CCS ବୈଠକରେ ନେପାଳ ହିଂସା ଉପରେ ଚର୍ଚ୍ଚା, ପିଏମ୍ ମୋଦୀ କହିଲେ-ପଡ଼ୋଶୀ ଦେଶରେ ହିଂସା ହୃଦୟବିଦାରକ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁରକ୍ଷା ସମ୍ୱନ୍ଧିତ କ୍ୟାବିନେଟ୍ କମିଟି ବୈଠକରେ ନେପାଳ ହିଂସା ଉପରେ ବିସ୍ତୃତ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ମୋଦୀ ନେପାଳ ହିଂସାକୁ ହୃଦୟବିଦାରକ ବୋଲି କହିଛନ୍ତି । ପଡୋଶୀ ଦେଶରେ ସ୍ଥିରତା, ଶାନ୍ତି ଓ ସମୃଦ୍ଧି ଆମ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି ।

ପିଏମ୍ ମୋଦୀ ଏକ୍ସରେ ଲେଖିଛନ୍ତି, ଆଜି ହିମାଚଳ ପ୍ରଦେଶ ଓ ପଞ୍ଜାବ ଗସ୍ତରୁ ଫେରିବା ପରେ କ୍ୟାବିନେଟ୍ ସୁରକ୍ଷା କମିଟି ବୈଠକରେ ନେପାଳ ଘଟଣାକ୍ରମକୁ ନେଇ ବିସ୍ତୃତରେ ଆଲୋଚନା ହୋଇଛି । ନେପାଳରେ ହୋଇଥିବା ହିଂସା ହୃଦୟବିଦାରକ । ଅନେକ ପିଲାଙ୍କ ଏଥିରେ ଜୀବନ ଯାଇଥିବା ଖବର ଅତ୍ୟନ୍ତ ଯନ୍ତ୍ରଣାଦାୟକ । ନେପାଳର ସ୍ଥିରତା, ଶାନ୍ତି ଓ ସମୃଦ୍ଧି ଆମ ପାଇଁ ଆତ୍ୟନ୍ତ ଗୁରୁତ୍ୱପୂର୍ଣ୍ଣ । ଶାନ୍ତି ବ୍ୟବସ୍ଥା ବଜାୟ ରଖିବା ପାଇଁ ମୁଁ ମୋର ନେପାଳର ସମସ୍ତ ଭାଇ-ଭଉଣୀଙ୍କୁ ନିବେଦନ କରୁଛି ।

आज हिमाचल प्रदेश और पंजाब के दौरे से लौटने के बाद Cabinet Committee on Security की बैठक में नेपाल के घटनाक्रम को लेकर विस्तार से चर्चा हुई। नेपाल में हुई हिंसा हृदयविदारक है। यह जानकर बहुत पीड़ा हुई कि इसमें अनेक युवाओं की जान गई है। नेपाल की स्थिरता, शांति और समृद्धि हमारे लिए…

— Narendra Modi (@narendramodi) September 9, 2025

ସେପଟେ ନେପାଳର ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କ ଇସ୍ତଫାର କିଛି ଘଣ୍ଟା ପରେ, ନେପାଳ ସେନା ରାତି ୧୦ଟାରୁ ଦେଶର ସୁରକ୍ଷା ଦାୟିତ୍ୱ ନେବ ବୋଲି ଘୋଷଣା କରିଛି । ଜନସମ୍ପର୍କ ଏବଂ ସୂଚନା ନିର୍ଦ୍ଦେଶାଳୟ ଦ୍ୱାରା ଜାରି ଏକ ବିବୃତ୍ତିରେ ସେନା କଡ଼ା ଚେତାବନୀ ଦେଇଛି । କିଛି ଗୋଷ୍ଠୀ ଏହି କଷ୍ଟକର ପରିସ୍ଥିତିର ସୁଯୋଗ ନେଉଛନ୍ତି ଓ ସାଧାରଣ ନାଗରିକ ଏବଂ ସାର୍ବଜନୀନ ସମ୍ପତ୍ତିକୁ କ୍ଷତି ପହଞ୍ଚାଉଛନ୍ତି । ସେନା ଏହା ମଧ୍ୟ କହିଛି ଯେ ଯଦି ଅଶାନ୍ତି ଜାରି ରହେ, ତେବେ ସେନା ଏବଂ ସମସ୍ତ ସୁରକ୍ଷା ସଂସ୍ଥା ସକ୍ରିୟ ହେବ । ହିଂସା କାର୍ଯ୍ୟରେ ସାମିଲ ନହେବା ପାଇଁ ନାଗରିକମାନଙ୍କୁ ଅପିଲ୍ କରାଯାଇଛି ।