ଚଣ୍ଡିଗଡ଼ ୧୮।୦୪ : ଆଇପିଏଲ୍ର ୧୭ ତମ ସଂସ୍କରଣ । ଗୁରୁବାର ଦିନ ଟୁର୍ଣ୍ଣାମେଣ୍ଟରେ ଖେଳାଯିବ ୩୨ ତମ ମୁକାବିଲା । ଚଣ୍ଡିଗଡ଼ର କ୍ରିକେଟ୍ ଷ୍ଟାଡିୟମ୍ରେ ସାମ୍ନାସାମ୍ନି ହେବ ପଞ୍ଜାବ କିଙ୍ଗସ ଏବଂ ମୁମ୍ବାଇ ଇଣ୍ଡିଆନ୍ସ । ରାତି ୭ଟା ୩୦ ମିନିଟ୍ରେ ଖେଳାଯିବ ଏହି ମ୍ୟାଚ୍ । ଉଭୟ ଟିମ୍ ପାଇଁ ବିଜୟୀ ଜରୁରୀ ରହିଛି ।
ବର୍ତ୍ତମାନ ଯାଏଁ ଚଳିତ ଆଇପିଏଲ୍ ଟୁର୍ଣ୍ଣାମେଣ୍ଟରେ ପଞ୍ଜାବ କିଙ୍ଗସ୍ ୬ଟି ମୁକାବିଲା ଖେଳିସାରିଛି । ଯେଉଁଥିରୁ ୨ଟି ବିଜୟୀ ହୋଇଥିବା ବେଳେ ୪ଟିରେ ପରାଜୟର ସାମ୍ନା କରିବାକୁ ପଡିଛି । ମୋଟ ୪ ଅଙ୍କ ସହ ପଏଣ୍ଟ ଟେବୁଲ୍ରେ ୮ମ ସ୍ଥାନରେ ରହିଛି । ଟିମ୍ ଉଭୟ ବ୍ୟାଟିଂରେ ଦମ୍ଦାର ଥିଲେ ମଧ୍ୟ ଠିକଣା ସମୟରେ ସଠିକ୍ ବୋଲିଂ କରିପାରୁନାହାନ୍ତି ବୋଲର । ଦଳରେ ବହୁ ଅଭିଜ୍ଞ ବୋଲର ଥିଲେ ମଧ୍ୟ ଆଖିଦୃଶିଆ ପ୍ରଦର୍ଶନ କରିପାରିନାହିଁ । ତେଣୁ ଆଜିର ମ୍ୟାଚ୍ ମୁମ୍ବାଇ ଇଣ୍ଡିଆନ୍ସକୁ କଡ଼ା ଟକ୍କର ଦେବାକୁ ଲକ୍ଷ୍ୟ ରଖିଛି ପଞ୍ଜାବ । ତେବେ ଦେଖାଯାଉ ଟିମ୍ କିପରି ପ୍ରଦର୍ଶନ କରୁଛି ।
ସେହିପରି ଚଳିତ ଆଇପିଏଲ୍ରେ ଏବେ ଯାଏଁ ମୁମ୍ବାଇ ଇଣ୍ଡିଆନ୍ସ ୬ଟି ମୁକାବିଲା ଖେଳିସାରିଛି । ଯେଉଁଥିରୁ ୨ଟିରେ ବିଜୟୀ ହୋଇଥିବା ବେଳେ ୪ଟି ପରାଜୟର ସାମ୍ନା କରିଛି । ଦଳ ଦମ୍ଦାର ଥିଲେ ମଧ୍ୟ ପ୍ରାରମ୍ଭରୁ ମ୍ୟାଚ୍ ହାରିଥିଲା ଦଳ । ୪ ପଏଣ୍ଟ ସହ ଦଳ ୯ମ ସ୍ଥାନରେ ରହିଛି ମୁମ୍ବାଇ ଇଣ୍ଡିଆନ୍ସ । ଦଳ ସବୁଠୁ ଶକ୍ତିଶାଳୀ ବିଭାଗ ରହିଛି ବ୍ୟାଟିଂ ଲାଇନ୍ ଅପ୍ । ତେଣୁ କୌଣସି ବି ବିରୋଧୀ ଟିମ୍କୁ ଚକ୍ମା ଦେବାରେ ମାହିର ମୁମ୍ବାଇ । ତେବେ ଦେଖାଯାଉ ଆଜିର ମ୍ୟାଚ୍ରେ କିପରି ଖେଳ ପ୍ରଦର୍ଶନ କରୁଛି ମୁମ୍ବାଇ ଇଣ୍ଡିଆନ୍ସ ।
ସୂଚନାଯୋଗ୍ୟ ଯେ, ରାଜସ୍ଥାନ ରୟାଲ୍ସ ବର୍ତ୍ତମାନ ଯାଏଁ ୭ଟି ମୁକାବିଲା ଖେଳିଛି । ଯେଉଁଥିରେ ୬ଟି ମ୍ୟାଚ୍ରେ ବିଜୟୀ ହୋଇଛି । ମୋଟ ୧୨ ଅଙ୍କ ସହ ପଏଣ୍ଟ ଟେବୁଲ୍ରେ ପ୍ରଥମ ସ୍ଥାନରେ ରହିଛି । ଏହାପଛକୁ ରହିଛି କୋଲକାତା ନାଇଟ୍ ରାଇଡର୍ସ । ଦଳ ଏବେ ଯାଏଁ ୬ଟି ମୁକାବିଲା ଖେଳି ୪ଟିରେ ବିଜୟୀ ହୋଇଛି । ମୋଟ ୮ ଅଙ୍କ ପଏଣ୍ଟ ଟେବୁଲ୍ର ୨ୟ ସ୍ଥାନରେ ରହିଛି । ସେହିପରି ତୃତୀୟ ସ୍ଥାନରେ ରହିଛି ଚେନ୍ନାଇ ସୁପର କିଙ୍ଗସ୍ । ମୋଟ ୬ଟି ମ୍ୟାଚ୍ରେ ୪ଟି ବିଜୟ ସହ ୮ ଅଙ୍କ ପାଇଛି ଚେନ୍ନାଇ ସୁପର କିଙ୍ଗସ । ବାକି ସନରାଇଜର୍ସ ହାଇଦ୍ରାବାଦ୍ ଟିମ୍ ୮ ପଏଣ୍ଟ ପାଇ ୪ର୍ଥ ସ୍ଥାନରେ ରହିଛି । ହାଇଦ୍ରାବାଦ୍ ଟିମ୍ ୬ଟି ମ୍ୟାଚ୍ରେ ୪ଟି ବିଜୟୀ ହାସଲ କରିଛି ।
