ଭୁବନେଶ୍ବର ୧୯।୩: ଲୋକସେବା ଭବନରେ ପହଞ୍ଚିଲେ ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସଙ୍କ ପତ୍ନୀ ମୀନତି ଦାସ । ମୁଖ୍ୟମନ୍ତ୍ରୀଙ୍କୁ ସାକ୍ଷାତ ପାଇଁ ଲୋକସେବା ଭବନରେ ମୀନତି ପହଞ୍ଚିଛନ୍ତି । ଝିଅ ଦୀପାଳି ଦାସ ଏବଂ ପୁଅ ବିଶାଲ ଦାସ ମଧ୍ୟ ମା’ଙ୍କ ସହ ମୁଖ୍ୟମନ୍ତ୍ରୀଙ୍କୁ ସାକ୍ଷାତ ପାଇଁ ପହଞ୍ଚିଛନ୍ତି ।
ସେପଟେ ଲଗାତାର ଦ୍ବିତୀୟ ଦିନରେ ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ନବ ଦାସଙ୍କ ବାସଭବନରେ ପହଞ୍ଚି ପଚରାଉଚରା କରିଛି କ୍ରାଇମବ୍ରାଞ୍ଚ ଟିମ୍ । ନବ ଦାସଙ୍କ ପତ୍ନୀ ମୀନତି ଦାସଙ୍କୁ ପଚରାଉଚରା କରିବା ସହ ତାଙ୍କ ବୟାନ ରେକର୍ଡ କରାଯାଇଥିବା କ୍ରାଇମବ୍ରାଞ୍ଚ ଅଧିକାରୀ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ତଦନ୍ତ ମୂଳରୁ ଆରମ୍ଭ ହୋଇନି, ଓପନ୍ ଥିଲା । ଆଇଓ ପରିବର୍ତ୍ତନ ହେବାରୁ ତଦନ୍ତ ହେଲା ।
ହସ୍ପିଟାଲ୍ରେ କେଉଁ ସମୟରେ କ’ଣ ଚିକିତ୍ସା ହୋଇଥିଲା ପଚାରି ବୁଝିଛୁ । ଝାରସୁଗୁଡ଼ା ବିମାନବନ୍ଦର ଯାଇ ମଧ୍ୟ ଆମ୍ବୁଲାନ୍ସ ଟେକ୍ଅପ୍, ଲ୍ୟାଣ୍ଡିଂ କଥା ବୁଝିବୁ ବୋଲି ଅଧିକାରୀ ଜଣଙ୍କ ପ୍ରକାଶ କରିଛନ୍ତି ।
ଅନ୍ୟପଟେ, ଝାରସୁଗୁଡ଼ା ବିମାନବନ୍ଦର କର୍ତ୍ତୃପକ୍ଷଙ୍କୁ ଚିଠି ଲେଖିଲା କ୍ରାଇମବ୍ରାଞ୍ଚ । ନବ ଦାସଙ୍କୁ ଗୁଳି ମାଡ଼ ପରେ କେତେବେଳେ କେଉଁ ବିମାନରେ ଯାଇଥିଲେ ଓ ତାଙ୍କ ସହ ବିମାନରେ କିଏ ଯାଇଥିଲେ, କର୍ମଚାରୀ କିଏ କିଏ ଥିଲେ ଜାଣିବା ପାଇଁ କ୍ରାଇମବ୍ରାଞ୍ଚ ଚିଠି ଲେଖିଛି ।
You Can Read:
ଏପ୍ରିଲ ୨ରୁ ସକାଳୁଆ ସ୍କୁଲ, ଦିନ ୧୧ଟାରୁ ୩ଟା ଶ୍ରମିକଙ୍କ ପାଇଁ କାମ ବନ୍ଦ
