ମାହାଙ୍ଗା ୨୭।୧୧ : ୩ ଜଣ ଲୁଟେରାଙ୍କୁ ଫିଲ୍ମ ଷ୍ଟାଇଲ୍ରେ ଗୋଡେଇ ଗୋଡେଇ ଧରିଲେ ପୋଲିସ । କଟକ ଜିଲ୍ଲା ମାହାଙ୍ଗା ଥାନା କୁଣ୍ଡି ବଡପୋଲ ନିକଟରେ ଲୁଟେରାଙ୍କୁ ଧରିଛି ମାହାଙ୍ଗା ପୋଲିସ । ଗିରଫ ଲୁଟେରା ନିକଟରୁ ବନ୍ଧୁକ, ମାରାଣାସ୍ତ୍ର ଜବତ। ଏମାନଙ୍କ ନାଁରେ ଛିନ୍ତାଇ ମାମଲା ରହିଛି।
ଖବର ଅନୁଯାୟୀ, ବାଇକରେ ଆସି ବନ୍ଧୁକ ଦେଖାଇ ରାସ୍ତା ମଝିରେ ଲୁଟୁଥିଲେ ୩ ଦୁର୍ବୃତ୍ତ । ସଂଯୋଗବଶତଃ ପୋଲିସ ସେହି ସମୟରେ ଆସି ପହଞ୍ଚି ଯାଇଥିଲା। ତାପରେ ଫିଲ୍ମ ଷ୍ଟାଇଲରେ ଆରମ୍ଭ ହୋଇ ଯାଇଥିଲା ଗୋଡ଼ାଗୋଡି। ଜଣକୁ ରାସ୍ତା ଉପରେ କାବୁ କଲା ପୋଲିସ । ଆଉ ଦୁଇଜଣ ବିଲ ଆଡକୁ ଦଉଡି ପଳାଇ ଯାଉଥିବା ବେଳେ ସେମାନଙ୍କୁ ମଧ୍ୟ ସ୍ଥାନୀୟ ଲୋକଙ୍କ ସହାୟତାରେ କାବୁ କଲା ପୋଲିସ। ଏମିତି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ମାହାଙ୍ଗା ଥାନା କୁଣ୍ଡି ବଡପୋଲ ନିକଟରେ। ୩ ଲୁଟେରାଙ୍କ ଠାରୁ ବାଇକ ସହ ଗୋଟିଏ ବନ୍ଧୁକ, ଗୋଟିଏ ଛୁରୀ ଓ ଗୋଟିଏ କଟୁରି ଜବତ କରିଛି ପୋଲିସ। ସେମାନଙ୍କ ନାମରେ ପୂର୍ବରୁ ମଧ୍ୟ ଲୁଟ ମାମଲା ରହିଛି।
