ଏସ୍ଓପି ଅନୁସାରେ ଚାଲିଛି ରତ୍ନ ଅଳଙ୍କାର ସ୍ଥାନାନ୍ତର, ଭିଡିଓ ରେକର୍ଡିଂରେ ଗଣତି ମଣତି ହେବ- ଆଇନମନ୍ତ୍ରୀ

ଭୁବନେଶ୍ୱର ୨୩।୦୯ : ଏସ୍‌ଓପି ଅନୁସାରେ ରତ୍ନ ଅଳଙ୍କାର ସ୍ଥାନାନ୍ତରଣ ଚାଲିଛି । ରତ୍ନଭଣ୍ଡାର ପାଇଁ ସରକାରଙ୍କ ଦ୍ୱାରା ପ୍ରସ୍ତୁତ ହୋଇଥିବା ଏସ୍‌ଓପି ଅନୁସାରେ ସ୍ଥାନାନ୍ତରଣ କରାଯାଉଛି ବୋଲି କହିଛନ୍ତି ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।

ସେ ଆହୁରି ମଧ୍ୟ କହିଛନ୍ତି ଯେ, ସଂପୂର୍ଣ୍ଣ ସୁରକ୍ଷିତ ଭାବେ ଅସ୍ଥାୟୀ ଭଣ୍ଡାରରୁ ଭିତର ଭଣ୍ଡାରକୁ ରତ୍ନ ସିନ୍ଧୁକ ଗୁଡ଼ିକୁ ସିଫ୍ଟ କରାଯାଉଛି । SOP ଅନୁସାରେ ଯେମିତି କିଛି ଭୁଲ ତ୍ରୁଟି ରହିବ ନାହିଁ ସେଥିପାଇଁ ସବୁ କାର୍ଯ୍ୟର ଭିଡିଓ ରେକର୍ଡିଂ କରାଯାଉଛି । ଆଗକୁ କାର୍ତ୍ତିକ ମାସ ବ୍ରତ ହେବାକୁ ଯାଉଛି। ତେଣୁ ନିଯୋଗ ମାନଙ୍କ ସହ ମୁଖ୍ୟ ପ୍ରଶାସକ ଆଲୋଚନା ଆରମ୍ଭ କରିଛନ୍ତି । ରତ୍ନଭଣ୍ଡାର କମିଟି ଏବଂ ହାଇପାୱାର କମିଟିର ନିଷ୍ପତ୍ତି ଓ ଅନୁରୋଧ କ୍ରମେ ମହାପ୍ରଭୁଙ୍କ ରତ୍ନ ଅଳଙ୍କାର ଗଣତି ମଣତି ଆରମ୍ଭ କରାଯିବ ।