये बोला…
— Swati Maliwal (@SwatiJaiHind) May 16, 2024
ନିର୍ମଳା ସୀତାରମଣ ଏହି ମାମଲାରେ ଦାୟୀ ବ୍ୟକ୍ତିଙ୍କୁ କ୍ଷମା ମାଗିବା ପାଇଁ କହିଛନ୍ତି । ସେ କହିଛନ୍ତି ଏତେ ବଡ଼ ଘଟଣା ହେବା ସତ୍ତ୍ୱେ ଅଭିଯୁକ୍ତ ବ୍ୟକ୍ତିକୁ ଲକ୍ଷ୍ନୌରେ ବୁଲୁଥିବା ଦେଖିବାକୁ ମିଳୁଛି । କେନ୍ଦ୍ରମନ୍ତ୍ରୀ କହିଛନ୍ତି ଯେ ପୂରା ଘଟଣାକ୍ରମକୁ ନେଇ ଦେଶର ରାଜଧାନୀ ଦିଲ୍ଲୀର ମହିଳାଙ୍କ ମନରେ ଅନେକ ବଡ଼ ପ୍ରଶ୍ନ ଉଠୁଛି । ସେ କହିଛନ୍ତି ଯେ ଦିଲ୍ଲୀର ମହିଳାମାନେ ଚିନ୍ତା କରୁଛନ୍ତି ଯେ ଯେତେବେଳେ ସାଂସଦ ଏବଂ ଦିଲ୍ଲୀ ମହିଳା ଆୟୋଗର ଜଣେ ପୂର୍ବତନ ଅଧ୍ୟକ୍ଷଙ୍କ ସହ ଏପରି ଘଟଣା ଘଟୁଛି ତେବେ ଅନ୍ୟ ମହିଳାଙ୍କ ସହ କଣ ହୋଇପାରିବ । ଦିଲ୍ଲୀରେ ମହିଳାଙ୍କୁ କିପରି ସୁରକ୍ଷା ମିଳିପାରିବ । ନିର୍ମଳା ସୀତାରମଣ ଏହି ଅବସରରେ ଆମ୍ ଆଦମୀ ପାର୍ଟି ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି ଯେ ଆପ୍ ଲୋକସଭା ନିର୍ବାଚନରେ ଦିଲ୍ଲୀରେ ଜଣେ ବି ମହିଳାଙ୍କୁ ଟିକଟ କାହିଁକି ଦେଲା ନାହିଁ ?
