ନୂଆଦିଲ୍ଲୀ: ଦିମ୍ବଗତ ପତ୍ନୀ ଶ୍ରୀଦେବୀଙ୍କ ଫାର୍ମ ହାଉସ ମାଲିକାନା ନେଇ ମଡ୍ରାସ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ବଲିଉଡ ପ୍ରଯୋଜକ ବୋନି କପୁର। ଚେନ୍ନାଇରେ ଶ୍ରୀ ଦେବୀଙ୍କର ଏକ ଫାର୍ମ ହାଉସ ରହିଛି। ଏହି ଫାର୍ମ ହାଉସ୍ ଉପରେ ୩ ଜଣ ଅଜଣା ବ୍ୟକ୍ତି ବେଆଇନ ଭାବେ ମାଲିକାନା ଜାହିର କରୁଛନ୍ତି। ତେଣୁ ଏହାକୁ ବିରୋଧ କରି ବୋନି କପୁର ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ଗଣମାଧ୍ୟମ ‘ଦ ହିନ୍ଦୁ’ରୁ ତଥ୍ୟ ନେଇ ହିନ୍ଦୁସ୍ତାନ ଟାଇମ୍ସ ପ୍ରକାଶ କରିଥିବା ରିପୋର୍ଟ ଅନୁସାରେ, ବୋନାଇ ତାଙ୍କ ଆବଦେନରେ କୋର୍ଟଙ୍କୁ ସବିଶେଷ ତଥ୍ୟ ଦେଇଛନ୍ତି। ୩ ଜଣ ଠକେଇ କରିବାକୁ ଚାହୁଁଛନ୍ତି ବୋଲି ବୋନି କପୁର କହିଛନ୍ତି।
ଚେନ୍ନାଇର ଇଷ୍ଟ କୋଷ୍ଟ ରୋଡ୍ (ECR) ରେ ଅବସ୍ଥିତ ବିବାଦିତ ସମ୍ପତ୍ତିକୁ ଶ୍ରୀଦେବୀ ୧୯ ଏପ୍ରିଲ ୧୯୮୮ ରେ ଜଣେ ଏମ.ସି. ସମ୍ବାଣ୍ଡା ମୁଦାଲିଆରଙ୍କଠାରୁ କିଣିଥିଲେ ବୋଲି ଜଣାପଡିଛି। ମୁଦାଲିଆରଙ୍କ ପରିବାର ୧୯୬୦ ମସିହାରେ ପାରସ୍ପରିକ ଭାବରେ ସମ୍ପତ୍ତିକୁ ବାଣ୍ଟି ଦେଇଥିଲେ ଏବଂ ଏହି ପାରିବାରିକ ବ୍ୟବସ୍ଥା ଆଧାରରେ, ଅଭିନେତା ଆଇନଗତ ଭାବରେ ଏହି ଜମି ଅଧିଗ୍ରହଣ କରିଥିଲେ।
ବୋନି ଦାବି କରିଛନ୍ତି ଯେ ତିନି ଜଣ ବ୍ୟକ୍ତି- ଜଣେ ମହିଳା ଏବଂ ତାଙ୍କର ଦୁଇ ପୁଅ, ସମ୍ପ୍ରତି ଜମି ଉପରେ ଆଇନଗତ ଅଧିକାର ଜାହିର କରିବା ଆରମ୍ଭ କରିଛନ୍ତି। ମହିଳା ଜଣକ ଅଭିଯୋଗ କହୁଛନ୍ତି ଯେ ସେ ମୁଦାଲିଆରଙ୍କ ପୁଅଙ୍କ ମଧ୍ୟରୁ ଜଣଙ୍କର ଦ୍ୱିତୀୟ ପତ୍ନୀ ଏବଂ ସେ ତାଙ୍କୁ ୧୯୭୫ରେ ବିବାହ କରିଥିଲେ। ବୋନି ଏହି ଦାବିର ବୈଧତାକୁ ଚ୍ୟାଲେଞ୍ଜ କରି ଯୁକ୍ତି ଦେଇଛନ୍ତି ଯେ ସେହି ବ୍ୟକ୍ତିଙ୍କର ପ୍ରଥମ ସ୍ତ୍ରୀ ୧୯୯୯ ପର୍ଯ୍ୟନ୍ତ ଜୀବିତ ଥିଲେ। ତେଣୁ ମହିଳାଙ୍କ ଦ୍ୱିତୀୟ ବିବାହ ଅଭିଯୋଗ ଆଇନଗତ ଭାବରେ ଅବୈଧ ହେଉଛି।
