ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମରିସସ୍ର ରାଷ୍ଟ୍ରୀୟ ଦିବସ ସମାରୋହରେ ସାମିଲ ହେବେ । ସାପ୍ତାହିକ ବ୍ରିଫିଂରେ ବୈଦେଶିକ ମନ୍ତ୍ରଣାଳୟ କହିଛି ଯେ ପିଏମ୍ ମୋଦୀ ମୁଖ୍ୟ ଅତିଥି ଭାବେ ମାସରୋହରେ ସାମିଲ ହେବେ । ଏଥିପାଇଁ ସେ ମାର୍ଚ୍ଚ ୧୧-୧୨ରେ ମରିସସ୍ ଗସ୍ତ କରିବେ । ଏହାସହ ଭାରତୀୟ ସେନାର ଏକ ୟୁନିଟ୍ ମିରସସର ରାଷ୍ଟ୍ରୀୟ ଦିବସ ସମାରୋହରେ ଅଂଶଗ୍ରହଣ କରିବ ।
#WATCH | Delhi | MEA spokesperson Randhir Jaiswal says, "PM Modi will be in Mauritius on the 11th and 12th, 2025, to attend the National Day celebrations of Mauritius, which falls on the 12th of March as the chief guest. A contingent of Indian Defence Forces will participate in… pic.twitter.com/vhs0SW8jBW
— ANI (@ANI) March 7, 2025
ବୈଦେଶିକ ମନ୍ତ୍ରଣାଳୟ ମୁଖ୍ୟପାତ୍ର ରଣଧୀର ଜୈସ୍ୱାଲ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ମୁଖ୍ୟ ଅତିଥି ଭାବେ ମରିସସ୍ ରାଷ୍ଟ୍ରୀୟ ଦିବସରେ ଯୋଗ ଦେବେ । ସମାରୋହରେ ଭାରତୀୟ ନୌସେନାର ଏକ ଜାହାଜ ସହ ଭାରତୀୟ ପ୍ରତିରକ୍ଷା ବଳର ଏକ ୟୁନିଟ୍ ସାମିଲ ହେବ । ଏହି ଗସ୍ତରେ ସେ ମରିସସ୍ ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କୁ ଭେଟି ଦ୍ୱିପାକ୍ଷିକ ପ୍ରସଙ୍ଗରେ ଆଲୋଚନା କରିବେ ।
ଆମେରିକା ସହ ବହୁକ୍ଷେତ୍ରୀୟ ଦ୍ୱିପାକ୍ଷିକ ବାଣିଜ୍ୟ ବୁଝାମଣା
ରଣଧୀର ଜୈସ୍ୱାଲ କହିଛନ୍ତି ଯେ ୨୦୨୫ ଫେବ୍ରୁଆରୀରେ ପ୍ରଧାନମନ୍ତ୍ରୀଙ୍କ ଆମେରିକା ଗସ୍ତ ବେଳେ ଭାରତ-ଆମେରିକା ଲାଭକାରୀ ବହୁ-କ୍ଷେତ୍ରୀୟ ଦ୍ୱିପାକ୍ଷିକ ବାଣିଜ୍ୟ ବୁଝାମଣା (ବିଟିଏ) ଉପରେ ଆଲୋଚନା କରିବା ଘୋଷଣା କରିଛନ୍ତି । ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ଆମେରିକାରେ ଥିଲେ ଏବଂ ସେ ନିଜ ସମକକ୍ଷଙ୍କୁ ଭେଟିଥିଲେ । ଉଭୟ ସରକାର ବିଟିଏ ଉପରେ ଚର୍ଚ୍ଚାକୁ ଆଗକୁ ବଢାଇବା ପ୍ରକ୍ରିୟାରେ ଅଛନ୍ତି । ଏହି ବୁଝାମଣା ଜରିଆରେ ଦ୍ରବ୍ୟ ଓ ସେବା କ୍ଷେତ୍ରରେ ଭାରତ-ଆମେରିକାର ଦ୍ୱିପାକ୍ଷିକ ବାଣିଜ୍ୟକୁ ଅଧିକ ମଜଭୁତ ଓ ଗଭୀର କରିବା ।
