ନୂଆଦିଲ୍ଲୀ: ଫୁଲେ ସିନେମାକୁ ନେଇ ବ୍ରାହ୍ଣଣଙ୍କ ଉପରେ ବିବାଦୀୟ ବୟାନ ଦେଇଥିବା ଅଭିନେତା ଓ ନିର୍ଦ୍ଦେଶକ ଅନୁରାଗ କଶ୍ୟପ କ୍ଷମାପ୍ରାର୍ଥନା କରିଛନ୍ତି। ଶୁକ୍ରବାର ରାତିରେ ଏନେଇ ସେ ତାଙ୍କ ଇନଷ୍ଟଗ୍ରାମରେ ପୋଷ୍ଟ କରି କ୍ଷମାପ୍ରାର୍ଥନା କରିଛନ୍ତି। କୌଣସି ବୟାନ ନିଜ ଘର ପରିବାର, ଝିଅ ଓ ବନ୍ଧୁଙ୍କ ଠାରୁ ବଡ଼ ନୁହେଁ ବୋଲି ଅନୁରାଗ କହିଛନ୍ତି। ଏହା ପୂର୍ବରୁ ଫିଲ୍ମ ବିବାଦ ନେଇ ଅନୁରାଗ ଏକ ବିବାଦୀୟ ବୟାନ ଦେଇଥିଲେ। ଯେଉଁଥିରେ ସେ କହିଥିଲେ ସେ ବ୍ରାହ୍ଣଣଙ୍କ ଉପରେ ପରିସ୍ରା କରିଦେବେ। ଯାହାକୁ ନେଇ ତାଙ୍କ ବିରୋଧରେ ଏକ ମାମଲା ଦାୟର ହୋଇଛି।
ଅନୁରାଗ ଇନଷ୍ଟାରେ କ୍ଷମା ପ୍ରାର୍ଥନା କରି ଲେଖିଛନ୍ତି “ଏହା ମୋର କ୍ଷମା ପ୍ରାର୍ଥନା, ମୋ ପୋଷ୍ଟ ପାଇଁ ନୁହେଁ, ବରଂ ପ୍ରସଙ୍ଗରୁ ଉଠାଯାଇଥିବା ଗୋଟିଏ ଧାଡି ଏବଂ ଘୃଣା ସୃଷ୍ଟି କରୁଥିବା ପାଇଁ। କୌଣସି କାର୍ଯ୍ୟ କିମ୍ବା ଭାଷଣ ଆପଣଙ୍କ ଝିଅ, ପରିବାର, ବନ୍ଧୁ ଏବଂ ସହକର୍ମୀଙ୍କୁ ଠାରୁ ଏତେ ମୂଲ୍ୟବାନ ନୁହେଁ ଯେ ଯାହାଦ୍ୱାରା ସଂସ୍କାରର ମହାନାୟକମାନଙ୍କଠାରୁ ବଳାତ୍କାର ଏବଂ ମୃତ୍ୟୁ ଧମକ ମିଳିବ। ତେଣୁ, ଯାହା କୁହାଯାଇଛି ତାହା ଫେରସ୍ତ କରାଯାଇପାରିବ ନାହିଁ - ଏବଂ ମୁଁ ଏହାକୁ ଫେରସ୍ତ କରିବି ନାହିଁ। କିନ୍ତୁ ଯଦି ଆପଣ କାହାକୁ ଦୁର୍ବ୍ୟବହାର କରିବାକୁ ଚାହୁଁଛନ୍ତି ତେବେ ମୋତେ କରନ୍ତୁ। ମୋ ପରିବାର କିଛି କହି ନାହିଁ କେ ସେମାନେ କିଛି କୁହନ୍ତି ନାହିଁ।”
ସେ ଆହୁରି ଲେଖିଛନ୍ତି “ତେଣୁ, ଯଦି ତୁମେ ଏକ କ୍ଷମା ପ୍ରାର୍ଥନା ଚାହୁଁଛି, ତେବେ ଏହା କେବଳ ମୋର କ୍ଷମା ପ୍ରାର୍ଥନା। ବ୍ରାହ୍ମଣମାନେ, ଦୟାକରି ମହିଳାମାନଙ୍କୁ ଛାଡ଼ି ଦିଅ- ଏତିକି ସଂସ୍କାର ଶାସ୍ତ୍ରରେ ବି ରହିଛି କେବଳ ମନୁସ୍ମୃତି ଛ।ଡ଼ିଦେଲେ। ତୁମେ ପ୍ରକୃତରେ କେଉଁ ପ୍ରକାରର ବ୍ରାହ୍ମଣ ତାହା ନିଜେ ନିଷ୍ପତ୍ତି ନିଅ। ବାକି ମୋ ତରଫରୁ ମୁଁ କ୍ଷମା ପ୍ରାର୍ଥନା କରୁଛି।”
ପ୍ରତୀକ ଗାନ୍ଧୀ ଏବଂ ପତ୍ରଲେଖା ଅଭିନୀତ 'ଫୁଲେ' ସିନେମାକୁ ନେଇ ଏହିସବୁ ବିବାଦ ହୋଇଛି। ଏହି ସିନେମାଟି ଏକ ବାୟୋପିକ। ୧୯ ଶତାବ୍ଦୀର ଭାରତରେ ଜାତି ଏବଂ ଲିଙ୍ଗ ଅସମାନତାକୁ ଚ୍ୟାଲେଞ୍ଜ କରିବାରେ ଫୁଲେ ଦମ୍ପତିଙ୍କ ବିପ୍ଳବ ଦର୍ଶାଯାଇଛି। ଏହା ପ୍ରଥମେ ଏପ୍ରିଲ ୧୧ ତାରିଖରେ ମୁକ୍ତିଲାଭ କରିବାର ଯୋଜନା ଥିଲା। ଅଖିଳ ଭାରତୀୟ ବ୍ରାହ୍ମଣ ସମାଜ ଏବଂ ପର୍ଶୁରାମ ଆର୍ଥିକ ବିକାଶ ମହାମଣ୍ଡଳ ଚଳଚ୍ଚିତ୍ରର ବିଷୟବସ୍ତୁ ଉପରେ ଆପତ୍ତି ଉଠାଇଥିଲେ। ଏହାପରେ ସେନ୍ସର ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (CBFC) ଏଥିରେ ପରିବର୍ତ୍ତନ ପ୍ରସ୍ତାବ ଦେଇଥିଲା, ଯାହାକୁ ନିର୍ମାତାମାନେ ଏଥିରେ ପରିବର୍ତ୍ତନ କରିଥିଲେ। ନିର୍ମାତାମାନେ ଚଳଚ୍ଚିତ୍ରକୁ ଦୁଇ ସପ୍ତାହ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି। ଏହି ସମୟ ମଧ୍ୟରେ ଲୋକମାନେ ଆଲୋଚନା କରି ଚଳଚ୍ଚିତ୍ରରେ ଆପତ୍ତିଜନକ ବିଷୟବସ୍ତୁ ଅଛି ନାହିଁ କହିବାକୁ ଫିଲ୍ମ କର୍ତ୍ତୃପକ୍ଷ ଅପେକ୍ଷା କରିଛନ୍ତି।
