ମାଡ଼ିଆସୁଛି ଶକ୍ତିଶାଳୀ ଘୂର୍ଣ୍ଣିଝଡ଼: ୨୮୦ କିମି ବେଗରେ ବହିବ ପବନ, ପାଞ୍ଚଟି ଦେଶରେ ତାଣ୍ଡବ ରଚାଇବାକୁ ପ୍ରସ୍ତୁତ

ନୂଆଦିଲ୍ଲୀ: ​​​​​​​ମାଡ଼ିଆସୁଛି ଚଳିତ ବର୍ଷର ସବୁଠୁ ଶକ୍ତିଶାଳୀ ଘୂର୍ଣ୍ଣିଝଡ଼। ୫ଟି ଦେଶରେ ତାଣ୍ଡବ ରଚିବାକୁ ପ୍ରସ୍ତୁତ। ୧୯୯୯ ମହାବାତ୍ୟାଠୁ ବି ଭୟଙ୍କର। ୨୮୦ କିମି ବେଗରେ ବହିବ ପବନ। ପ୍ରବଳ ବର୍ଷା ସାଙ୍ଗକୁ ମାଡିଆସିବ ଉଚ୍ଚ ଜୁଆର। ବଳ ଗୋଟାଉଛି ପ୍ରଶାନ୍ତ ମହାସାଗରରେ ସୃଷ୍ଟି ହୋଇଥିବା ସୁପର ଟାଇଫୁନ ରାଗାସା। ଏହାକୁ କାଟାଗୋରୀ-୫ରେ ରଖାଯାଇଛି। ଛାରଖାର କରିଦେବ ପୂର୍ବ ଏସିଆ। ଝଡ଼ର ତୀବ୍ରତା ଦେଖି ପାଞ୍ଚ ଦେଶରେ ଜରୁରୀକାଳୀନ ସ୍ଥିତି ଘୋଷଣା। ରାଡାରରେ ଥାଇଲ୍ୟାଣ୍ଡ, ଫିଲିପାଇନ୍ସ, ଚୀନ୍, ତାଇୱାନ ଏବଂ ହଂକଂ। ଏସବୁ ଦେଶରେ ବିମାନ ସେବା ବାତିଲ। ସ୍କୁଲ ଏବଂ କଲେଜ ବନ୍ଦ। ଉପକୂଳ ଅଞ୍ଚଳର ଲୋକଙ୍କୁ ତୁରନ୍ତ ନିରାପଦ ସ୍ଥାନକୁ ଚାଲିଯିବାକୁ ନିର୍ଦ୍ଦେଶ।

୧୮ ସେପ୍ଟେମ୍ବରରେ ସୃଷ୍ଟି ହୋଇଥିବା ରାଗାସା ୨୧ ସେପ୍ଟେମ୍ବର ସୁଦ୍ଧା ଏକ ସୁପର ଟାଇଫୁନରେ ପରିଣତ ହୋଇଛି। ପ୍ରତି ଘଣ୍ଟାରେ ୨୨ କିଲୋମିଟର ବେଗରେ ସ୍ଥଳଭାଗ ଆଡ଼କୁ ଗତି କରୁଛି। ଏହାକୁ ଜାପାନରେ ରାଗାସା ଏବଂ ଫିଲିପାଇନ୍ସରେ ନାଣ୍ଡୋ ନାମ ଦିଆଯାଇଛି। ଆସନ୍ତାକାଲି ସେପ୍ଟେମ୍ବର ୨୩ରେ ଦକ୍ଷିଣ ଚୀନ ସାଗରରେ ପ୍ରବେଶ କରିବ। ତା'ପରେ ହଂକଂ ଏବଂ ଥାଇଲ୍ୟାଣ୍ଡ ଦେଇ ଗତି କରିବ। ଫିଲିପାଇନ୍ସ ପାଣିପାଗ ସଂସ୍ଥା ଏବଂ ହଂକଂ ଅବଜରଭେଟୋରୀ ଅନୁଯାୟୀ, କାଟାଗୋରୀ-5 ସୁପର ଟାଇଫୁନ୍ ରାଗାସା ୨୬୦ କିଲୋମିଟର ପର୍ଯ୍ୟନ୍ତ ପବନ ବହିପାରେ।

