LIVE TV
News7 Logo

'ଭାରତ ଗୋଟିଏ ମହାନ ଦେଶ, ନମୋ ମୋର ଭଲ ବନ୍ଧୁ..., ଟ୍ରମ୍ପଙ୍କ ପ୍ରଶଂସା ବେଳେ ପଛରେ ଥିଲେ ପାକ୍ ପିଏମ୍...

Published By: Prameya-News Bureau - Prameya-News Bureau | October 14, 2025 08:19 AM
NEWS7
sachin-tendulkar-feels-sialkot-sowed-the-seeds-for-his-first-test-century-at-manchester

ନୂଆଦିଲ୍ଲୀ ୧୪/୧୦: ମିଶରରେ ଗାଜା ଶାନ୍ତି ଚୁକ୍ତିନାମା ସ୍ୱାକ୍ଷର ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରଖିଥିଲେ ନିଜର ଅଭିଭାଷଣ । ପ୍ରାୟ ଅଧ ଘଣ୍ଟା ଧରି ଥିଲା ତାଙ୍କର  ଭାଷଣ । ତେବେ ଏହି ସମାରୋହରେ ଉପସ୍ଥିତ ନଥିଲେ ପ୍ରଧାନମନ୍ତ୍ରୀ ମୋଦୀ । ତଥାପି ତାଙ୍କ ଅନୁପସ୍ଥିତିରେ ସେ ତାଙ୍କର ଭୁରି ଭୁରି ପ୍ରଶଂସା କରିଛନ୍ତି । ଭାରତକୁ ଏକ ମହାନ ଦେଶ ଭାବରେ ପ୍ରଶଂସା କରିଥିଲେ ଟ୍ରମ୍ପ । ଆଉ କହିଛନ୍ତି ମୋଦୀ ମୋର ଜଣେ ଭଲ ବନ୍ଧୁ । ତାଙ୍କ ଭାଷଣରେ, ରାଷ୍ଟ୍ରପତି ଟ୍ରମ୍ପ କହିଥିଲେ ଯେ ମୋର ଜଣେ ବନ୍ଧୁ ଭାରତରେ ଉଚ୍ଚ ପଦବୀରେ ଅଛନ୍ତି ଯିଏ ଏକ ଚମତ୍କାର ବ୍ୟକ୍ତିତ୍ୱ । 

ତେବେ ଏହି ଅବସରରେ ପାକିସ୍ତାନୀ ପ୍ରଧାନମନ୍ତ୍ରୀ ଶାହବାଜ ସରିଫ ସେଠାରେ ଉପସ୍ଥିତ ଥିଲେ । ସିଧାସଳଖ ରାଷ୍ଟ୍ରପତି ଟ୍ରମ୍ପଙ୍କ ପଛରେ ଠିଆ ହୋଇଥିଲେ । କିନ୍ତୁ ଶାହବାଜ ସରିଫଙ୍କ ଆଚରଣ ଏପରି ଥିଲା ଯେପରି ସେ ପାକିସ୍ତାନର ପ୍ରଧାନମନ୍ତ୍ରୀ ନୁହଁନ୍ତି, ବରଂ ଜଣେ ଆମେରିକୀୟ କ୍ୟାବିନେଟ ମନ୍ତ୍ରୀ କିମ୍ବା କଂଗ୍ରେସମ୍ୟାନ ଯାହାଙ୍କର ଏକମାତ୍ର କାମ ରାଷ୍ଟ୍ରପତି ଟ୍ରମ୍ପଙ୍କୁ ଖୁସି କରିବା ।

 

ତାଙ୍କ ଭାଷଣ ସମୟରେ, ରାଷ୍ଟ୍ରପତି ଟ୍ରମ୍ପ କହିଥିଲେ ଯେ ସେ ବିଶ୍ୱାସ କରନ୍ତି ଯେ ଭାରତ ଏବଂ ପାକିସ୍ତାନ ବହୁତ ଭଲ ସମ୍ପର୍କ ଉପଭୋଗ କରିବେ। ଏତିକି ବେଳେ ଟ୍ରମ୍ପ ଶାହବାଜ ସରିଫଙ୍କ ଆଡ଼କୁ ମୁହଁ ଫେରାଇଥିଲେ । ତେବେ ଶାହବାଜ ସରିଫ ବାରମ୍ବାର ସହମତିରେ ମୁଣ୍ଡ ହଲାଇଲେ । କିନ୍ତୁ ତାଙ୍କ ଶରୀରର ଅଙ୍ଗଭଙ୍ଗୀ ଅଲଗା କିଛି ବୟାନ କରୁଥିଲା । 

ତାଙ୍କ ଭାଷଣରେ, ଟ୍ରମ୍ପ ପାକିସ୍ତାନୀ ଫିଲ୍ଡ ମାର୍ଶାଲ ଅସୀମ ମୁନିରଙ୍କର ବି ପ୍ରଶଂସା କରିଥିଲେେ । ସେ କହିଥିଲେ ସେ ତାଙ୍କର ପ୍ରିୟ । ଶାହବାଜ ସରିଫଙ୍କୁ ଟ୍ରମ୍ପଙ୍କ ପୁରସ୍କାର ପ୍ରଦାନ କରିବାକୁ କହିଥିଲେ । ଏହା ପରେ ଆମେରିକା ରାଷ୍ଟ୍ରପତି ଟ୍ରମ୍ପ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫଙ୍କୁ କହିବାର ସୁଯୋଗ ଦେଇଥିଲେ। ପ୍ରଥମେ, ଶାହବାଜ ସରିଫ ଟ୍ରମ୍ପଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ପୁଣି ଥରେ ମନୋନୀତ କରି କହିଥିଲେ ।

ମୁଁ ପୁଣି ଥରେ ଏହି ମହାନ ରାଷ୍ଟ୍ରପତିଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରିବାକୁ ଚାହୁଁଛି କାରଣ ସେ ସବୁଠାରୁ ସଚ୍ଚା ଓ ଚମତ୍କାର ପ୍ରାର୍ଥୀ । କେବଳ ଦକ୍ଷିଣ ଏସିଆରେ ଶାନ୍ତି ଆଣି ନାହାଁନ୍ତି ବରଂ ଲକ୍ଷ ଲକ୍ଷ ଜୀବନ ବଞ୍ଚାଇଛନ୍ତି। ଟ୍ରମ୍ଫଙ୍କୁ ଖୁସି କରିବା ପାଇଁ, ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ସେଠାରେ ଅଟକି ନଥିଲେ । ସେ ବ୍ୟକ୍ତିଗତ ଭାବରେ ରାଷ୍ଟ୍ରପତି ଟ୍ରମ୍ପଙ୍କୁ ସାଲ୍ୟୁଟ୍ କରି କହିଥିଲେ । କହିଥିଲେ ରାଷ୍ଟ୍ରପତି ଟ୍ରମ୍ପ, ମୁଁ ଆପଣଙ୍କ ଅନନ୍ୟ ଓ ଦୂରଦୃଷ୍ଟି ସମ୍ପନ୍ନ ନେତୃତ୍ୱ ପାଇଁ ଆପଣଙ୍କୁ ସାଲ୍ୟୁଟ୍ କରୁଛି।"