ନୂଆଦିଲ୍ଲୀ ୦୯/୦୪: ବକ୍ସର ମେରୀ କମ୍ ଓ କରୁଁ ଅନଲର ୫ ବର୍ଷ ଡେଟିଂ କରିବା ପରେ ବିବାହ କରିଥିଲେ । ଯାହାକୁ ଏହା ଭିତରେ ବିତିଯାଇଛି ପାଖାପାଖି ୨୦ ବର୍ଷ । ବିବାହ ପରେ, ସେମାନଙ୍କର ତିନୋଟି ସନ୍ତାନ ହୋଇଥିଲା । ଆହୁରି ବି ଗୋଟିଏ ଝିଅକୁ ସେମାନେ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ । ଦୁହିଁଙ୍କ ମଧ୍ୟରେ ସବୁକିଛି ଠିକ୍ ଚାଲିଥିଲା । ହେଲେ ଏବେ ସେମାନଙ୍କ ଛାଡପତ୍ର ଖବର ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରିଛି । ସତରେ କ’ଣ ଦୁହେଁ ଛାଡପତ୍ର ନେବାକୁ ଯାଉଛନ୍ତି? କିନ୍ତୁ ଏହା ପଛରେ କ’ଣ କାରଣ ଅଛି, ଯାହା ଛାଡପତ୍ରର କାରଣ ହେଲା?
ମେରୀ କମ୍ ଜଣେ ଜଣାଶୁଣା ବ୍ୟକ୍ତିତ୍ୱ । ସାରା ଦେଶର ତାଙ୍କର ପ୍ରଶଂସକ ବି ଢେର । ରିପୋର୍ଟ ଅନୁସାରେ, ମେରୀ କମ୍ ଓ ତାଙ୍କ ସ୍ୱାମୀ କରୁଁ ଅନଲରଙ୍କ ମଧ୍ୟରେ ସମ୍ପର୍କ ୨୦୨୨ରୁ ଖରାପ ହୋଇଥିଲା ଲାଗିଛି । ଧୀରେ ଧୀରେ ଏହା ସମୟ ସହିତ ଆହୁରି ଖରାପ ହୋଇଛି। ରିପୋର୍ଟରେ ଆହୁରି ବି କୁହାଯାଇଛି ଯେ ମେରୀ କମ୍ କୁଆଡେ ଅନ୍ୟ ଜଣଙ୍କୁ ପ୍ରେମ କରୁଛନ୍ତି । ତେବେ ଏଥିରେ କେତେ ସତ୍ୟତା ଅଛି ତାହା ଜଣାପଡିନି । କିନ୍ତୁ ମେରୀ କମ୍ ତାଙ୍କ ଜୀବନରେ ତୃତୀୟ ବ୍ୟକ୍ତି ଆସିବା ଖବରକୁ ଅସ୍ୱୀକାର କରିନାହାଁନ୍ତି ।
ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ବିଧାନସଭା ନିର୍ବାଚନରେ ପରାସ୍ତ ହେବା ପରେ ଅନଲରଙ୍କୁ ବହୁତ ଆର୍ଥିକ କ୍ଷତି ସହିବାକୁ ପଡିଥିଲା । ବୋଧହୁଏ ମତଭେଦର କାରଣ ହୋଇପାରେ । ଦୁହେଁ ବହୁତ ଦିନ ଧରି ପରସ୍ପର ସହିତ ରହୁ ନାହାଁନ୍ତି। ମେରୀ କମ୍ ତାଙ୍କ ପିଲାମାନଙ୍କ ସହିତ ଫରିଦାବାଦରେ ରୁହନ୍ତି । ତାଙ୍କ ସ୍ୱାମୀ ଅନଲର୍ ତାଙ୍କ ପରିବାର ସହିତ ଦିଲ୍ଲୀରେ ରହୁଛନ୍ତି।
ସୂଚନା ଥାଉକି, ମେରୀ କମ୍ ଏବଂ ତାଙ୍କ ସ୍ୱାମୀ ଅନଲର ୨୦୦୦ ମସିହାରେ ଭେଟ ହୋଇଥିଲା । ବକ୍ସରଙ୍କ ଲଗେଜ୍ ହଜି ଯାଇଥିଲା, ଓ ଅନଲର ତାଙ୍କୁ ତାହା ଖୋଜିବାରେ ସାହାଯ୍ୟ କରିଥିଲେ । ଦୁହେଁ ୫ ବର୍ଷ ପର୍ଯ୍ୟନ୍ତ ବନ୍ଧୁ ଥିଲେ । ପରେ ମାର୍ଚ୍ଚ ୨୦୦୫ରେ ସେମାନେ ବିବାହ କରିଥିଲେ।