ଏବେଠୁ ଫିଲିପାଇନ୍ସରେ ତାଣ୍ଡବ ରଚିଛି ରଚିଲାଣି ରାଗସା। ଭୂସ୍ଖଳନ ଯୋଗୁଁ ୫ ଜଣଙ୍କର ମୃତ୍ୟୁ ହୋଇଛି। 50,000 ରୁ ଅଧିକ ଲୋକ ସ୍ଥାନାନ୍ତରିତ ହୋଇଛନ୍ତି।  ଫିଲିପାଇନ୍ସ, ହଂକଂ ଏବଂ ତାଇୱାନର ମିଳିତ ଟାଇଫୁନ୍ ସେଣ୍ଟର ପାଞ୍ଚ ଦିନିଆ ଓ୍ୱାର୍ଣ୍ଣିଂ ଜାରି କରିଛି। ତାଇୱାନର CWA ଏଜେନ୍ସି ସତର୍କ କରିଛି ଯେ ଟାଇଫୁନ୍ ଅଧିକ ଶକ୍ତିଶାଳୀ ହେବ। ବିମାନ ଉଡ଼ାଣ ବାତିଲ ସହ ଉପକୂଳ ଅଞ୍ଚଳ ପାଇଁ ବନ୍ୟା ଚେତାବନୀ ଜାରି କରିଛି ତାଇୱାନ୍ ସରକାର।

ସେପ୍ଟେମ୍ବର 24 ତାରିଖ ସକାଳ ସୁଦ୍ଧା ଟାଇଫୁନ ହଂକଂ ନିକଟରେ ରହିବ। ଯାହା ଘଣ୍ଟା ପ୍ରତି ୨୧୦ କିଲୋମିଟର ବେଗରେ ପବନ ବହିବ। ଏହି ଟାଇଫୁନ ଦକ୍ଷିଣ ଚୀନ୍ ସାଗରରେ ପ୍ରବେଶ କରି ସେପ୍ଟେମ୍ବର ୨୩ ଏବଂ ୨୪ ତାରିଖରେ ଗୁଆଙ୍ଗଡୋଙ୍ଗରେ ସ୍ଥଳଭାଗ ଛୁଇଁବ ବୋଲି ଆଶା କରାଯାଉଛି। ଏହାକୁ ଦୃଷ୍ଟିରେ ରଖି ଭିଏତନାମରେ ମଧ୍ୟ ବିମାନ ସେବା ସ୍ଥଗିତ ରଖାଯାଇଛି।

ମିଳିତ ଟାଇଫୁନ୍ ସତର୍କତା କେନ୍ଦ୍ର (JTWC) ଏବଂ ହଂକଂ ଅବଜରଭେଟୋରୀ (HKO) ଅନୁଯାୟୀ, ଟାଇଫୁନ୍ ରାଗାସା ପୂର୍ବ ଏସିଆର ଦେଶଗୁଡ଼ିକୁ ପ୍ରଭାବିତ କରିବ। ଏହା ଭାରତ ପହଞ୍ଚିବା ଆଶା କରାଯାଉନାହିଁ। ଏହାର କୌଣସି ସିଧାସଳଖ ପ୍ରଭାବ ଭାରତ ଉପରେ ପଡ଼ିବ ନାହିଁ। ପ୍ରଶାନ୍ତ ମହାସାଗରର ଯେଉଁ ଅଂଶରେ ଟାଇଫୁନ୍ ରାଗାସା ସକ୍ରିୟ ଅଛି ତାହା ଭାରତଠାରୁ 3000-4000 କିଲୋମିଟର ଦୂରରେ ଅବସ୍ଥିତ।

ସେପ୍ଟେମ୍ବର 21 ତାରିଖରେ, ଫିଲିପାଇନ୍ସର ଉତ୍ତର ଲୁଜୋନର କାଗାୟାନ୍ ଏବଂ ଆପାରିରେ ଟାଇଫନ୍ ଲ୍ୟାଣ୍ଡଫଲ୍ କରିଥିଲା, ଯାହା ଫଳରେ ପ୍ରବଳ ପବନ ଏବଂ ପ୍ରବଳ ବର୍ଷା ହୋଇଥିଲା। ଭୂସ୍ଖଳନ ମଧ୍ୟ ଘଟିଥିଲା। ପାଗ ଯୋଗୁଁ ପାମ୍ପଲୋନାର ବାସିନ୍ଦାଙ୍କୁ ସ୍ଥାନାନ୍ତର କରାଯାଇଥିଲା। ୫ ଜଣଙ୍କର ମୃତ୍ୟୁ ହୋଇଛି। 50,000 ରୁ ଅଧିକ ଲୋକ ସ୍ଥାନାନ୍ତରିତ ହୋଇଛନ୍ତି।