ବୋନି ତିନି ଦାବିଦାରଙ୍କୁ ଆଇନଗତ ଉତ୍ତରାଧିକାରୀ ପ୍ରମାଣପତ୍ର ପ୍ରଦାନ କରିଥିବା ତାମ୍ବରମ୍ ତାଲୁକ୍ ତହସିଲଦାରଙ୍କ ଅଧିକାର କ୍ଷେତ୍ର ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି। ସେ ପ୍ରମାଣପତ୍ରକୁ ପ୍ରତ୍ୟାହାର କରିବା ଏବଂ ମାଲିକାନା ହସ୍ତାନ୍ତରକୁ ରୋକିବା ପାଇଁ କୋର୍ଟଙ୍କୁ ଅନୁରୋଧ କରିଛନ୍ତି। ଆବେଦନର ବିଚାର କରି ବିଚାରପତି ଏନ୍. ଆନନ୍ଦ ଭେଙ୍କଟେଶ୍ ତାମ୍ବରମ୍ ତହସିଲଦାରଙ୍କୁ ମାମଲାର ସମୀକ୍ଷା କରି ଚାରି ସପ୍ତାହ ମଧ୍ୟରେ ନିଷ୍ପତ୍ତି ନେବାକୁ ନିର୍ଦ୍ଦେଶ ଦେଇଛନ୍ତି।
ଶ୍ରୀ ଦେବୀଙ୍କର ଇସିଆର୍ ସମ୍ପତ୍ତିଟି ଏକ ପାରିବାରିକ ଫାର୍ମହାଉସ୍ ରିଟ୍ରିଟ୍ ଭାବରେ ବ୍ୟବହୃତ ହୁଏ ଏବଂ ଏହା ବୋନି ଏବଂ ତାଙ୍କ ଦୁଇ ଝିଅ ଜାହ୍ନବୀ ଓ ଖୁସି କପୁରଙ୍କ ପାଇଁ ଭାବପ୍ରବଣତା ସହ ଯୋଡ଼ି ହୋଇ ରହିଛି। ତେଣୁ ଏହି ଫାର୍ମ ହାଉସ୍ କପୁର ପରିବାର ପାଇଁ ବହୁତ ଗୁରୁତ୍ୱପୂର୍ଣ୍ଣ।
ବୋନି ଏବଂ ଶ୍ରୀ ଦେବୀ ବିବାହ
ବୋନି କପୁର ଜୁନ୍ ୧୯୯୬ରେ ଅଭିନେତ୍ରୀ ଶ୍ରୀଦେବୀଙ୍କୁ ବିବାହ କରିଥିଲେ। ଏହି ସିନେ ଦମ୍ପତିଙ୍କ ଦୁଇ ଝିଅ ଜାହ୍ନବୀ ଏବଂ ଖୁସି କପୁର ମଧ୍ୟ ବଲିଉଡରେ ଅଭିନୟ କରୁଛନ୍ତି। ଶ୍ରୀଦେବୀଙ୍କ ଦୁଃଖଦ ମୃତ୍ୟୁ ଫେବୃଆରୀ ୨୪, ୨୦୧୮ରେ ଦୁବାଇରେ ହୋଇଥିଲା। ସଂଯୁକ୍ତ ଆରବ ଏମିରେଟ୍ସର ଦୁବାଇରେ ଥିବା ଜୁମେରାହ ଏମିରେଟ୍ସ ଟାୱାର୍ସ ହୋଟେଲରେ ବାଥରୁମରେ ଗୋଡ଼ ଖସିଯିବାରୁ ଚେତାଶୂନ୍ୟ ହୋଇ ବାଥଟବରେ ବୁଡ଼ିଯିବାରୁ ତାଙ୍କର ମୃତ୍ୟୁ ହୋଇଥିଲା। ଶ୍ରୀ ଦେବୀଙ୍କର ଅକାଳ ମୃତ୍ୟୁ ଖବର ଶୁଣି ତାଙ୍କର କୋଟି କୋଟି ଫ୍ୟାନ୍ ମନକୁ ଶକ୍ତ ଝଟକା ଲାଗିଥିଲା। ତାଙ୍କ ମୃତ୍ୟୁ ପରେ ଭାରତୀୟ ସିନେମା ଜଗତରେ ଏକ ସ୍ଥାୟୀ ଶୂନ୍ୟସ୍ଥାନ ସୃଷ୍ଟି ହୋଇଛି କହିଲେ ଅତ୍ୟୁକ୍ତି ହେବନି।
