ମୁମ୍ୱାଇ : ଆଇପିଏଲ ୨୦୨୫ର ଫାଇନାଲରେ ପଞ୍ଜାବ କିଙ୍ଗସର ଟିମ୍କୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ହାତରେ ପରାଜୟର ସାମ୍ନା କରିବାକୁ ପଡ଼ିଛି। ଏହି ପରାଜୟର ତିନି ଦିନ ପରେ ଟିମ୍ର କୋ-ଓନର ତଥା ବଲିଉଡ୍ ଅଭିନେତ୍ରୀ ପ୍ରୀତି ଜିଣ୍ଟା ସୋସିଆଲ ମିଡ଼ିଆରେ ଏକ ଇମୋସନାଲ ପୋଷ୍ଟ ସେୟାର କରିଛନ୍ତି। ସେ ନିଜର ଟିମ୍ , ସପୋର୍ଟ ଷ୍ଟାଫ୍ ଓ ପ୍ରଶଂସକଙ୍କୁ ହୃଦୟତାର ସହ ଧନ୍ୟବାଦ ଜଣାଇଛନ୍ତି ଏବଂ ପ୍ରତିଶ୍ରୁତି ଦେଇଛନ୍ତି ଯେ, ଆଗାମୀ ଥର ତାଙ୍କ ଟିମ୍ ଟ୍ରଫି ଜିତିବା ପାଇଁ ନିଶ୍ଚୟ ଫେରିବ।
ପ୍ରୀତି ଇନଷ୍ଟାଗ୍ରାମ୍ରେ ଟିମ୍ର ଏକ ଫଟୋ ସେୟାର କରି ଲେଖିଛନ୍ତି, ଯେମିତି ଆମେ ଚାହୁଁ ଥିଲୁ , ସେମିତି ଶେଷ ହେଲା ନାହିଁ , କିନ୍ତୁ ଯାତ୍ରା ଖୁବ୍ ଭଲ ରହିଥିଲା। ଏହା ଏକ ରୋମାଞ୍ଚକର, ପ୍ରେରଣାଦାୟୀ ଓ ମନୋରଞ୍ଜନପୂର୍ଣ୍ଣ ସିଜନ ଥିଲା। ମୁଁ ଆମର ୟଙ୍ଗ ଟିମକୁ ନେଇ ଖୁବ୍ ଗର୍ବିତ। ଆମର ସିଂହମାନେ ପୂରା ଟୁର୍ଣ୍ଣାମେଣ୍ଟରେ ଯେଉଁ ସାହସ ଓ ଉତ୍କଣ୍ଠାର ସହ ଖେଳିଲେ, ତାହା ବାସ୍ତବିକ୍ ପ୍ରଶଂସନୀୟ।
ସେ ନିଜ ଟିମ୍ର ଅଧିନାୟକଙ୍କୁ ସରପଞ୍ଚ କହି ତାଙ୍କର ପରିଚାଳନାର ପ୍ରଶଂସା କରିଛନ୍ତି। ପ୍ରୀତି ସିଜନ ବେଳେ ଆସିଥିବା ମୁସ୍କିଲକୁ ମଧ୍ୟ ମନେପକାଇଛନ୍ତି, ଯେଉଁଥିରେ ଖେଳାଳିଙ୍କୁ ଆଘାତ ଲାଗିବା , ଭାରତ ପାକିସ୍ତାନ ମଧ୍ୟରେ ହୋଇଥିବା ଯୁଦ୍ଧ କାରଣରୁ ଆଇପିଏଲ ବାତିଲ ହେବା , ଟୁର୍ଣ୍ଣାମେଣ୍ଟରେ ହଠାତ୍ ବ୍ରେକ୍ ଆସିବା , ହୋମ୍ ଗ୍ରାଉଣ୍ଡର ପରିବର୍ତ୍ତନ ଓ ଷ୍ଟାଡିୟମକୁ ଖାଲି କରାଇବା ସାମିଲ ଥିଲା। ଆମେ ପ୍ରତି ଚ୍ୟାଲେଞ୍ଜର ସାମ୍ନା କଲୁ ଏବଂ ଗୋଟିଏ ଦଶକ ପରେ ପଏଣ୍ଟସ ଟେବୁଲରେ ଟପ୍ କଲୁ। ଫାଇନାଲ ଯାଏ ପହଞ୍ଚିବା କୌଣସି ବିଜୟ ଠାରୁ କମ୍ ନୁହେଁ।
It didn’t end the way we wanted it to but….the journey was spectacular ! It was exciting, entertaining & it was inspiring. I loved the fight & the grit our young team, our shers showed throughout the tournament. I loved the way our captain, our Sarpanch lead from the front &… pic.twitter.com/kUtRs908aS
— Preity G Zinta (@realpreityzinta) June 6, 2025
ଶେଷରେ ପ୍ରୀତି ପିବିକେଏସ୍ର ପ୍ରଶଂସକଙ୍କୁ ‘ଶେର୍ ସ୍କାଡ୍’ କହି ଧନ୍ୟବାଦ କହି ଥିଲେ ଏବଂ ଲେଖି ଥିଲେ , ଯାହା କିଛି ବି ଅଛି, ଯେଉଁଠି ବି ପହଞ୍ଚିଛୁ , ତାହା ସବୁ ଆପଣଙ୍କ ଭଲ ପାଇବା ଓ ସପୋର୍ଟ କାରଣରୁ। ଆଗାମୀ ଥର ଆମେ କାମ ପୂରା କରି ଫେରିବୁ , କାରଣ ଏହି ଥର କାମ ଅଧୁରା ରହିଗଲା। ସେପର୍ଯ୍ୟନ୍ତ ସୁରକ୍ଷିତ ରୁହନ୍ତୁ , ଭଲ ପାଇବା ପଠାଉଛି ସମସ୍ତଙ୍କ ପାଖକୁ।