ଫିଲିପାଇନ୍ସ, ହଂକଂ ଏବଂ ତାଇୱାନର ମିଳିତ ଟାଇଫୁନ୍ କେନ୍ଦ୍ର ଏକ ପାଞ୍ଚ ଦିନିଆ ପୂର୍ବାନୁମାନ ଜାରି କରିଛି, ଯେଉଁଥିରେ କୁହାଯାଇଛି ଯେ ଟାଇଫୁନ୍ ସେପ୍ଟେମ୍ବର 21 ତାରିଖରେ ତାଇୱାନ୍ ଆଡକୁ ଗତି କରିବ, ଏବଂ ସେପ୍ଟେମ୍ବର 22 ସୁଦ୍ଧା ପ୍ରଭାବ ପଡ଼ିବ। ତାଇୱାନର CWA ଏଜେନ୍ସି ସତର୍କ କରିଛି ଯେ ବାଶି ଚ୍ୟାନେଲ ନିକଟରେ ଟାଇଫୁନ୍ ଅଧିକ ଶକ୍ତିଶାଳୀ ହେବ। ଏହି ଚେତାବନୀର ଜବାବରେ, ତାଇୱାନ୍ ସରକାର ବିମାନ ଉଡ଼ାଣ ବାତିଲ କରିଛି ଉପକୂଳ ଅଞ୍ଚଳ ପାଇଁ ବନ୍ୟା ଚେତାବନୀ ଜାରି କରିଛି।

ସେପ୍ଟେମ୍ବର 24 ତାରିଖ ସକାଳ ସୁଦ୍ଧା ଟାଇଫୁନ ହଂକଂ ନିକଟରେ ରହିବ। ଯାହା ଘଣ୍ଟା ପ୍ରତି 210 କିଲୋମିଟର ବେଗରେ ପବନ ବହିବ ଏବଂ ଉପକୂଳରେ ମାଡ଼ ହେବା ପରେ ବନ୍ୟା ହେବାର ଆଶଙ୍କା ରହିଛି। ଝଡ଼ ଦକ୍ଷିଣ ଚୀନ୍ ସାଗରରେ ପ୍ରବେଶ କରି ସେପ୍ଟେମ୍ବର ୨୩ ଏବଂ ୨୪ ତାରିଖରେ ଗୁଆଙ୍ଗଡୋଙ୍ଗରେ ସ୍ଥଳଭାଗ ଛୁଇଁବ ବୋଲି ଆଶା କରାଯାଉଛି। ଭିଏତନାମରେ ମଧ୍ୟ ବିମାନ ସେବା ସ୍ଥଗିତ ରଖାଯାଇଛି।

ମିଳିତ ଟାଇଫୁନ୍ ସତର୍କତା କେନ୍ଦ୍ର (JTWC) ଏବଂ ହଂକଂ ଅବଜରଭେଟୋରୀ (HKO) ଅନୁଯାୟୀ, ଟାଇଫୁନ୍ ରାଗାସା ପୂର୍ବ ଏସିଆର ଦେଶଗୁଡ଼ିକୁ ପ୍ରଭାବିତ କରିବ କିନ୍ତୁ ଏହା ଭାରତ ପହଞ୍ଚିବା ଆଶା କରାଯାଉନାହିଁ। ଭାରତୀୟ ଉପକୂଳରୁ ଦୂରରେ ଅବସ୍ଥିତ ହୋଇଥିବାରୁ ଏହାର କୌଣସି ସିଧାସଳଖ ପ୍ରଭାବ ପଡ଼ିବ ନାହିଁ। ପ୍ରଶାନ୍ତ ମହାସାଗରର ଯେଉଁ ଅଂଶରେ ଟାଇଫୁନ୍ ରାଗାସା ସକ୍ରିୟ ଅଛି ତାହା ଭାରତଠାରୁ 3000-4000 କିଲୋମିଟର ଦୂରରେ ଅବସ୍ଥିତ। ଏହା ଭାରତର ପୂର୍ବ ଉପକୂଳ, ଆଣ୍ଡାମାନ-ନିକୋବର କିମ୍ବା ଓଡ଼ିଶାଠାରୁ ମଧ୍ୟ ବହୁତ ଦୂରରେ ଅବସ୍ଥିତ।