ଅବସର ନେଲେ ଅଷ୍ଟ୍ରେଲିଆର ବେଷ୍ଟ ପେସର, ବଡ଼ ନିଷ୍ପତ୍ତି ପଛରେ କ’ଣ କାରଣ?

ନୂଆଦିଲ୍ଲୀ ୦୨/୦୯: କଙ୍ଗାରୁ ଟିମ୍‌ରେ ଫଟାପଟ କ୍ରିକେଟରୁ ସରିଲା ଷ୍ଟାର୍କ ଯୁଗ । ଅଷ୍ଟ୍ରେଲିଆର ଦ୍ରୁତ ବୋଲର ମିଚେଲ ଷ୍ଟାର୍କ ଅନ୍ତର୍ଜାତୀୟ ଟି-୨୦ରୁ ଅବସର ନେଇଛନ୍ତି । ଏହି ବାମହାତୀ ଦ୍ରୁତ ବୋଲର ଅଷ୍ଟ୍ରେଲିଆ ପାଇଁ ୬୫ ଟି-୨୦ ଆନ୍ତର୍ଜାତୀୟ ମ୍ୟାଚ୍ ଖେଳିବା ପରେ କ୍ରିକେଟର ସବୁଠାରୁ ଛୋଟ ଫର୍ମାଟକୁ ବିଦାୟ ଦେବାକୁ ନିଷ୍ପତ୍ତି ନେଇଛନ୍ତି । ମିଚେଲ ଷ୍ଟାର୍କ ୨୦୧୨ ମସିହାରେ ଟି-୨୦ ଆନ୍ତର୍ଜାତୀୟ ପିଚ୍‌ରେ ଡେବ୍ୟୁ କରିଥିଲେ । ତାଙ୍କର ଟି-୨୦ ଆନ୍ତର୍ଜାତୀୟ କ୍ୟାରିଅର ୧୩ ବର୍ଷ ପର୍ଯ୍ୟନ୍ତ ଚାଲିଥିଲା। ସେ ଜୁନ୍ ୨୦୨୪ରେ ଭାରତ ବିପକ୍ଷରେ ତାଙ୍କର ଶେଷ ଟି-୨୦ ଆନ୍ତର୍ଜାତୀୟ ମ୍ୟାଚ୍ ଖେଳିଥିଲେ।

ଟି-୨୦ରୁ ମିଚେଲ ଷ୍ଟାର୍କଙ୍କ ଅବସର:

ଟି-୨୦ ଆନ୍ତର୍ଜାତୀୟ କ୍ରିକେଟରୁ ମିଚେଲ ଷ୍ଟାର୍କଙ୍କ ଅବସର ଖବର ସେତେବେଳେ ଆସିଥିଲା ଯେତେବେଳେ ଅଷ୍ଟ୍ରେଲିଆ ନ୍ୟୁଜିଲାଣ୍ଡ ବିପକ୍ଷରେ ଟି-୨୦ ସିରିଜ ପାଇଁ ଦଳ ଘୋଷଣା କରିଥିଲା। କ୍ରିକେଟ ଅଷ୍ଟ୍ରେଲିଆ ମଧ୍ୟ ତାର ସୋସିଆଲ ମିଡିଆରେ ଷ୍ଟାର୍କଙ୍କ ଅବସର ବିଷୟରେ ସୂଚନା ଦେଇଥିଲା।

ଟି-୨୦ ଅନ୍ତର୍ଜାତୀୟରୁ ଅବସର ନେବାର କାରଣ?

