ସାଙ୍ଗର ସ୍ଵାମୀଙ୍କୁ ବିବାହ କରିଥିଲେ ଅଭିନେତ୍ରୀ ହଂସିକା, ୩ ବର୍ଷ ପରେ ସମ୍ପରେ ପଡିଲା ଫାଟ

ନୂଆଦିଲ୍ଲୀ ୨୩।୧୦; ସାଉଥ ଅଭିନେତ୍ରୀ ହଂସିକା ମୋଟୱାନି । ସେ ୨୦୨୨ରେ ବିଜନେସ୍‌ମ୍ୟାନ ସୋହେଲ କଠୁରିଆଙ୍କୁ ବିବାହ କରିଥିଲେ । ହେଲେ ବିବାହର ୩ ବର୍ଷ ପରେ ଦୁହିଁଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା । ଅନେକ ରିପୋର୍ଟରେ ଦାବି କରାଯାଇଛି କି ହଂସିକାଙ୍କ ସ୍ଵାମୀ ଓ ଶାଶୁଘର ଲୋକେ ଆଡଜଷ୍ଟ କରିପାରୁ ନାହାନ୍ତି । ଏହି କାରଣରୁ ସେ ଶାଶୁ ଘର ଛାଡି ବାପ ଘରକୁ ଚାଲି ଆସିଛନ୍ତି। ଏନେଇ ଅଭିନେତ୍ରୀ ଏପର୍ଯ୍ୟନ୍ତ ଛାଡପତ୍ର ଖବରରେ ଚୁପ ରହିଛନ୍ତି ।

ହେଲେ ଏତେ ସବୁ ଖବର ଆସିବା ପରେ  ତାଙ୍କ ଆକ୍ଟିଭିଟିଜ୍‌ କହୁଛି ଯେ ସେ ବିବାହରୁ ବୋଧ ହୁଏ ଅଲଗା ହୋଇଯାଇଛନ୍ତି। କାହିଁକି ନା ହଂସିକା ଦୀପାବଳୀରେ ଏକୁଟିଆ ନିଜର ଫଟୋ ସେୟାର କରିଛନ୍ତି । ପୂଜା ସମୟରେ ତାଙ୍କ ଏକୁଟିଆ ଦେଖି ଫ୍ୟାନ୍ସ ନାନା କଳ୍ପନା ଜଳ୍ପନା କରୁଛନ୍ତି କି ସେ ସ୍ଵାମୀଙ୍କ ଠାରୁ ଅଲଗା ହୋଇଯାଇଛନ୍ତି। ସେତିକି ହିଁ ନୁହେଁ ଇନଷ୍ଟାଗ୍ରାମରେ ମଧ୍ୟ ଦୁହେଁ ଦୁହିଁଙ୍କୁ ଅନଫଲୋ କରି ଦେଇଛନ୍ତି। ଯାହାପରେ ଚର୍ଚ୍ଚା ଆହୁରି ବଢିଯାଇଥିଲା ।

ୟୁଜର୍ସ ଅଭିନେତ୍ରୀଙ୍କ ବୈବାହିକ ଜୀବନକୁ ନେଇ ନିଜର ମନ୍ତବ୍ୟ ଦେଉଛନ୍ତି। କିଛି ଲୋକ ତ ଅଭିନେତ୍ରୀଙ୍କୁ ନେଇ ଚିନ୍ତିତ ଥିବା ବେଳେ ଅନେକ ତାଙ୍କ ଟ୍ରୋଲ ମଧ୍ୟ କରୁଛନ୍ତି। ସେମାନଙ୍କ କହିବା ଅନୁସାରେ ହଂସିକାଙ୍କୁ  ନିଜ କର୍ମର ଫଳ ମିଳୁଛି । କମେଣ୍ଟରେ କହୁଛନ୍ତି କି- ସେ ତାଙ୍କ ସାଙ୍ଗର ଘର ଭାଙ୍ଗିଛନ୍ତି ଏବେ ତାଙ୍କ ଘର ଭାଙ୍ଗୁଛି। ସୋହେଲ ପୂର୍ବରୁ ରିଙ୍କି ବଜାଜଙ୍କୁ ବିବାହ କରିଥିଲେ । ରିଙ୍କି ଓ ହଂସିକା ବହୁତ ଭଲ ବନ୍ଧୁ ଥିଲେ । ସୋହେଲ ରିଙ୍କିଙ୍କୁ ଛାଡପତ୍ର ଦେଇ ହଂସିକାଙ୍କୁ ବିବାହ କରିଥିଲେ ।