ବିବାହିତ ମହିଳାଙ୍କ ସହ କରୁଥିଲେ ପ୍ରେମ ସଂପର୍କ, ଗାଁରେ ବସିଲା କଙ୍ଗାରୁକୋର୍ଟ

ବାରିପଦା ୧୯।୧୨ : ଆଇନ୍କୁ ପୁଣି ବେଖାତିର । ପୁଣି ଥରେ ବସିଲା କଙ୍ଗାରୁ କୋର୍ଟ । ପ୍ରେମୀ ଯୁଗଳଙ୍କୁ ଗଛରେ ବାନ୍ଧି କଙ୍ଗାରୁକୋର୍ଟ । ଯାହାର ଫଟୋ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି । ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷୀ ଥାନା ଏକ ଗାଁରୁ ଆସିଛି ଏପରି ଅଭାବନୀୟ ଘଟଣା ।

ତେବେ ଗଛରେ ବନ୍ଧା ହୋଇଥିବା ଝିଅଟି ଜଣେ ବିବାହିତ ମହିଳା । ସେ ତାଙ୍କ ପୁରୁଷ ବନ୍ଧୁଙ୍କ ସହ ଦୁଇ ଦିନ ଧରି ପଳାଇଥିଲେ । ଏହାପରେ ଗ୍ରାମବାସୀ ତାଙ୍କୁ ଧରି ଆଣି ଗାଁରେ କଙ୍ଗାରୁ କୋର୍ଟ ବସାଇଥିଲେ । ଯେଉଁଥିରେ ଉଭୟଙ୍କୁ ଗଛରେ ବାନ୍ଧି ବିଚାର କରିଥିଲେ । ସେପଟେ ଏସଂପର୍କରେ ଖବର ପାଇ ବାଙ୍ଗିରିପୋଷି ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ପୁରୁଷ ଏବଂ ମହିଳାଙ୍କୁ ଉଦ୍ଧାର କରି ଥାନାକୁ ନେଇ ଆସିଥିଲେ । ପୋଲିସ ପକ୍ଷରୁ ଉଭୟଙ୍କ ପରିବାରକୁ ଥାନାକୁ ଡ଼କାଇ ପଚରାଉଚରା କରାଯାଉଛି। ଥାନାରେ ଉଭୟ ମହିଳା ଏବଂ ପୁରୁଷଙ୍କ ଆଡୁ କୈଣସି ଅଭିଯୋଗ ହୋଇନଥିବା ବାଙ୍ଗିରିପୋଷି ଆଇଆଇସି କହିଛନ୍ତି। ଏହା ସମ୍ପୂର୍ଣ୍ଣ ବେଆଇନ ଘଟଣା । ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ କହିଛନ୍ତି ବାଙ୍ଗିରିପୋଷି ଆଇଆଇସି ବୀରେନ୍ଦ୍ର ସେନାପତି।