ଏବେ ପ୍ରଶ୍ନ ହେଉଛି ମିଚେଲ ଷ୍ଟାର୍କ ହଠାତ୍ ତାଙ୍କ ଟି-୨୦ ଆନ୍ତର୍ଜାତୀୟ କ୍ୟାରିୟରକୁ ବିଦାୟ ଦେବାକୁ କାହିଁକି ନିଷ୍ପତ୍ତି ନେଲେ? ତାଙ୍କ ନିଷ୍ପତ୍ତି ପଛରେ କ’ଣ କାରଣ ଥିଲା? ତେବେ ଉତ୍ତର ଦୁଇଟି ଲମ୍ବା ଫର୍ମାଟ କ୍ରିକେଟ ସହିତ ଜଡିତ। ଯାହା ଅନୁମାନ କରାଯାଏ କରାଯାଏ ଯେ ଷ୍ଟାର୍କ ଏବେ ଟେଷ୍ଟ ଏବଂ ଓଡିଆଇ ଫର୍ମାଟରେ ଧ୍ୟାନ ଦେବାକୁ ଚାହୁଁଥିଲେ । ତେଣୁ ସେ ଟି-୨୦ ଆନ୍ତର୍ଜାତୀୟରୁ ଅବସର ଘୋଷଣା କରିଛନ୍ତି। ୩୫ ବର୍ଷୀୟ ଷ୍ଟାର୍କ ୨୦୨୭ରେ ଅନୁଷ୍ଠିତ ହେବାକୁ ଥିବା ଓଡିଆଇ ବିଶ୍ୱକପ ଉପରେ ମଧ୍ୟ ନଜର ରଖିଛନ୍ତି।

ପାକିସ୍ତାନରୁ ଆରମ୍ଭ କରି ଭାରତ ସହ ଶେଷ:

ଷ୍ଟାର୍କଙ୍କ ଟି-୨୦ ଆନ୍ତର୍ଜାତୀୟ କ୍ୟାରିୟର ବିଷୟରେ କହିବାକୁ ଗଲେ, ୨୦୧୨ରେ ପାକିସ୍ତାନ ବିପକ୍ଷରେ ତାଙ୍କର ଡେବ୍ୟୁ ସହିତ ଆରମ୍ଭ ହୁଏ । ୨୦୨୪ ଜୁନରେ ଭାରତ ବିପକ୍ଷରେ ଖେଳାଯାଇଥିବା ଶେଷ ମ୍ୟାଚ୍ ସହିତ ଶେଷ ହୁଏ। ଏହି ସମୟରେ, ଖେଳିଛନ୍ତି ମୋଟ୍ ୬୫ ମ୍ୟାଚ୍ । ଯେଉଁଥିରେ ସେ ନେଇଛନ୍ତି ୭୯ୱିକେଟ୍ ନେଇଥିଲେ।

ଟି-୨୦ରେ ଅଷ୍ଟ୍ରେଲିଆର ଦ୍ୱିତୀୟ ସବୁଠାରୁ ସଫଳ ବୋଲର:

ଟି-୨୦ ଆନ୍ତର୍ଜାତୀୟରେ ମିଚେଲ ଷ୍ଟାର୍କ ଦ୍ୱିତୀୟ ସର୍ବାଧିକ ୱିକେଟ୍ ନେଇଥିବା ଦ୍ରୁତ ବୋଲର। ଅଷ୍ଟ୍ରେଲିଆ ପାଇଁ ଟି-୨୦ ଆନ୍ତର୍ଜାତୀୟ ମ୍ୟାଚ୍‌ରେ ଏହି ବାମହାତୀ ଦ୍ରୁତ ବୋଲରଙ୍କ ଠାରୁ କେବଳ ସ୍ପିନର ଆଡାମ ଜାମ୍ପା ଅଧିକ ୱିକେଟ୍ ନେଇଛନ୍ତି। ଜାମ୍ପା ଏପର୍ଯ୍ୟନ୍ତ ୧୩୦ ୱିକେଟ୍ ନେଇଛନ୍ତି। ଷ୍ଟାର୍କଙ୍କ ଟି-୨୦ ଆନ୍ତର୍ଜାତୀୟ କ୍ୟାରିୟରର ସବୁଠାରୁ ବଡ଼ ସଫଳତା ଥିଲା ୨୦୨୧ ଟି-୨୦ ବିଶ୍ୱକପ୍ ଜିତିବା, ଯାହା ଏହି ଫର୍ମାଟରେ ଅଷ୍ଟ୍ରେଲିଆର ପ୍ରଥମ ପ୍ରମୁଖ ଟାଇଟଲ୍ ଥିଲା।