ଆମେରିକା ଓ ଇସ୍ରାଏଲ ପରେ, ଯୁଦ୍ଧରେ ସାମିଲ ହେଲା NATO ? ମାରି ଖସାଇଲା ଏୟାର ଡିଫେନ୍ସ

ନୂଆଦିଲ୍ଲୀ ୦୫/୦୩: ମିଡିଲ ଇଷ୍ଟ ମହାୟୁଦ୍ଧରେ ଏଣ୍ଟ୍ରି କରିଛ ନାଟୋ । ତୁର୍କୀ ବୁଧବାର ଘୋଷଣା କରିଛି ଯେ ନାଟୋ ବାୟୁ ପ୍ରତିରକ୍ଷା ପ୍ରଣାଳୀ ତୁର୍କୀ ବାୟୁମଣ୍ଡଳ ଆଡକୁ ଆସୁଥିବା ଏକ ଇରାନୀ ବାଲିଷ୍ଟିକ୍ କ୍ଷେପଣାସ୍ତ୍ରକୁ ଖସାଇ ଦେଇଛି । ଏହା ପ୍ରଥମ ଥର ପାଇଁ ଯେ କୌଣସି ନାଟୋ ସଦସ୍ୟ ଦେଶ ଇରାନ ଓ ଆମେରିକା- ଇସ୍ରାଏଲ ମଧ୍ୟରେ ଚାଲିଥିବା ସଂଘର୍ଷରେ ସିଧାସଳଖ ସାମିଲ ହୋଇଛି।

ଇରାନର ପଡ଼ୋଶୀ ତୁର୍କୀ ଯୁଦ୍ଧ ଆରମ୍ଭ ହେବା ପୂର୍ବରୁ ଆମେରିକା-ଇରାନ ମଧ୍ୟରେ ମଧ୍ୟସ୍ଥତା କରିବାକୁ ଚେଷ୍ଟା କରୁଥିଲା । ଏହି ଘଟଣା ପରେ, ତୁର୍କୀ ସମସ୍ତ ପକ୍ଷଙ୍କୁ ଏପରି କାର୍ଯ୍ୟରୁ ନିବୃତ୍ତ ରହିବାକୁ ଚେତାବନୀ ଦେଇଛି ଯାହା ଉତ୍ତେଜନାକୁ ଆହୁରି ବୃଦ୍ଧି କରିପାରେ। ଯଦି ତୁର୍କୀର ବାୟୁସୀମା ଉଲ୍ଲଂଘନ ହୁଏ ତେବେ ତୁର୍କୀ କ'ଣ କରିବ ବୋଲି ପ୍ରଶ୍ନ ବି ଉଠୁଛି ?

​​​​​​​

ତୁର୍କୀ ଏପର୍ଯ୍ୟନ୍ତ ନାଟୋକୁ ଆନୁଷ୍ଠାନିକ ଭାବରେ ସାମରିକ ସହାୟତା ଅନୁରୋଧ କରିନାହିଁ । କିନ୍ତୁ କୁହାଯାଉଛି ଯେ ଯଦି ବାୟୁସୀମା ଉଲ୍ଲଂଘନ ଗୁରୁତର ହୁଏ, ତେବେ ଆଙ୍କାରା ନାଟୋର ଧାରା ୪ ଲାଗୁ କରିବ। ଯଦି ଉତ୍ତେଜନା ବୃଦ୍ଧି ପାଏ, ତେବେ ଏହା ଧାରା ୫ ପର୍ଯ୍ୟନ୍ତ ମାତ୍ରା ପାଇପାରେ । ଯାହା ସମସ୍ତ ସଦସ୍ୟ ରାଷ୍ଟ୍ରଙ୍କୁ ତୁର୍କୀକୁ ରକ୍ଷା କରିବାକୁ ବାଧ୍ୟ କରେ।

ନାଟୋର ଜଣେ ମୁଖପାତ୍ର ଇରାନ ଦ୍ୱାରା ତୁର୍କୀକୁ ଟାର୍ଗେଟ କରିବା ଘଟଣାକୁ ନିନ୍ଦା କରିଛନ୍ତି । ସେ କହିଛନ୍ତି ଯେ ନାଟୋ ତାର ସମସ୍ତ ସହଯୋଗୀଙ୍କ ସହିତ ଦୃଢ଼ ଭାବରେ ଠିଆ ହୋଇଛି। ନାଟୋ ମେଣ୍ଟରେ ତୁର୍କୀର ଦ୍ୱିତୀୟ ବୃହତ୍ତମ ସାମରିକ ଶକ୍ତି ଅଛି।

also read..

ଯୁଦ୍ଧକୁ ନେଇ ନିଜକୁ ମାର୍କ୍ ଦେଲେ ଟ୍ରମ୍ପ୍, କହିଲେ-ଆମେରିକା ମଜବୁତ ସ୍ଥିତିରେ ଅଛି