ଭୁବନେଶ୍ବର ୨୬।୮: ପାର୍ବଣ ଲାଗି ଜାରି ହୋଇଥିବା ନିର୍ଦ୍ଧିଷ୍ଟ କଟକଣାକୁ କୋହଳ କରାଯିବ । କିନ୍ତୁ ସବୁକିଛି ଉପରେ ଚୂଡାନ୍ତ ନିଷ୍ପତ୍ତି ନେବ ପ୍ରଶାସନ । ମଙ୍ଗଳବାର କଟକ ସହର ସମସ୍ୟା ସଂକ୍ରାନ୍ତୀୟ ଜନସ୍ୱାର୍ଥ ମାମଲାର ଶୁଣାଣି ପରେ କିଛି ଏଭଳି ମତ ପୋଷଣ କରିଛନ୍ତି ହାଇକୋର୍ଟ । ରୋଡ଼କ୍ରସ ଗେଟ୍ ନିର୍ମାଣ ଉପରେ କଟକଣା ରହିବ, ହେଲେ ଅନ୍ୟ ସ୍ଥାନରେ ତୋରଣ ନିର୍ମାଣ କଲାବେଳେ ତାର ନିରାପତ୍ତାକୁ ନେଇ ପୂର୍ତ୍ତ ବିଭାଗ ସୁନିଶ୍ଚିତ କରାଇବ ।
ସେହିପରି ଗେଟ୍ ନିର୍ମାଣ ଲାଗି ରାସ୍ତା ଯେପରି ନଷ୍ଟ ନହେବ ତାହା ସୁନିଶ୍ଚିତ କରାଇବା ଲାଗି ସିଏମସି ପ୍ରଶାସନ ଉତ୍ତରଦାୟୀ ରହିବ । ଫୁଟପାଥ କିମ୍ବା ରାସ୍ତା ଉପରେ ତୋରଣ ନିର୍ମାଣ ହୋଇପାରିବ ନାହିଁ ଏବଂ ଇଲେକ୍ଟ୍ରିକ ଗେଟ୍ ନିର୍ମାଣ କରିବାକୁ ହେଲେ ବିଦ୍ୟୁତ ବିଭାଗ ତାର ନିରାପତ୍ତାର ଗ୍ୟାରେଣ୍ଟି ଦେବେ । ଲୋକଙ୍କ ସୁରକ୍ଷାକୁ ପ୍ରାଥମିକତା ଦେଇ ହାଇକୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି ।
ଯେହେତୁ ବୁଧବାର ଗଣେଶ ପୂଜା ଏବଂ ଗଣେଶ ମୂର୍ତ୍ତି ବିସର୍ଜନ ଲାଗି ୩ଟି ରବିବାର ନିର୍ଦ୍ଧାରିତ ହୋଇଛି । କିନ୍ତୁ ମଝିରେ ଚନ୍ଦ୍ର ଗ୍ରହଣ ପଡୁଥିବାରୁ ଆଉ ଗୋଟିଏ ଦିନର ମହଲତ ଲୋଡ଼ା ଯାଇଥିଲା, ଯାହା ଉପରେ ପ୍ରଶାସନ ଚୂଡାନ୍ତ ନିଷ୍ପତ୍ତି ନେବେ ବୋଲି ହାଇକୋର୍ଟ କହିଛନ୍ତି । ସେହିପରି ପାର୍ବଣ ଏବଂ ଭସାଣୀ ସମୟରେ ଯେପରି ବାୟୁ ଏବଂ ଶବ୍ଦ ପ୍ରଦୂଷଣ ନହେବ, ସେଥିଲାଗି ପୋଲିସ ପ୍ରଶାସନକୁ ନିର୍ଦ୍ଦେଶ ହୋଇଛି । ଶବ୍ଦ ପ୍ରଦୂଷଣ ରୋକିବା ଲାଗି ସ୍ୱତନ୍ତ୍ର ଟିମ୍ ମୁତୟନ କରାଯିବ ବୋଲି ପୋଲିସ ବିଭାଗ ପକ୍ଷରୁ ହାଇକୋର୍ଟଙ୍କୁ ଅବଗତ କରାଯାଇଛି ।
You Can Read:
ନୂଆଁଖାଇ ପାଇଁ ୨୯ ତାରିଖରେ ଛୁଟି ଘୋଷଣା, ସେପ୍ଟେମ୍ବର ୧୩ରେ କାର୍ଯ୍ୟଦିବସ
