ଋଷିକୂଲ୍ୟା ନଦୀ ବନ୍ଧ ଭାଙ୍ଗି ଶହେ ଏକରରୁ ଉର୍ଦ୍ଧ୍ବ ଚାଷ ଜମିର ଫସଲ ନଷ୍ଟ, କ୍ଷତିପୂରଣ ଦାବିରେ ତହସିଲଦାରଙ୍କୁ ଅଟକ

ଆସିକା ୩।୧୦: ଋଷିକୂଲ୍ୟା ନଦୀ ବନ୍ଧ ଭାଙ୍ଗି ୧୦୦ ଏକରରୁ ଉର୍ଦ୍ଧ୍ବ ଚାଷ ଜମିର ଫସଲ ନଷ୍ଟ l କ୍ଷତିପୂରଣ ଦାବିରେ ତହସିଲଦାରଙ୍କୁ  ଗାଁରେ ଅଟକ l ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜାହାଡ଼ା ପଞ୍ଚାୟତ କୁଶପଡ଼ା ଗ୍ରାମ ନିକଟରେ ଋଷିକୂଲ୍ୟା ବନ୍ଧ ଭାଙ୍ଗି ନଦୀପାଣି ପଶି ଯିବାରୁ ୧୦୦ ଏକରରୁ ଉର୍ଦ୍ଧ୍ବ ଚାଷ ଜମିରେ ବାଲି ମାଡ଼ି ଯାଇଛି l ଫଳରେ ଚାଷୀ ମାନଙ୍କର ଅନେକ କ୍ଷୟକ୍ଷତି ଘଟିଛି l ପୂର୍ବରୁ ବାଲି ମାଫିଆ ମାନେ ତହସିଲଦାର ଓ ବିଭାଗୀୟ ମାଇନିଂ ଅଧିକାରୀଙ୍କୁ ହାତକରି କୁଶପଡା ଠାରେ ନଦୀବନ୍ଧ ଭାଙ୍ଗି ବାଲି ଚୋରା ଚାଲାଣ କରୁଥିଲେ l ଗ୍ରାମବାସୀ ମାନେ ବାରମ୍ବାର ବିରୋଧ ମଧ୍ୟ କରିଛନ୍ତି କିନ୍ତୁ କେହି ଶୁଣି ନଥିଲେ l ଗୁରୁବାର ଦିନ ତମାମ ଯେତେବେଳେ ଲଗାତାର ଲଘୁଚାପଜନିତ ବର୍ଷା ହୋଇଥିଲା l ତେବେ ରାତିରେ ନଦୀବନ୍ଧ ଭାଙ୍ଗି ଯାଇଥିଲା l ନଦୀ ବନ୍ଧ ଭାଙ୍ଗିଯିବାରୁ ରାତି ତମାମ ଗାଁ ଲୋକେ ଅନିଦ୍ରା ରହିଥିଲେ l ଋଷିକୁଲ୍ୟା ନଦୀ ପାଣି ସହ ଫସଲ ଜମିରେ ବାଲି ମାଡ଼ିଯିବାରୁ ୧୦୦ ଏକର ଜମିରୁ ଫସଲ ନଷ୍ଟ ହୋଇଛି l